ଭୁବନେଶ୍ୱର: ରାଜଧାନୀ ଭୁବନେଶ୍ବରରେ 15 ହଜାର କୋଟି ଟଙ୍କାର ଚାରା ଦୁର୍ନୀତି ଅଭିଯୋଗ । ସିବିଆଇ ତଦନ୍ତ ଦାବି କରି ରାସ୍ତାକୁ ଓହ୍ଲାଇ ବିଜେପିର ହଲାବୋଲ୍ । ରାଜ୍ୟ ସରକାର ଓ ବିଏମସି ବିରୁଧରେ ନାରାବାଜି ସହ ବିକ୍ଷୋଭ ପ୍ରଦର୍ଶନ କରିଛି ଦଳ । 2018 ହକି ବିଶ୍ବକପ୍ ସମୟରେ ରାଜଧାନୀ ରାସ୍ତାକଡ଼ ସୌନ୍ଦର୍ଯ୍ୟକରଣ ନାଁରେ ହୋଇଛି ବଡ଼ ଘୋଟାଲା। ଗୋଟିଏ ଲେଖାଏଁ ଚାରା ପାଇଁ ଖର୍ଚ୍ଚ ହୋଇଛି 12 ଶହ ଟଙ୍କା।

ଶିଖର ଚଣ୍ଡୀରେ 18 ହଜାର ଚାରା ରୋପଣ ପାଇଁ ଖର୍ଚ୍ଚ ହୋଇଛି 2 କୋଟି 14 ଲକ୍ଷ 14 ହଜାର ଟଙ୍କା। ବାକି ପୁରା ସହରରେ ରାସ୍ତା ଦୁଇ ପାର୍ଶ୍ବରେ ଗଛ ଲଗାଇଛନ୍ତି । ସବୁଠାରୁ ବଡ଼ କଥା ହେଲା ଚାରା କିଣିବାକୁ ଆମ ରାଜ୍ୟରେ ନର୍ସରୀ ପାଇଲେନି ଯେ ଆନ୍ଧ୍ର ଓ ତେଲେଙ୍ଗାନାରୁ ଚାରା ଆମଦାନୀ କରାଯାଇଛି । ଏଥିରେ ଶହ ଶହ କୋଟି ଟଙ୍କାର ଦୁର୍ନୀତି ହୋଇଥିବା ଅଭିଯୋଗ ଆଣିଛି ବିଜେପି। ଘଟଣାର ସିବିଆଇ ତଦନ୍ତ ଦାବି ସହ ଏବେ ଆନ୍ଦୋଳନକୁ ଓହ୍ଲାଇଛି ଦଳ । 
ଅଧିକ ପଢନ୍ତୁ ଓଡ଼ିଶା ଖବର