ବିଜେଡିରେ ଥମୁନି ବୟାନବାଜି । ଦେବାଶିଷ ସାମନ୍ତରାୟ, ରାଜା ସ୍ବାଇଁ, ବଦ୍ରି ପାତ୍ର ଓ ଅଶୋକ ପଣ୍ଡାଙ୍କ ପରେ ପରୋକ୍ଷରେ ପାଣ୍ଡିଆନଙ୍କୁ ଟାର୍ଗେଟ କରିଛନ୍ତି ବରିଷ୍ଠ ନେତା ଭୂପିନ୍ଦର ସିଂ । ଭୂପିନ୍ଦର କହିଛନ୍ତି, କିଛି ଜଣଙ୍କ ଦ୍ବାରା ଦଳ ପରିଚାଳିତ ହେବାରୁ ବଢୁଛି ଅସନ୍ତୋଷ । ସେ ଆହୁରି ବି କହିଛନ୍ତି, 2024 ନିର୍ବାଚନ ପରଠାରୁ ସଂସଦରେ ବିଜେଡିର ଷ୍ଟାଣ୍ଡ କ୍ଲିୟର ନୁହେଁ । ଲୋକଙ୍କ କଥାକୁ ଖାମଖିଆଲି ଭାବେ ନେଲେ ଦଳ ପାଇଁ ଆଗକୁ କ୍ଷତି ହେବ ।

ଅଶୋକଙ୍କ କଥା ଦୋହରାଇ ଭୂପିନ୍ଦର କହିଛନ୍ତି କାହାର ବ୍ୟକ୍ତିଗତ ନୁହେଁ, ନବୀନ ପଟ୍ଟନାୟକ ରାଜ୍ୟର ସମ୍ପତ୍ତି । ସମସ୍ତଙ୍କୁ ନେଇ ନିଷ୍ପତ୍ତି ନିଆଗଲେ କେବେ ବି ଭୁଲ ହୁଅନ୍ତା ନାହିଁ । କିନ୍ତୁ କିଛି ଜଣଙ୍କ ଦ୍ଵାରା ଦଳ ପରିଚାଳିତ ହେବାରୁ ଅସନ୍ତୋଷ ବଢୁଛି। ଯାହା କି ଦଳ ପାଇଁ କ୍ଷତିକାରକ ।

ଏହାସହ ପଢ଼ନ୍ତୁ:- ରିଲିଜ୍ ପାଇଁ ମମତାଙ୍କୁ 'ହାତ ଯୋଡ଼ି' ନେହୁରା ହେଲେ ବିବେକ ଅଗ୍ନିହୋତ୍ରୀ

ସେହିପରି ନିଜ ଦଳର ଆଭିମୁଖ୍ୟ ନେଇ ବର୍ଷିଛନ୍ତି ବରିଷ୍ଠ ବିଜେଡି ନେତା ଭୂପିନ୍ଦର ସିଂ । କହିଛନ୍ତି 2024 ନିର୍ବାଚନ ପରଠାରୁ ସଂସଦରେ ବିଜେଡିର ଷ୍ଟାଣ୍ଡ କ୍ଲିୟର ନୁହେଁ । ଲୋକଙ୍କ କଥାକୁ ଖାମଖିଆଲି ଭାବେ ନେଲେ ଦଳ ପାଇଁ ଆଗକୁ କ୍ଷତି ହେବ ବୋଲି କହିଛନ୍ତି ଭୁପିନ୍ଦର । ଯାହାର ଜବାବ ରଖିଛନ୍ତି ଦଳୀୟ ବିଧାୟକ ରୋମାଞ୍ଚ ରଞ୍ଜନ ବିଶ୍ୱାଳ । ବଢୁଥିବା ଅସନ୍ତୋଷ ଓ ବୟାନ ବାଜି ବିଜେଡିର ଭବିଷ୍ୟତ ଉପରେ ବଡ଼ ପ୍ରଶ୍ନବାଚୀ ସୃଷ୍ଟି କରିଛି ବୋଲି ରାଜନୈତିକ ମହଲରେ ଚର୍ଚ୍ଚା ହେଉଛି ।

ଏହାସହ ପଢ଼ନ୍ତୁ:- ଦୁନିଆର ସବୁଠାରୁ ଶକ୍ତିଶାଳି ରାଷ୍ଟ୍ର, BRICSକୁ ଦେଖି ଥରିଲାଣି !