ଭୁବନେଶ୍ୱର:  ଅଯୋଧ୍ୟାରେ ରାମ ମନ୍ଦିର ପ୍ରତିଷ୍ଠାକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସମାଲୋଚନା କରି ବିବାଦରେ ବିଜେଡି ବିଧାୟକ ଦେବୀ ମିଶ୍ର । ଯାହାକୁ ନେଇ ଦେବୀ ମିଶ୍ରଙ୍କୁ ସୋସିଆଲ୍ ମିଡିଆରେ ଟାର୍ଗେଟ୍ କରିଛନ୍ତି ବିଜେପି ନେତା ସମ୍ବିତ ତ୍ରିପାଠୀ ।  ରାମ ମନ୍ଦିର ପ୍ରତିଷ୍ଠା ଓ ପ୍ରଧାନମନ୍ତ୍ରୀ ମୋଦିଜୀଙ୍କ ପ୍ରତି ଏତେ ଅସହିଷ୍ଣୁତା କାହିଁକି ବୋଲି ପ୍ରଶ୍ନ କରିଛନ୍ତି । ଏଭଳି ଭାଷାରେ ସମାଲୋଚନା କରିବା କେତେ ଦୂର ଗ୍ରହଣୀୟ ତାହା ଓଡ଼ିଶାବାସୀ ନିଶ୍ଚୟ ନିର୍ଣ୍ଣୟ କରିବେ ବୋଲି ସେ କହିଛନ୍ତି ।

 ସେ ଆହୁରି କହିଛନ୍ତି, ଆମେ ଭୁଲିଯିବା କଥା ନୁହେଁ, ଆମର ପ୍ରଧାନମନ୍ତ୍ରୀଙ୍କ ଉଦ୍ୟମ ଯୋଗୁଁ 5 ଶହ ବର୍ଷର ମାନସିକ ପରାଧିନତା ଥିଲା ତାହାର ଅବସାନ ଘଟିଛି । ଆମେ ନିଜକୁ ଶକ୍ତିଶାଳୀ ରାଷ୍ଟ୍ର ଭାବେ ନିଜକୁ ବିଶ୍ବ ଦରବାରରେ ପ୍ରତିଷ୍ଠିତ କରିପାରିଛି । ଅଯୋଧ୍ୟାରେ ରାମଲାଲାଙ୍କ ପ୍ରତ୍ୟାବର୍ତ୍ତନ ଆମ ସମସ୍ତଙ୍କ ପାଇଁ ସଭ୍ୟତା, ସଂସ୍କୃତି ପାଇଁ ଏକ ଗୌରବର ଅଧ୍ୟାୟ । ତେଣୁ ଦେବୀ ବାବୁ ଯାହା କହିଛନ୍ତି ତାହା ତାଙ୍କର ମାନସିକ ବିକୃତିକୁ ପରିଚୟ ଦେଉଛି ବୋଲି ସେ କହିଛନ୍ତି । 

ଅଧିକ ପଢନ୍ତୁ  ଓଡ଼ିଶା ଖବର