କାମ କରୁନି ନବୀନଙ୍କ ଟ୍ରଷ୍ଟ
ବିଜେଡି ଛିଡୁଛି ବଢୁଛି ବିଜେପି 
ପ୍ରତିଦିନ ବିଜେପିରେ ଚାଲିଛି ମିଶ୍ରଣ ପର୍ବ
 

ଅର୍ଗସ ବ୍ୟୁରୋ : ୨୪ ନିର୍ବାଚନ ପୂର୍ବରୁ ଚାଲିଛି ଦଳ ଡିଆଁ ପ୍ରତିଯୋଗିତା । ପ୍ରତିଦିନ ବିଜେପିରେ ଚାଲିଛି ମିଶ୍ରଣ ପର୍ବ । ବିଜେଡି ଓ କଂଗ୍ରେସ ଛାଡ଼ି ପଦ୍ମ ହାତ ଧରୁଛନ୍ତି ନେତା ଓ କର୍ମୀ । ଏଯାଏଁ ୨ ସାଂସଦ, ୪ ବିଧାୟକ ଆଉ ୭ରୁ ଅଧିକ ପୂର୍ବତନ ବିଧାୟକ ବିଜେଡିକୁ ବାୟ ବାୟ କରି ସାରିଲେଣି । ଆଉ ପ୍ରାୟ ସମସ୍ତେ ଏବେ ପଦ୍ମ କ୍ୟାମ୍ପରେ । କାରଣ ଏଥର ବିଜେଡି ଯେତେ ଚେଷ୍ଟା କଲେ ବି ଅସନ୍ତୁଷ୍ଟ ସନ୍ତୁଷ୍ଟ କରିବାରେ ଫେଲ ମାରିଛି । ଆଉ ମ୍ୟାନେଜ୍ ମୁଡ୍‌ରେ ନାହାନ୍ତି ତାଙ୍କ ନେତା ଓ କର୍ମୀ ।

ସେହିପରି ବିଜେଡି ଛାଡି ବିଜେପିରେ ସାମିଲ ହୋଇଛନ୍ତି ପୂର୍ବତନ ବିଧାୟକ ପ୍ରିୟଦର୍ଶୀ ମିଶ୍ର ଏବଂ ଜଟଣୀ ନେତା ସନ୍ତୋଷ ଜେନା । ଉଭୟ ରାଜ୍ୟ କାର୍ଯ୍ୟାଳୟରେ ପଦ୍ମ ଧରିଛନ୍ତି । ଅନ୍ୟପଟେ ଗତ କାଲି ବିଜେଡିକୁ ବାଏ ବାଏ କରିଛନ୍ତି ଓଲିଉଡ୍‌ର ଜଣାଶୁଣା ଚେହେରା ତଥା କେନ୍ଦ୍ରାପଡା ସାଂସଦ ଅନୁଭବ ମହାନ୍ତି ଓ କୋରେଇର ପୂର୍ବତନ ବିଧାୟକ ଆକାଶ ଦାସନାୟକ । ସେହିପରି ଗତ କାଲି ରାଜ୍ୟ କାର୍ଯ୍ୟାଳୟରେ ପଦ୍ମ ଧରିଛନ୍ତି, ପୂର୍ବତନ ବିଧାୟକ ଆକାଶ ଦାସନାୟକ ।

ନିକଟରେ ବିଜେପିରେ ସାମିଲ ହୋଇଥିଲେ କଟକ ସାଂସଦ ଭର୍ତ୍ତୃହରି ମହତାବ, ଆଉ ବ୍ରହ୍ମପୁରର ପୂର୍ବତନ ସାଂସଦ ସିଦ୍ଧାନ୍ତ ମହାପାତ୍ର । ସେହିପରି, ବିଧାୟକ ପ୍ରଦୀପ ପାଣିଗ୍ରାହୀ, ଅରିନ୍ଦମ ରାୟ, ପ୍ରଶାନ୍ତ ଜଗଦେବ, ଅରବିନ୍ଦ ଢାଲି, ପ୍ରେମାନନ୍ଦ ନାୟକ ବି ବିଜେଡି ଛାଡି ବିଜେପିରେ ମିଶିଛନ୍ତି । 

ନିର୍ବାଚନ ବେଳେ ଦଳ ବଦଳ ଏକ ସ୍ୱାଭାବିକ ପ୍ରକ୍ରିୟା । ହେଲେ ୨୪ ନିର୍ବାଚନ ପୂର୍ବରୁ ଯେଉଁ ମାତ୍ରାରେ ବିଜେଡିକୁ ବାଏ ବାଏ କରୁଛନ୍ତି । ଯାହା ପାଇଁ ଟେନସନରେ ଏବେ ବିଜେଡ଼ି । ଏବେ ସୁଦ୍ଧା ବିଜେଡି ୭୨ଟି ଆସନ ପାଇଁ ପ୍ରାର୍ଥୀ ଘୋଷଣା କରିଥିବା ବେଳେ, ବାକି ଥିବା ୭୫ ଆସନ ଘୋଷଣା ପରେ ଆହୁରି ବିଦ୍ରୋହ ଦେଖା ଦେଇପାରେ ବୋଲି କୁହାଯାଉଛି ।