ଭୁବନେଶ୍ୱର: ବିଜେଡି ଛାଡୁଛାଡୁ କେମିତି ଖୋଲି ଦେଲେ ଦଳର ଇତିହାସ ଓ ଭଗୋଳ । କେମିତି ଦଳ ଚାଲୁଛି ? କିଏ ଚଳାଉଛି ? ଆଦିଠୁ ଅନ୍ତ...ସବୁ ଗୋଟି ଗୋଟି କହିବା ସହିତ ଦଳର ପୂରା ଭାଣ୍ଡାଫୋଡ୍‌ କରିଛନ୍ତି ଅରିନ୍ଦମ । ହେଲେ ଦଳ ଛାଡିବା ପରେ ଅରିନ୍ଦମ ଯେଉଁ ବିଷୋଦଗାର କରିଛନ୍ତି ତାହାକୁ ନେଇ ଚର୍ଚ୍ଚା ଜୋର ଧରିଛି ।

ଦଳ ଛାଡିଲେ, ବିଷ ଓଗାଳିଲେ
ଏବେ ସମ୍ଭାଳିପାରିବେ ତ ବବି ?

ଦଳ ଛାଡୁ ଛାଡୁ ବିଜେଡି...ବିଜେଡି ମୁଖିଆ ଓ ବିଜେଡିର ଆଭିମୁଖ୍ୟକୁ ନେଇ ବିଷ ଓଗାଳିଲେ ଅରିନ୍ଦମ ରାୟ । ଦଳରେ ଆଉ ଆଗ ଭଳି କାମ ହେଉନି । ସ୍ଥିତି ବଦଳିଯାଇଛି । ଦଳର ସାଚୁରେସନ ଆସିଗଲାଣି । ଫଙ୍କସନିଂ ଆଉ ଠିକ୍ ନାହିଁ । ଯାହାଙ୍କୁ ଦେଖି ପ୍ରଭାବିତ ହୋଇ ଦଳରେ ଯୋଗ ଦେଇଥିଲି । ଏବେ ଆଉ ସେ କାଳ ପାଖାଳ ନାହିଁ । ଏବେ କାମ କରିବାର ଶୈଳୀ ବଦଳିଗଲାଣି । ସେଠି ଆଉ ଖାପ ଖୁଆଇ କାମ କରିହେଉନି । ଦଳରେ ଆଉ କାମ କରିବାକୁ ସୁଯୋଗ ନାହିଁ । କିଛି ଏମିତି କହି ବିଜେଡିକୁ ବାଏ ବାଏ କରିଛନ୍ତି ଅରିନ୍ଦମ ।

ଖାଲି ଏତିକି ନୁହେଁ କହୁ କହୁ ବିଜେଡିର ଗୋହି ଖୋଲିଲେ ଅରିନ୍ଦମ୍ । ଦଳର ମୁଖିଆଙ୍କୁ ଭେଟିବାକୁ ସୁଯୋଗ ମିଳୁନି । ଯଦି ନେତାଙ୍କୁ ଭେଟିପାରିବିନି ତେବେ ସେଠି ଆଉ ରହି ଲାଭ ନାହିଁ ବୋଲି କହିଛନ୍ତି ଅରିନ୍ଦମ୍ । ଦଳରେ ଭିଡ ପ୍ରବଳ । ବିଜୁ ଜନତା ଦଳରେ ଏବେ ମାଇଗ୍ରେଟେଡ୍ ଲୋକ ଅଧିକ ହୋଇଗଲେଣି ।

ବିଜେପିରେ ଯୋଗ ଦେବା ପରେ ଭାରତୀୟ ଜନତା ପାର୍ଟିକୁ ଧନ୍ୟବାଦ ଜଣାଇଛନ୍ତି । ପ୍ରଧାନମନ୍ତ୍ରୀ ମୋଦିଙ୍କ ଦ୍ୱାରା ସମସ୍ତେ ପ୍ରଭାବିତ । ଯେଉଁ ଦଳରେ ସମ୍ମାନ ମିଳିଲା ସେଇଠିକୁ ଆସିଲି । ବିଜେପି ପାଇଁ ପାରୁପର୍ଯ୍ୟନ୍ତ କାମ କରିବି । ବିଜେପିକୁ ଆହୁରି ଲୋକପ୍ରିୟ କରିବାକୁ ତୃଣମୂଳ ସ୍ତରକୁ ଯିବି । ଗାଁ ଗଣ୍ଡା ବୁଲିବି ।

ସେପଟେ ଦଳର ସୁପ୍ରିମୋଙ୍କୁ ଭେଟିବାକୁ ଯିବା ପାଇଁ ତାଙ୍କୁ ଅନୁମତି ମିଳୁନଥିବା ସେ ତାଙ୍କ ଇସ୍ତଫା ପତ୍ରରେ ଉଲ୍ଲେଖ କରିଛନ୍ତି । ତେବେ ଆଦର୍ଶ ଆଚରଣ ବିଧି ଲାଗିବା ପୂର୍ବରୁ ଅରିନ୍ଦମ ଯେଉଁ ନିଷ୍ପତ୍ତି ନେଲେ ତାହାକୁ ନେଇ ଚର୍ଚ୍ଚା ଜୋର ।

ଆହୁରି ପଢନ୍ତୁ ରାଜନୀତି ଖବର...

Argus News | argus news | -Argusnews Home: Odisha Latest News, Breaking News, Trending News, Live TV and more