ଭୁବନେଶ୍ବର ପ୍ରବେଶ ପଥରେ ଅସମ୍ଭାଳ ସ୍ଥିତି । ୧୬ ନମ୍ବର ଜାତୀୟ ରାଜପଥ ପଳାଶୁଣି ଓଭରବ୍ରିଜ୍ ଉପରେ ହୁତୁହୁତୁ ହୋଇ ଜଳିଗଲା ଟ୍ରକ୍ । ଦିନ ୩ଟାରୁ ଏ ଯାଏଁ ଗୋଟିଏ ପଟେ ରାସ୍ତା ଜାମ୍ ହୋଇ ରହିଛି । କଟକ ମଙ୍ଗୁଳିରୁ ଭୁବନେଶ୍ବର ପ୍ରାୟ ୩୦ କିଲୋମିଟର ରାସ୍ତାରେ ଗାଡ଼ି ଚଳାଚଳ ଏକଦମ୍‌ ଠପ୍ ହୋଇଯାଇଛି ।

ସୂଚନା ଅନୁସାରେ, ରାଜଧାନୀ ଭୁବନେଶ୍ବରର ପଳାଶୁଣି ଛକ ନିକଟରେ ଭୟଙ୍କର ଅଗ୍ନିକାଣ୍ଡ ଘଟିଥିଲା । ଜାତୀୟ ରାଜପଥରେ ଚାଲୁଥିବା ଅବସ୍ଥାରେ ଏକ ଟ୍ରକରେ ହଠାତ୍ ନିଆଁ ଲାଗି ଯାଇଥିଲା । ଚାହୁଁ ଚାହୁଁ ଟ୍ରକଟି ହୁତୁହୁତୁ ହୋଇ ଜଳିଉଠିଥିଲା । ଅଘଟଣ ପରେ ଜାତୀୟ ରାଜପଥରେ ଯାତାୟାତ ବାଧାପ୍ରାପ୍ତ ହୋଇଛି । ଏମିତିକି ଦିନ ୩ଟାରୁ ଗୋଟିଏ ପଟ ରାସ୍ତାରେ ଯାତାୟତ ଏକ ପ୍ରକାର ଠପ୍‌ ହୋଇଯାଇଛି ।