D Purandeswari Odisha In Charge / ରାଷ୍ଟ୍ରୀୟ ପ୍ରଭାରୀଙ୍କ ନାଁ ଘୋଷଣା କଲା ବିଜେପି, ଡି ପୂରନ୍ଦେଶ୍ବରୀଙ୍କୁ ଓଡ଼ିଶା ଦାୟିତ୍ବ

ବୁଧବାର ବିଜେପି ତା'ର ରାଜ୍ୟ ପ୍ରଭାରୀ ଏବଂ ସହ-ପ୍ରଭାରୀଙ୍କ ନାମ ଘୋଷଣା କରିଛି । ୩୬ ପ୍ରଭାରୀଙ୍କ ନାଁ ଘୋଷଣା କରିଛି ବିଜେପି । ଡି ପୂରନ୍ଦେଶ୍ବରୀ ହେଲେ ଓଡ଼ିଶା ପ୍ରଭାରୀ । ସେହିପରି ଡ. ସ୍ବଦେଶ ସିଂଙ୍କୁ ଓଡ଼ିଶା ସହ ପ୍ରଭାରୀ ନିଯୁକ୍ତି କରିଛି ବିଜେପି ।

ସେହିପରି ହରିଶ ଦ୍ୱିବେଦୀଙ୍କୁ ବିହାର ଏବଂ କର୍ଣ୍ଣାଟକ ବିଜେପି ପାଇଁ ନୂତନ ରାଜ୍ୟ ପ୍ରଭାରୀ ଭାବେ ନିଯୁକ୍ତ କରାଯାଇଛି । ସଙ୍ଗୀତା ଯାଦବ ଏବଂ ରୋହନ ଗୁପ୍ତାଙ୍କୁ ବିହାର ପାଇଁ ସହ-ପ୍ରଭାରୀ ନିଯୁକ୍ତ କରାଯାଇଛି । ବିଜେପି ଦ୍ୱାରା ଜାରି ଏକ ସର୍କୁଲାର ଅନୁଯାୟୀ, ସମସ୍ତ ନିଯୁକ୍ତି ତୁରନ୍ତ କାର୍ଯ୍ୟକାରୀ ହେବ ।

New Delhi: BJP announced new appointments of state in-charges and co-in-charges with several prominent leaders being assigned key organisational responsibilities.

Smriti Irani — Chhattisgarh and Haryana Prabhari
Ram Madhav— Tamil Nadu and Uttarakhand Prabhari
Vinod Tawde —… pic.twitter.com/lOcpbGcANX

— IANS (@ians_india) September 23, 2026

ସେହିପରି ବିଜେପିର ବରିଷ୍ଠ ନେତା ତଥା ପୂର୍ବତନ କେନ୍ଦ୍ରମନ୍ତ୍ରୀ ସ୍ମୃତି ଇରାନୀଙ୍କୁ ଛତିଶଗଡ଼ ଏବଂ ହରିୟାଣା ପାଇଁ ପ୍ରଭାରୀ ନିଯୁକ୍ତ କରାଯାଇଛି । ଏହା ବ୍ୟତୀତ, ବିଜେପି ନେତା ବିନୟ ସହସ୍ରବୁଦ୍ଧେଙ୍କୁ ଦିଲ୍ଲୀ ବିଜେପି ପାଇଁ ପ୍ରଭାରୀ ନିଯୁକ୍ତ କରାଯାଇଛି । ତରୁଣ ଚୁଗଙ୍କୁ ଗୁଜରାଟ ପାଇଁ ପ୍ରଭାରୀ ଏବଂ ଶ୍ରୀକାନ୍ତ ଶର୍ମାଙ୍କୁ ହିମାଚଳ ପ୍ରଦେଶ ପାଇଁ ପ୍ରଭାରୀ ନିଯୁକ୍ତ କରାଯାଇଛି । ରାମ ମାଧବଙ୍କୁ ଉତ୍ତରାଖଣ୍ଡ ଏବଂ ତାମିଲନାଡୁ ବିଜେପି ପାଇଁ ପ୍ରଭାରୀ ନିଯୁକ୍ତ କରାଯାଇଛି ।

ଉତ୍ତର ପ୍ରଦେଶରେ ଆଗାମୀ ବିଧାନସଭା ନିର୍ବାଚନକୁ ଦୃଷ୍ଟିରେ ରଖି, ବିନୋଦ ତାୱଡେଙ୍କୁ ଉତ୍ତର ପ୍ରଦେଶ ପାଇଁ ବିଜେପି ପ୍ରଭାରୀ ନିଯୁକ୍ତ କରାଯାଇଛି । ଏହା ସହିତ, ୟୁପି ବିଜେପି ପାଇଁ ଜଗଦୀଶ ପଟେଲ, ମେଧା କୁଲକର୍ଣ୍ଣି, ପ୍ରଦୀପ ବର୍ମା ଏବଂ ଅନନ୍ତ ଓଝାଙ୍କ ସମେତ ଚାରି ଜଣ ସହ-ପ୍ରଭାରୀଙ୍କୁ ନିଯୁକ୍ତ କରାଯାଇଛି ।

ସେହିପରି ସୁନୀଲ ବଂଶଲଙ୍କୁ ତେଲେଙ୍ଗାନା ଓ ପଶ୍ଚିମବଙ୍ଗ ବିଜେପି ପାଇଁ ପ୍ରଭାରୀ ନିଯୁକ୍ତି କରାଯାଇଛି । ଅନୀଲ ଏଣ୍ଟୋନୀଙ୍କୁ ନାଗାଲାଣ୍ଡର ପ୍ରଭାରୀ ଓ ଗୋଆର ସହ ପ୍ରଭାରୀ ନିଯୁକ୍ତି ଦିଆଯାଇଛି ।