ଅର୍ଗସ ବ୍ୟୁରୋ: ପିପିଲି ଓ ସତ୍ୟବାଦୀରେ ବାର୍ଡ ଫ୍ଲୁ ଘଟଣା ସମଗ୍ର ରାଜ୍ୟରେ ଚିନ୍ତା ବଢ଼ାଇଛି। ସଂକ୍ରମିତ ଅଞ୍ଚଳରେ କୁକୁଡ଼ା ମରା ଅଭିଯାନ ଜୋରଦାର କରାଯାଇଛି। ବର୍ତ୍ତମାନ ସୁଦ୍ଧା ପିପିଲି ଓ ସତ୍ୟବାଦୀ ଅଂଚଳରେ ୨୬,୩୭୧ କୁକୁଡ଼ା ମରାଯାଇଛି।

ସମ୍ପୃକ୍ତ ଅଞ୍ଚଳକୁ କଣ୍ଟେନମେଣ୍ଟ ଜୋନ ଘୋଷଣା କରାଯାଇଛି। ବାର୍ଡ ଫ୍ଲୁ ଏକ ଭୁତାଣୁ ଜନିତ ରୋଗ ହୋଇଥିବାରୁ ସମ୍ପୃକ୍ତ ଅଞ୍ଚଳରେ କୌଣସି ଚିକେନ ସେଣ୍ଟର ଖୋଲାଯିବ ନାହିଁ। ସଂପୃକ୍ତ ଅଞ୍ଚଳର ଲୋକଙ୍କୁ ଚିକେନ ନ ଖାଇବା ପାଇଁ ପରାମର୍ଶ ଦିଆଯାଇଛି। କୁକୁଡ଼ା ଫାର୍ମ ଗୁଡିକୁ ସାନିଟାଇଜ କରାଯାଉଛି ବୋଲି ଜିଲ୍ଲା ମୁଖ୍ୟ ପ୍ରାଣୀ ଚିକିତ୍ସା ଅଧିକାରୀ ଡଃ ଶରତ କୁମାର ବେହରା ସୂଚନା ଦେଇଛନ୍ତି।

ଅଧିକ ପଢ଼ନ୍ତୁ ଓଡ଼ିଶା ଖବର