ପ୍ରଶ୍ନବାଣରେ ଘାଇଲା ହେଲେ ରାଜ୍ୟ ସରକାର
ପରିକ୍ରମା ପ୍ରକଳ୍ପକୁ ନେଇ ରାଜ୍ୟ ସରକାରଙ୍କୁ ଟାର୍ଗେଟ
କହିଲେ, ୪ଟି ଶୌଚାଳୟର ଉଦଘାଟନରେ କିଏ ଯିବ ?

ଅର୍ଗସ ବ୍ୟୁରୋ : ଶ୍ରୀମନ୍ଦିର ପରିକ୍ରମା ପ୍ରକଳ୍ପକୁ ନେଇକି ରାଜ୍ୟ ସରକାରଙ୍କୁ ପୁଣି ଟାର୍ଗେଟ କଲେ ବିରୋଧୀ । ଖାଲି ଟାର୍ଗେଟ୍‌ କଲେ ତାହା ନୁହେଁ ବରଂ ଅସନ୍ତୋଷ ବି ଝାଡିଲେ । ଶ୍ରୀମନ୍ଦିର ପରିକ୍ରମା ପ୍ରକଳ୍ପ କାମ ନୁହେଁ, ଏ ହେଉଛି ବିଜେଡ଼ିର ଦଳୀୟ କାର୍ଯ୍ୟକ୍ରମ । ଏହି ଅବସରରେ ବିଜେପି ରାଜ୍ୟ ସଭାପତି ମନମୋହନ ସାମଲ କହିଛନ୍ତି, ଜଗନ୍ନାଥ କେଉଁ ଦଳର ନୁହନ୍ତି । ସାଲବେଗଙ୍କୁ ଭେଟିବାକୁ ଜଗନ୍ନାଥ ୯ ଦିନ ବାହାରକୁ ବାହାରିଥିଲେ । ଏବେ ଆମେ ସାମିଲ ହେବା ଠିକ୍ କି ନୁହେଁ ଆପଣ ବିଚାର କରନ୍ତୁ ବୋଲି କହିଛନ୍ତି ଶ୍ରୀ ସାମଲ ।

ସେପଟେ ରାଜ୍ୟ କଂଗ୍ରେସ ମଧ୍ୟ ପରିକ୍ରମା କପ୍ରକଳ୍ପକୁ ନେଇ ରାଜ୍ୟ ସରକାରଙ୍କ ଉପରେ ଜୋରଦାର ବର୍ଷିଛନ୍ତି । କଂଗ୍ରେସର ପ୍ରଚାର କମିଟି ଅଧ୍ୟକ୍ଷ ବିଜୟ ପଟ୍ଟନାୟକ କହିଛନ୍ତି, ଓଡ଼ିଶା ସରକାର ଅଣଓଡ଼ିଆ ଚିନ୍ତାଧାରା ଦ୍ୱାରା ପ୍ରଭାବିତ । ସରକାର ଜାଣିନାହାନ୍ତି ଶ୍ରୀମନ୍ଦିରର ମାହାତ୍ମ୍ୟ କ’ଣ ? ସରକାର ଭାବୁଛନ୍ତି ଏହା ଏକ ପର୍ଯ୍ୟଟନ ସ୍ଥଳୀ । ମହାପ୍ରସାଦର ପ୍ରଚାର ପାଇଁ ଗୋମାଂସ ଭକ୍ଷଣକାରୀଙ୍କୁ ପ୍ରବେଶ କରାଇଲେ । ଏବେ କାନ୍ଥରେ ଚିତ୍ର କରି ମହାପ୍ରଭୁଙ୍କ ଗାଥାଗାନ କରୁଛି ବିଜେଡି ସରକାର ।

କେବଳ ଏତିକି ନୁହେଁ ବରଂ ମନ୍ଦିର ଚାରିପାଖ ଅବରୋଧକୁ ହଟାଇ ୪ଟି ଶୌଚାଳୟ କରାଯାଇଛି, ୪ଟି ଶୌଚାଳୟ ଉଦଘାଟନ ପାଇଁ ଗୁଆ, ଚାଉଳର ଆବଶ୍ୟକତା ଅଛି କି ? ଏହି ଠାକୁର ଲୋକଙ୍କୁ ଖାଇବାକୁ ଦିଏ, ଚାଉଳ ମାଗେନି । ଲୋକଙ୍କ ଚାଉଳରେ ବିଜେଡି କର୍ମୀ ଭୋଜି କରୁଛନ୍ତି । ଜଗନ୍ନାଥ ମନ୍ଦିରରେ ପାଣି ଗଳୁଛି, କିପରି ମରାମତି ହେବ ଚିନ୍ତା କଲେ ଭଲ ହେବ ବୋଲି କହିଛନ୍ତି ଶ୍ରୀ ପଟ୍ଟନାୟକ ।

Argus News | argus news | Odisha Latest News, Breaking News, Trending News, Live TV