ସମସ୍ତେ ଭାବିଥିଲେ ଚଳିତ ବର୍ଷ ଭଲରେ ଭଲରେ କଟିବ । ହେଲେ ବର୍ଷ ଆରମ୍ଭରୁ ଭୁବନେଶ୍ଵରରେ ଘଟିଚାଲିଛି ଅଘଟଣ । ଗୋଟିଏ ପରେ ଗୋଟିଏ ସ୍ଥାନରେ ଲାଗିଯାଉଛି ଆପେ ଆପେ ନିଆଁ । ହୁତୁ ହୁତୁ ହୋଇ ନିଆଁ ଜଳିବାକୁ ଲଗୁଛି । ଏମିତି ଲାଗୁଛି କି ଯେମିତି ନିଆଁ ଡେଇଁ ଡେଇଁ ଯାଉଛି ।

ପ୍ରଥମେ ନିଆଁ ଲାଗିଥିଲା ଲିଙ୍ଗିପୁର ସୁପର ମାର୍ଟରେ । ଏହା ପରେ ଲାଗିଲା ବାପୁଜୀନଗର ମାର୍ଭେଲ ଫ୍ୟାନ୍ସୀ ହାର୍ଡୱାର ଷ୍ଟୋରରେ। ଆଉ ଏବେ ତୋଷାଳୀ ଭବନରେ ନିଆଁ ଲାଗିଛି । ଭୁବନେଶ୍ଵରରେ ବୋଧେ କାହାର ନଜର ଲାଗି ଯାଇଛି । କାରଣ ୩ ଦିନ ଭିତରେ ଲାଗିଲାଣି ୩ଟି ସ୍ଥାନରେ ନିଆଁ । କୋଟି କୋଟି ଟଙ୍କାର ଜିନିଷ ଏବଂ କାଗଜପତ୍ର ପୋଡ଼ି ଗଲାଣି ।

ଗୁରୁବାର ସକାଳେ ଭୁବନେଶ୍ଵର ତୋଷାଳୀ ଭବନ ବା ଲୋକାୟୁକ୍ତଙ୍କ ଅଫିସରେ ଲଗିଲା ନିଆଁ I ପ୍ରବଳ ଧୂଆଁ ବାହାରୁଛି ଅଫିସରୁ । କାଗଜ ପତ୍ର ସବୁ ପୋଡ଼ି ଯାଇଛି । ସକାଳୁ ସକାଳୁ ହଠାତ ଧୂଆଁ ବାହାରିଥିଲା । ଦେଖିଲା ବେଳକୁ ଜଳୁଥିଲା ତୋଷାଳୀ ଭବନ । କିନ୍ତୁ କେଉଁ କାରଣ ପାଇଁ ନିଆଁ ଲାଗିଛି ତାହା ସ୍ପଷ୍ଟ ହୋଇନାହିଁ । ସପଟେ ଅଗ୍ନିଶମବାହିନୀ ପହଞ୍ଚି ନିଆଁକୁ ଆୟତ କରିଥିଲେ।

ପଢନ୍ତୁ ଏହି ଖବର: ଏବେ ବି ଲିଭିନି ନିଆଁ, ଲିଙ୍ଗିପୁର ସୁପରମାର୍ଟରୁ ବାହାରୁଛି ଧୂଆଁ

ଏତ ଥିଲା ଗୁରୁବାର ସକାଳର କଥା କିନ୍ତୁ ଏହା ପୂର୍ବରୁ ଆହୁରି ୨ଟି ସ୍ଥାନରେ ଲାଗିଯାଇଛି ନିଆଁ । ସୋମବାର ରାତିରୁ ଆରମ୍ଭ କରି ବୁଧବାର ସକାଳ ପର୍ଯ୍ୟନ୍ତ ଜଳିବାକୁ ଲାଗିଥିଲା ଧଉଳି ଲିଙ୍ଗିପୁରରେ ଥିବା ସୁପରମାର୍କେଟ । ୨୪ ଘଣ୍ଟାରୁ ଅଧିକ ସମୟ ଧରି ହୁତ ହୁତ ହୋଇ ଜଳିଥିଲା ସୁପର ମାର୍କେଟ । ଏତେ ଜୋରେ ଜଳିଥିଲା କି ୫୦ରୁ ଅଧିକ ଦମକଳା ବାହିନୀ ନିୟୋଜିତ ହୋଇଥିଲେ ନିଆଁ ଲିଭାଇବା ପାଇଁ । ବହୁତ ଚେଷ୍ଟା ପରେ ନିଆଁକୁ ଆୟତ କରାଯାଇଥିଲା । କିନ୍ତୁ ସେତେବେଳକୁ ପାଖା ପାଖି ୬ କୋଟି ଟଙ୍କାର ଜିନିଷ ପୋଡ଼ି ଜଳି ପାଉଁଶ ଯାଇଥିଲା । ନିଆଁର ପ୍ରକୋପ ଏତେ ଥିଳା କି ଛାତ ଫାଟି ଆଁ କରିଥିଲା ।

ଏହା ପରେ ବୁଧବାର ସକାଳୁ ସକାଳୁ ବାପୁଜୀନଗରରେ ଥିବା ମାର୍ଭେଲ ଫେନ୍ସୀ ହାର୍ଡୱାର ଷ୍ଟୋରରେ ଅଗ୍ନିକାଣ୍ଡ ଘଟିଥିଲା । ହୁତ ହୁତ ହୋଇ ଜଳିଥିଲା ପୁରା ଦୋକାନ । ସୁପର ମାର୍ଟରୁ ନିଆଁ ନଲିଭୁଣୁ ମାର୍ଭେଲ ଫେନ୍ସୀ ହାର୍ଡୱାର ଷ୍ଟୋରରେ ନିଆଁ ଲାଗିଥିଲା । ଖବର ପାଇଲା ପରେ ନିଆଁକୁ ଲିଭାଇବା ପାଇଁ ପହଞ୍ଚିଥିଲା ଅଗ୍ନିଶମର ୨ଟି ଗାଡି । ନିଆଁ ଲାଗିଥିବା କୋଠାରୀ ଭିତରେ ଟିମ୍ ପହଂଚି ନିଆଁକୁ ଆୟତ୍ତ କରିଥିଲା । ନିଆଁ ଲାଗି ଜଳି ଯାଇଛି କୋଟି କୋଟି ଟଙ୍କାର ସମ୍ପତ୍ତି । କିନ୍ତୁ ନିଆଁ କଣ ପାଇଁ ଲାଗିଲା ତାହା ଜଣାପଡ଼ି ନାହିଁ ।

ଭୁବନେଶ୍ବରରେ ଅଘଟଣ ଏତିକିରେ ଅଟକି ନାହିଁ । ବୁଧବାର ବିଳମ୍ବିତ ରାତିରେ ଆଇଗିଣିଆରେ ଥିବା ଆଳୁଗଦିର କୋଲ୍ଡ ଷ୍ଟୋର ପାଇପ ଫାଟି ଯାଇଥିଲା । ଫଳରେ ବିଷାକ୍ତ ଆମୋନିଆ ଗ୍ୟାସ୍‌ ବ୍ୟାପି ଯାଇଥିଲା । ରାତି ଅଧରେ ଅଗ୍ନିଶମବାହିନୀ ପହଞ୍ଚି ଗ୍ୟାସ୍‌କୁ ବ୍ୟାପିବାରୁ ରୋକିଥିଲା। ଆଉ ଏହା ପରେ ଗୁରୁବାର ସକାଳୁ ତୋଷାଳୀ ଭବନ ବା ଲୋକାୟୁକ୍ତଙ୍କ ଅଫିସ ରେ ଲଗିଥିଲା ନିଆଁ । ଯଦି ଦେଖିବା ବାରମ୍ବାର ଘଟି ଚାଲିଛି ଅଘଟଣା । ଏମିତି ଲାଗୁଛି କାହାର କଳା ନଜର ଲାଗି ଯାଇଛି ।
ଏଥିସହ ପଢ଼ନ୍ତୁ:  ସୁପରମାର୍ଟ ଭିତରକୁ ଯାଇ ଭେଁ ଭେଁ ହୋଇ କାନ୍ଦୁଛନ୍ତି ପୁରା ପରିବାର