ନବଙ୍କ ପୋଷ୍ଟମର୍ଟମ କରିଥିବା ଦୁଇ ଡାକ୍ତରଙ୍କ ଷ୍ଟେଟମେଣ୍ଟରୁ ବଡ ଖୁଲାସା
Key Points
ନବ ଦାସ ହତ୍ୟା ମାମଲାରେ ଦିନକୁ ଦିନ ଆସୁଛି ନୂଆ ନୂଆ ଅପଡେଟ୍ । ଏବେ ପୁଣି ଅର୍ଗସ ହାତରେ ଲାଗିଛି ଏକ୍ସକ୍ଲୁସିଭ୍ ଦସ୍ତାବିଜ୍ । କ୍ରାଇମବ୍ରାଞ୍ଚ ତଦନ୍ତରେ ବଡ଼ ଷଡଯନ୍ତ୍ରର ମିଳିଛି ବଡ଼ ପ୍ରମାଣ । ନବ ହତ୍ୟା ପାଇଁ ହୋଇଥିଲା ଦେଶୀ ବନ୍ଧୁକର ବ୍ୟବହାର ? ନବଙ୍କ ଡେଡବଡିର ଅପରେସନ୍ ଡ୍ରାମାର କିଏ ସେ ନିର୍ଦ୍ଦେଶକ ?
ଭୁବନେଶ୍ୱର: ନବ ଦାସ ହତ୍ୟା ମାମଲାରେ ଦିନକୁ ଦିନ ଆସୁଛି ନୂଆ ନୂଆ ଅପଡେଟ୍ । ଏବେ ପୁଣି ଅର୍ଗସ ହାତରେ ଲାଗିଛି ଏକ୍ସକ୍ଲୁସିଭ୍ ଦସ୍ତାବିଜ୍ । କ୍ରାଇମବ୍ରାଞ୍ଚ ତଦନ୍ତରେ ବଡ଼ ଷଡଯନ୍ତ୍ରର ମିଳିଛି ବଡ଼ ପ୍ରମାଣ । ନବ ହତ୍ୟା ପାଇଁ ହୋଇଥିଲା ଦେଶୀ ବନ୍ଧୁକର ବ୍ୟବହାର ? ନବଙ୍କ ଡେଡବଡିର ଅପରେସନ୍ ଡ୍ରାମାର କିଏ ସେ ନିର୍ଦ୍ଦେଶକ ?
ନବଙ୍କ ପୋଷ୍ଟମର୍ଟମ କରିଥିବା ଦୁଇ ଡାକ୍ତରଙ୍କ କୋର୍ଟରେ ଷ୍ଟେଟମେଣ୍ଟ ଅର୍ଗସ ହାତରେ ଲାଗିଛି । ଡାକ୍ତର ଲକ୍ଷ୍ମୀକାନ୍ତ ବେହେରା ଓ ପି.କେ ସାମନ୍ତରାୟଙ୍କ ଷ୍ଟେଟମେଣ୍ଟରୁ ହୋଇଛି ବଡ଼ ଖୁଲାସା ।
ଚାଞ୍ଚଲ୍ୟକର ଖୁଲାସା-1- ପୋଷ୍ଟମର୍ଟମ କରିଥିବା ଡାକ୍ତରଙ୍କ ହୋଇନାହିଁ ବୟାନ ରେକର୍ଡ । କ୍ରାଇମବ୍ରାଞ୍ଚର ତଦନ୍ତକାରୀ ଅଧିକାରୀ ତାଙ୍କ ବୟାନ ରେକର୍ଡ କରିନାହାନ୍ତି ।
ଚାଞ୍ଚଲ୍ୟକର ଖୁଲାସା -2- ପୋଷ୍ଟମର୍ଟମ ରିପୋର୍ଟରେ ଦେଶୀ ବନ୍ଧୁକରୁ ଫାୟାରିଂ ନେଇ ବଢୁଛି ସନ୍ଦେହ । ନବଙ୍କ ଛାତିର କ୍ଷତ ଚିହ୍ନ ଦେଶୀ ବନ୍ଧୁକରୁ ବୁଲେଟ ଫାୟାରରୁ ସମ୍ଭବ । ତେବେ ଏ କଥା ସ୍ପଷ୍ଟ କରାଯାଇପାରିବ ନାହିଁ ଯେ ଏଭଳି କ୍ଷତ ଚିହ୍ନ 15ରୁ 20 ଫୁଟ ଦୁରରୁ ଦେଶୀ ବନ୍ଧୁକରୁ କରାଯାଇଛି ।
ଚାଞ୍ଚଲ୍ୟକର ଖୁଲାସା -3- ନବ ଦାସ ପିନ୍ଧିଥିବା ରକ୍ତଭିଜା ପୋଷାକ ବ୍ୟବଚ୍ଛେଦ ପୂର୍ବରୁ ସେମାନଙ୍କୁ ଦିଆଯାଇନଥିଲା । ବନ୍ଧୁକ ଓ ଗୁଳି ମଧ୍ୟ ସେମାନଙ୍କୁ ଦିଆଯାଇନଥିଲା ।
📱 Get Argus News App
✨ଚାଞ୍ଚଲ୍ୟକର ଖୁଲାସା-4- ପୋଷ୍ଟମର୍ଟମ ରିପୋର୍ଟ କହୁଛି ପ୍ରଚୁର ରକ୍ତସ୍ରାବ ଯୋଗୁଁ ହୋଇଥିଲା ନବଙ୍କ ମୃତ୍ୟୁ । ତାହେଲେ ଝାରସୁଗୁଡାରେ ଡେଥ୍, ଆପୋଲରେ ଡେଡବଡିର ଅପରେସନ୍ ହୋଇଥିଲା କି ?
ଚାଞ୍ଚଲ୍ୟକର ଖୁଲାସା-5- ନବଙ୍କ ସହଯୋଗୀ କହୁଛନ୍ତି ECG ହୋଇଥିଲା । ଭାଇରାଲ୍ ଇସିଜି ରିପୋର୍ଟ କହୁଛି ଝାରସଗୁଡାରେ ନବଙ୍କର ହାର୍ଟବିଟ୍ ବନ୍ଦ ହୋଇଯାଇଥିଲା ।
ପୂର୍ବରୁ ନବଙ୍କୁ ଏକାଧିକ ବନ୍ଧୁକରୁ ଗୁଳିମାଡ଼ ହୋଇଥିବା ନେଇ ରାଜ୍ୟ ଫରେନସିକ୍ ଲ୍ୟାବର ଫିଲ୍ଡ ରିପୋର୍ଟରେ ଦର୍ଶାଯାଇଥିଲା । କ୍ରାଇମବ୍ରାଞ୍ଚ ପକ୍ଷରୁ ଦାଖଲ ଚାର୍ଜସିଟ୍ ଓ ଏସଏଫଏସଏଲର ରିପୋର୍ଟ ଅନୁସାରେ ୨୦୨୩ ଜାନୁଆରୀ ୨୯ ତାରିଖରେ ନବ ଦାସଙ୍କର ୨ଟି ଗାଡ଼ି ବ୍ରଜରାଜନଗର ଗାନ୍ଧୀ ଛକକୁ ଯାଇଥିଲା । ପ୍ରଥମ ଗାଡ଼ିରେ ନବ ଦାସ ବସିଥିବା ବେଳେ ଦ୍ଵିତୀୟ ଗାଡ଼ିରେ ତାଙ୍କର ସହଯୋଗୀ ବସିଥିଲେ । କ୍ରାଇମବ୍ରାଞ୍ଚ ପକ୍ଷରୁ ଦାଖଲ ହୋଇଥିବା ଫାଇନାଲ ଫର୍ମରେ ଗୋପାଳ ପାଖରୁ ୧୮ଟି ଗୁଳିଥିବା ଗୋଟିଏ ମ୍ୟାଗାଜିନ୍, ୩ଟି ଅଫୁଟା ଗୁଳି ଜବତ କରାଯାଇଥିବା ନେଇ ଦର୍ଶାଯାଇଥିଲା ।
ଘଟଣାସ୍ଥଳରୁ ଗୋଟିଏ ଖୋକା ଓ ଅନ୍ୟ ଏକ ଅକାମୀ ଗୁଳି ବି ଜବତ କରାଯାଇଥିଲା ବୋଲି ରିପୋର୍ଟରେ ଉଲ୍ଲେଖ ରହିଛି । ଗୋଟିଏ ଗୁଳି ସେ ବ୍ଲାଙ୍କ ଫାୟାରିଂ ମଧ୍ୟ କରିଥିଲେ । କିନ୍ତୁ ଷ୍ଟେଟ୍ ଫରେନସିକ୍ ଲ୍ୟାବର ରିପୋର୍ଟ କହୁଛି, ଭେଇକିଲ୍ ୨ ଅର୍ଥାତ୍ ପଛରେ ଥିବା ଗାଡ଼ିରେ ବି ପାଞ୍ଚଟି ଗୁଳି ବାଜିଥିବାର କଣା ରହିଛି । ଏଭଳି ସ୍ଥିତିରେ ନବ ଦାସଙ୍କୁ କେଉଁ ବନ୍ଧୁକରୁ ଗୁଳି ବାଜିଛି ତାହା ବର୍ତ୍ତମାନ ସୁଦ୍ଧା ଅସ୍ପଷ୍ଟ ରହିଛି ।
ଏକା ଗୋପାଳ ନା ନବଙ୍କୁ ଆଉ କିଏ ମାରିଥିଲା ଗୁଳି ? ରାଜ୍ୟ ଫରେନସିକ୍ ଲ୍ୟାବ୍ ରିପୋର୍ଟରେ ସାଂଘାତିକ ତଥ୍ୟ