ଅର୍ଗସ ବ୍ୟୁରୋ:  ଦୁର୍ଗମରେ ବିପର୍ଯ୍ୟସ୍ତ ପ୍ରାଥମିକ ଶିକ୍ଷା ବ୍ୟବସ୍ଥା ।  ବିପଦ ସଙ୍କୁଳ ଅବସ୍ଥାରେ ପାଠ ପଢୁଛନ୍ତି ଛାତ୍ରାଛାତ୍ରୀ । ବିଦ୍ୟାଳୟରେ ନାହିଁ ଶ୍ରେଣୀଗୃହ । ମାଲକାନଗିରି ଜିଲ୍ଲା କାଲିମେଳା ବ୍ଲକ ବଡିଗେଟl ପଞ୍ଚାୟତ  କୁରୁବ ଓ ବଡିଗେଟl ଗାଁରେ ଭୁଷୁଡିଛି ଶିକ୍ଷା ବ୍ୟବସ୍ଥା । ଗାଁରେ  ୭୨ଟି ପରିବାରର ୩୦୦ରୁ ଅଧିକ ଲୋକେ ବସବାସ କରନ୍ତି । କିନ୍ତୁ ଭିତ୍ତିଭୂମୀର ଅସୁବିଧା ଯୋଗୁଁ ପିଲାମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ।  ପ୍ରାଥମିକ ବିଦ୍ୟାଳୟରେ ପ୍ରଥମରୁ ପଞ୍ଚମ  ଶ୍ରେଣୀ ପର୍ଯ୍ୟନ୍ତ ୧୬ ଜଣ ଛାତ୍ରଛାତ୍ରୀ ଥିବା ବେଳେ ଦୁଇଜଣ ଶିକ୍ଷକରେ ଚାଲିଛି ଶିକ୍ଷାଦାନ । ଗତ କାଳବୈଶାଖୀ ପ୍ରଭାବରେ  ବିଦ୍ୟାଳୟ ର ସମସ୍ତ ଗୃହର  ଟିଣ ଛପର ଉଡିଯାଇଛି । ଏହା ସହ ଆସବାବପତ୍ର ନଷ୍ଟ ହୋଇଯାଇଛି ।  ଫଳରେ ଶିକ୍ଷାଦାନ ବାଧାପ୍ରାପ୍ତ ହେଉଛି । ବିଦ୍ୟାଳୟ ପରିସରରେ ଥିବା ଅଧା ଭଙ୍ଗା ଘରେ ପାଠପଢୁଛନ୍ତି ଛାତ୍ରଛାତ୍ରୀ । ଏଭଳି ଅବ୍ୟବସ୍ଥାରେ ପିଲାଙ୍କୁ ସ୍କୁଲ ଛାଡିବାକୁ ରାଜି ହେଉନାହାଁନ୍ତି ଅଭିଭାବକ ।

ସେପଟେ ବିଦ୍ୟାଳୟରେ ପିଲାଙ୍କ ପାଇଁ ରୋଷେଇ ଘର କି ଖେଳ ପଡିଆ ମଧ୍ୟ ନାହିଁ ।  ବାରମ୍ବାର ବିଭାଗୀୟ ଅଧିକାରୀ ଓ ଗୋଷ୍ଠୀ ଉନ୍ନୟନ ଅଧିକାରୀ ଙ୍କ ଦୃଷ୍ଟି ଆକର୍ଷଣ କରାଯାଇଥିଲେ ମଧ୍ୟ ଏଯାଏ କିଛି ସୁଫଳ ମିଳି ପାରିନାହିଁ l ବର୍ଷା ଦିନ ହୋଇ ଥିବାରୁ ଘର ମରାମତିର ଆବଶ୍ୟକତା ରହିଛି l ସ୍ଥାନୀୟ ସରପଞ୍ଚ ଘଟଣାର ତୁରନ୍ତ ସମାଧାନ କରିବାକୁ ପ୍ରତିଶ୍ରୁତି ଦେଇଛନ୍ତି । 24 ବର୍ଷର ବିଜେଡି ସରକାର 5T ମାଧ୍ୟମରେ ସ୍ମାର୍ଟ ବିଦ୍ୟାଳୟ କରିଥିବାବେଳେ ତୃଣମୂଳ  ସ୍ତରରେ ବାସ୍ତବ ଚିତ୍ର ଆଲଗା । ନୂଆ ସରକାରରେ ଶିକ୍ଷା ବ୍ୟବସ୍ଥାରେ ବିକାଶକୁ ନେଇ ବେଶ ଆଶାବାଦୀ ଅଛନ୍ତି ଅଞ୍ଚଳବାସୀ ।

ଅଧିକ ପଢ଼ନ୍ତୁ ଓଡିଶା ଖବର: