ବିଜେଡିକୁ ଘାରିଲାଣି ହାରିବା ଭୟ
ସିନେ ତାରକାଙ୍କୁ ଖୋଜୁଛନ୍ତି ବିଜେଡି ସୁପ୍ରିମୋ

ଅର୍ଗସ ବ୍ୟୁରୋ : ୨୪ ବର୍ଷ ଧରି ନବୀନ ପଟ୍ଟନାୟକ କଳାକାର ମାନଙ୍କୁ କେବେ ପ୍ରତ୍ୟକ୍ଷ ଭାବେ କଥା ହେଉନଥିଲେ । କିନ୍ତୁ ଆଜି ପଡ଼ିଲା ଖୋଜା । ନବୀନ ନିବାସରେ ଏବେ ଓଲିଉଡ୍ କଳାକାରଙ୍କ ଭିଡ଼ । ଏହି ସମୟରେ ସିନେ କଳାକାରଙ୍କୁ ନବୀନ ନିବାସକୁ ଡାକରା ନେଇ ବିଜେଡ଼ିକୁ ଟାର୍ଗେଟ କରିଛି ବିଜେପି । ବିଜେଡିକୁ ଟାର୍ଗେଟ୍ କରି ବିଜେପି ନେତା ତଥା ବରିଷ୍ଠ କଳାକାର ପିଙ୍କି ପ୍ରଧାନ ଓ ହରିହର ମହାପାତ୍ର କହିଛନ୍ତି, ବିଜେଡିକୁ ହାରିବା ଭୟ ଘାରିଛି । ସେଥିଲାଗି ଫିଲ୍ମଷ୍ଟାରଙ୍କୁ ଖୋଜୁଛି । ଓଡ଼ଶାରେ କଳାକାରଙ୍କ ଅବସ୍ଥା ଏମିତି ଯେ ସେମାନଙ୍କୁ ଟଙ୍କା ଦେଇ ପ୍ରଚାର କରୁଛି ବିଜେଡି ।

ବିଜେଡି ଦଳୀୟ ଆଧାରରେ କଳାକାରଙ୍କୁ ଭାଗ କରିବାକୁ ଚେଷ୍ଟା କରୁଛି । ନିର୍ବାଚନ ସମୟରେ କଳାକାରଙ୍କ କଥା ମନେ ପଡ଼େ । ଓଡ଼ିଆ ସିନେମା ଶିଳ୍ପର ବିକାଶ କରିନାହାନ୍ତି । ଯଦି ଦରଦ ଅଛି, ତେବେ ସିନେମା ଶିଳ୍ପର ବିକାଶ ଲାଗି ପଦକ୍ଷେପ ନିଅନ୍ତୁ । ଯୋଇ ପୁରୀ ଜିଲ୍ଲା ଓଡ଼ିଶାର ପ୍ରଥମ ଫିଲ୍ମ ରିଲିଜ ହୋଇଥିଲା ଆଜି ସେହି ଜିଲ୍ଲା ସିନେମା ହଲ ଶୂନ୍ୟ । ତାକୁ ନେଇ କେବେ ତ ଚିନ୍ତା କରି ନାହାନ୍ତି ବିଜିଡେ ନେତା ।

ସୂଚନାଯୋଗ୍ୟ, ଓଲିଉଡ୍‌ର ଚାରି ବଡ଼ ଚେହେରା ସିଦ୍ଧାନ୍ତ ମହାପାତ୍ର, ଅନୁଭବ ମହାନ୍ତି, ଅରିନ୍ଦମ ରାୟ ଓ ଆକାଶ ଦାସ ନାୟକ ବିଜେପିରେ ଯୋଗ ଦେଇ ବିଜେଡି ବିରୋଧରେ ବିଷ ଉଗାରିବା ପରେ, ସେମାନଙ୍କୁ କାଉଣ୍ଟର୍‌ କିପରି କରିବ ବିଜେଡି ଯାହାକୁ ନେଇ ଚିନ୍ତାରେ ବିଜେଡିର ସୁପ୍ରିମୋ । ଆଗରୁ ଅନୁ ଚୌଧୁରୀ, ଶ୍ରୀତମ୍ ଦାସ, ମହାଶ୍ବେତା, ଅପରାଜିତା ଓ ବିଦୁସ୍ମିତା ପ୍ରମୁଖବି ବିଜେପିରେ ସାମିଲ ହୋଇଥିଲେ ।

କିନ୍ତୁ ନବୀନ ନିବାସରେ ଗତକାଲି ହଠାତ ବହୁ ଓଲିଉଡ୍‌ କଳାକାରଙ୍କ ଆବିର୍ଭାବ ହୋଇଛନ୍ତି । ଗତକାଲି ବାବୁସାନ୍, ପପୁ ପମ୍‌ପମ୍‌, ଦେବାଶିଷ, ଅମ୍ଳାନ୍, ସମ୍ବିତ, ଲିପ୍ସା, ଭୂମିକାଙ୍କ ସମେତ ଆଉ କିଛି କଳାକାର ନବୀନ ନିବାସ ଯାଇଥିଲେ । ସେମାନେ ସେଠାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ୫-ଟି ଅଧ୍ୟକ୍ଷ ଭି କେ ପାଣ୍ଡିଆନ୍‌ଙ୍କୁ ସାକ୍ଷାତ କରିଥିଲେ ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV