ପୁଣି ମହାପ୍ରଭୁଙ୍କୁ ଅପମାନ 
ମହାପ୍ରଭୁଙ୍କୁ ନେଇ ହୀନ ରାଜନୀତି କରୁଛି ନବୀନ ସରକାର
ଶୀତ ରାତିରେ ମହାପ୍ରଭୁଙ୍କୁ ଅଳିଆ ଗଦା ପାଖରେ ଥୋଇ ଚାଲିଗଲେ ନବୀନଙ୍କ ନେତା
 

ଅର୍ଗସ ବ୍ୟୁରୋ : ଯେଉଁଠି ତୁଳସୀ ଚନ୍ଦନ ବାସ ହେବା କଥା, ସେଠି ଅଳିଆ ଦୁର୍ଗନ୍ଧରେ ଫାଟି ପଡ଼ୁଛୁ ସାରା ଏରିଆ । ଆଉ ଏ ଦୁର୍ଗନ୍ଧ କାରଣ ସାଜିଛି ନବୀନ ସରକାର । ଭୁଲି ଗଲେ ମହାପ୍ରଭୁଙ୍କ ସ୍ତାନ । ପରିକ୍ରମା ପ୍ରକଳ୍ପ ପାଇଁ ରାଜ୍ୟର ବିଭିନ୍ନ ସ୍ଥାନରେ ବୁଲୁଥିବା ପ୍ରକଳ୍ପ ରଥକୁ ବିଭିନ୍ନ ସ୍ଥାନରେ ଅସମ୍ମାନ କରୁଥିବା ଦେଖିବାକୁ ମିଳିଛି । କେଉଁଠି ଜଗନ୍ନାଥଙ୍କ ଫଟୋ ଚିତ୍ର ଉପରେ ବିଜେଡି କର୍ମୀ ଗୋଡ ରଖିଥିବା ଦେଖିବାକୁ ମିଳିଛି । ଆଉ କେଉଁଠି ଜଗନ୍ନାଥଙ୍କ ମୁରୁଜ ଉପରେ ଗୋଡ ରଖିଛନ୍ତି ବିଜେଡି ନେତା । ଆଉ କେଉଁଠି ଜୋତା ପିନ୍ଧି ହେଉଛି ଅରୁଆ ଚାଉଳ ସଂଗ୍ରହ । ଭୁବନେଶ୍ବରର ଅଳିଆଗଦା ପାଖରେ ଥୁଆ ହୋଇଛି ଅର୍ପଣ ରଥ । ଆପଣ ଏ ଦୃଶ୍ୟକୁ ଦେଖିଲେ ଠିକ୍ ଜାଣି ପରିବେ ।

ଆଉ ରାଜ୍ୟ ସରକାର ଭୁଲିଗଲେ ମହାପ୍ରଭୁ ହେଉଛନ୍ତି ସାଢ଼େ ଚାରି କୋଟି ଓଡ଼ିଆଙ୍କ ମଉଡ଼ । ଆଉ ଅଳିଆ ଗଦା ପାଖରେ ମହାପ୍ରଭୁଙ୍କୁ ଛାଡ଼ି ପଳାଇଲେ ବିଜେଡ଼ି ନେତା ଓ କର୍ମୀ । ଆଉ ଏ ମହା ପାପ କରିଛନ୍ତି ନବୀନ ସରକାର । ଏ ଦୃଶ୍ୟକୁ ଯିଏ କେହିବି ଦେଖିବ, ତାକୁ ନିଶ୍ଚିତ ବାଧିବ । ଓଡ଼ିଆଙ୍କ ଆରାଧ୍ୟ ଦେବତା ଶ୍ରୀଜଗନ୍ନାଥଙ୍କୁ କିଭଳି ଅସମ୍ମାନ କରାଯାଉଛି, ତାହା ଏ ଦୃଶ୍ୟରୁ ବେଶ ଅନୁମାନ କରିହେଉଛି ।

ଗୋଟିଏ ପଟେ ରାଜ୍ୟ ସରକାର ପୁରୀ ମନ୍ଦିରକୁ ସାରା ବିଶ୍ବରେ ପରିଚିତ କରୁଥିବା ଡ଼ିଣ୍ଡିମ ପିଟୁଛନ୍ତି । କିନ୍ତୁ ଏପଟେ ଭୁଲିଗଲେ ଓଡ଼ିଆ ମଉଡ଼ ମଣିଙ୍କ କଥା । ଯାହାଙ୍କ ଲାଗି ସାରା ବିଶ୍ବର ପରିଚିତ ପାଇଛି ଆମ ରାଜ୍ୟ ଓଡ଼ିଶା । କିନ୍ତୁ ତାଙ୍କୁ ଆଜି ଅସମ୍ମାନ କରାଯାଇଛି । ଏହି ପାପ କରିଛି ନବୀନ ସରକାର । ରାଜ୍ୟ ସରକାର କେବଳ ଅର୍ପଣ ରଥ ନାରେ ନିଜର ପ୍ରଚାର ପ୍ରସାର କରୁଛନ୍ତି ବୋଲି କହିଛନ୍ତି ବିଜେପି ନେତା ଜଗନ୍ନାଥ ପ୍ରଧାନ.......

ଏଠି ପ୍ରଶ୍ନ ଉଠୁଛି... କଣ ପାଇଁ ସାରା ରାଜ୍ୟରେ ବୁଲୁଛି ପରିକ୍ରମା ରଥ ?  କଣ ପାଇଁ ସାଢ଼େ ଚାରି କୋଟି ଓଡ଼ିଆଙ୍କ ଆବେଗ ସହ ଖେଳୁଛନ୍ତି ରାଜ୍ୟ ସରକାର ? ଯଦି ମହାପ୍ରଭୁଙ୍କୁ ସମ୍ମାନ କରି ପାରିବେନି କଣ ପାଇଁ ଅପମାନ କରିବେ ?  ଆଉ କେତେ ମହାପ୍ରଭୁଙ୍କୁ ଅପମାନ କଲେ ମନ ବିଝିବ ବିଜେଡ଼ିର ସରକାରର ?

ଏବେ ସାରା ରାଜ୍ୟରେ ଗଡ଼ୁଛି ଅର୍ପଣ ରଥ । ଅର୍ପଣ ରଥ ତ ନୁହେଁ ଲାଗୁଛି ବିଜେଡ଼ି କରୁଛି ଦଳୀୟ ପ୍ରଚାର । କାରଣ ଯେଉଁ ପରି ଭାବରେ ଅର୍ପଣ ରଥକୁ ନୀଳ ରଙ୍ଗରେ ରଙ୍ଗାଯିବା ସହ ବିଜେଡ଼ି ନେତାଙ୍କ ଫଟୋ ଲାଗୁଛି ଯିଏ ଦେଖିବ ସିଏ କହିହ, ବିଜେଡ଼ି କରୁଛି ଦଳୀୟ ପ୍ରଚାର । କିନ୍ତୁ ଦଳୀୟ ପ୍ରଚାର ଭିତରେ ବଳି ପଡ଼ିଗଲେ ଆମ କାଳିଆ ଠାକୁର । ଶୀତ ରାତିରେ ରାଜ ରାସ୍ତାରେ ମହାପ୍ରଭୁଙ୍କୁ ଅଳିଆ ଗଦା ପାଖରେ ଛାଡ଼ି ପଳାଇଲେ ବିଜେଡ଼ି ସରକାର । ଏଭଳି ବିଚଳିତ କଲାଭଳି ଦୃଶ୍ୟ ଦେଖିବାକୁ ମିଳିଛି ଭୁବନେଶ୍ବରର ଲକ୍ଷ୍ମୀସାଗର ଗଣେଶ ମଣ୍ଡପ ନିକଟରେ, ଆଉ ଡ଼ଷ୍ଟବିନ୍ ପାଖରେ ଥୁଆ ହୋଇଛି ଜଗନ୍ନାଥଙ୍କ ଅର୍ପଣ ରଥ । ଦୁର୍ଗନ୍ଧରେ ଅଞ୍ଚଳ ଫାଟି ପଡୁଥିବା ବେଳେ ଖୋଲା ଆକାଶ ତଳେ ମହାପ୍ରଭୁ ଗାଡି ଉପରେ ବସିଛନ୍ତି । ଯିଏ ଦେଖିବ ସେ କହିକ ଛି ଏ ସରକାରକୁ ।