ଅର୍ଗସ ବ୍ୟୁରୋ: 24 ନିର୍ବାଚନ ପାଇଁ ଆଜି ବିଜେପି ଜାରି କରିପାରେ ଚତୁର୍ଥ ପର୍ଯ୍ୟାୟ ପ୍ରାର୍ଥୀ ତାଲିକା । ପାଞ୍ଚ ରାଜ୍ୟ ସମେତ ଓଡ଼ିଶା ପାଇଁ ପ୍ରାର୍ଥୀଙ୍କ ନାଁ ଘୋଷଣା କରିପାରେ ବିଜେପି । ଶନିବାର ପିଏମ ମୋଦିଙ୍କ ନେତୃତ୍ବରେ ବସିଥିବା ଦଳର କେନ୍ଦ୍ରୀୟ ନିର୍ବାଚନ କମିଟି ବୈଠକରେ ଏନେଇ ହୋଇଛି ଚୂଡ଼ାନ୍ତ ନିଷ୍ପତ୍ତି । ସେପଟେ ବିଜେପି ରାଜ୍ୟ ସଭାପତି ମନମୋହନ ସାମଲ କହିଛନ୍ତି 21 ସିଟରେ ପ୍ରାର୍ଥୀ ଦେବାକୁ ଆଲୋଚନା ହୋଇଛି । କେବଳ ସିଇସିଙ୍କ ଘୋଷଣାକୁ ଅପେକ୍ଷା ।

ସେପଟେ ଜାତୀୟ ଗଣମାଧ୍ୟମର ରିପୋର୍ଟକୁ ନେଇ ଚର୍ଚ୍ଚା ଜୋର ଧରିଛି। ଏକ ସର୍ଭେକୁ ଆଧାର କରି ନ୍ୟୁଜ୍ 18ରେ ପ୍ରକାଶିତ ଖବରରେ ଓଡ଼ିଶାରେ ବିଜେପିର ବଢୁଥିବା ଗ୍ରାଫକୁ ଦର୍ଶାଯାଇଛି। ସର୍ଭେ ଅନୁସାରେ ବିଜେପି ଏକାକି ଲଢିବେ ଲୋକସଭାରେ 17 ଆସନ ଓ ବିଧାନସଭାରେ 70 ଆସନରେ ବିଜୟ ଲାଭ କରିବ। ଅର୍ଥାତ ମ୍ୟାଜିକ ନମ୍ବର 74ର ପାଖାପାଖି ପହଞ୍ଚିଯିବ ଭାରତୀୟ ଜନତା ପାର୍ଟି ।

6 ମାସ ତଳେ ଏଇ ସର୍ଭେରେ ଦର୍ଶାଯାଇଥିଲା ଓଡ଼ିଶାରେ ବିଜେପିକୁ ମିଳିପାରେ 8 ଲୋକସଭା ଆସନ । ସେହିଭଳି ଭରତୀୟ ଜନତା ପାର୍ଟି ବିଧାନସଭାରେ ଜିତିପାରେ 32 ସିଟ୍ । ତେବେ ଏହାଭିତରେ ବିଜେପିର ଲୋକପ୍ରିୟତା ଖାସ୍ କରି ମୋଦିଙ୍କ ପପୁଲାରିଟି ଓଡ଼ିଶାରେ ବଢିବାରେ ଲାଗିଛି।

ଆହୁରି ପଢନ୍ତୁ ଓଡିଶା ଖବର...

Argus News | argus news | -Argusnews Home: Odisha Latest News, Breaking News, Trending News, Live TV and more