୨୪ ଲଢେଇ ପାଇଁ ବିଜେପିର ଚିନ୍ତନ ବୈଠକ
ଅର୍ଗସ ବ୍ୟୁରୋ: ୨୦୨୪ ସାଧାରଣ ନିର୍ବାଚନକୁ ମାତ୍ର କେଇଟା ମାସ ବାକି । କିଛି ଦିନ ପରେ ଲାଗୁ ହେବା ଆଦର୍ଶ ଆଚରଣ ବିଧି । ଆରମ୍ଭ ହୋଇଯିବ ସଭା, ସମିତି, କ୍ୟାମ୍ପେନିଂ, ରାଲି । ବିଭିନ୍ନ ସ୍ତରରେ ସବୁ ରାଜନୈତିକ ଦଳ ଆରମ୍ଭ କଲେଣି ଯୋଜନା, ଆଲୋଚନା । ଆଗାମୀ ନିର୍ବାଚନ ଦ୍ଵିମୁଖୀ ଲଢେଇର ଇସାରା ଦେଉଥିବା ବେଳେ ୨୪ ସାଧାରଣ ନିର୍ବାଚନ ପାଇଁ ରାଉରକେଲାରେ ରଣନୀତି ପ୍ରସ୍ତୁତ କରିଛି ବିଜେପି । ରାଷ୍ଟ୍ରୀୟ ସଂଗଠନ ମହମନ୍ତ୍ରୀ ବି.ଏଲ୍. ସନ୍ତୋଷ, କ୍ଷେତ୍ରୀୟ ପ୍ରଭାରୀ ସୁନିଲ ବଂଶଲ ଏବଂ ସହ ପ୍ରଭାରୀ ବିଜୟପାଲ୍ ସିଂ ତୋମାରଙ୍କ ଭଳି କେନ୍ଦ୍ରୀୟ ନେତୃତ୍ଵ ଦେଲେ ବିଜୟ ମନ୍ତ୍ର । ରାଜ୍ୟ ପଦାଧିକାରୀ, ବିଭିନ୍ନ ମୋର୍ଚ୍ଚା ଏବଂ ବିଭିନ୍ନ କମିଟିର ପାଖାପାଖି ୫୦ ନେତାଙ୍କୁ ନେଇ ଚିନ୍ତନ ବୈଠକରେ ମାନସମନ୍ଥନ କରିଛି ଦଳ ।
ରାଜ୍ୟ ସଭାପତି ମନମୋହନ ସାମଲ, ସଂଗଠନ ସମ୍ପାଦକ ମଧ୍ୟ ଉପସ୍ଥିତ । ଷଷ୍ଠ ଥର ପାଇଁ ସରକାର ଗଠନର ସ୍ଵପ୍ନ ଦେଖୁଥିବା ବିଜେଡିକୁ ଧୁଳି ଚଟାଇ ଓଡିଶାରେ ଡବଲ ଇଞ୍ଜିନ ସରକାର ଗଠନ ଲାଗି ରୋଡ ମ୍ୟାପ ତିଆରି କରୁଛି ବିଜେପି । ହିନ୍ଦୀ ହାର୍ଡ ଲ୍ୟାଣ୍ଡରେ ବିଜୟ ବାନା ଉଡେଇଲା ପରେ, ସେହିଭଳି ଢଙ୍ଗରେ ଓଡିଶା ଦଖଲର ଯୋଜନା କରୁଛି ଦଳ । ସଙ୍ଗଠନ ମଜଭୁତ ଓ ବୁଥ ମ୍ୟାନେଜମେଣ୍ଟ ନେଇ ହୋଇଛି ଆଲୋଚନା । ଫୋକସରେ ଯୁବ ଭୋଟର । ସବୁ ନିର୍ବାଚନ ମଣ୍ଡଳୀରେ ହେବ ଯୁବକ ସମ୍ମିଳନୀ ।
କୃଷକଙ୍କ ସମସ୍ୟା ସମାଧନ ଓ ଆୟ ବୃଦ୍ଧି, ଯୁବକଙ୍କୁ ରୋଜଗାର, ମହିଳା ସଶକ୍ତିକରଣ, ଗରିବ କଲ୍ୟାଣ ଭଳି ପ୍ରସଙ୍ଗକୁ ପ୍ରାଇଓରିଟିରେ ନେଇ ନିର୍ବାଚନ ମଇଦାନକୁ ଓହ୍ଲାଇବ ବିଜେପି । ଲୋକଙ୍କ ସହ ସମ୍ପର୍କରେ ରୁହ, ଲୋକଙ୍କ ପାଖକୁ ଯାଅ । ବୈଠକ ବଡ ହେଉ କି ଛୋଟ, ଲୋକଙ୍କ ସହ ଯୋଗାଯୋଗରେ ରହିବାକୁ ନିର୍ଦ୍ଦେଶ ଦେଇଛନ୍ତି କେନ୍ଦ୍ରୀୟ ନେତୃତ୍ଵ ।ଖୁବଶୀଘ୍ର ଓଡିଶା ଆସିବେ କେନ୍ଦ୍ରୀୟ ନେତା । ୨୧ ସଂସଦୀୟ କ୍ଷେତ୍ର ସମ୍ଭାଳିବେ ୨୧ କେନ୍ଦ୍ର ମନ୍ତ୍ରୀ ଓ ନେତା । ଓଡ଼ିଶାକୁ ମୋଦି, ଶାହା, ଯୋଗୀ ଆସିବେ । ଜାତୀୟ କାଉନସିଲ ବୈଠକ ପରେ କେନ୍ଦ୍ରୀ ନେତୃତ୍ଵଙ୍କ ଗସ୍ତ ଜାରି ରହିବ ।ଅନ୍ୟପଟେ ପୂର୍ବ ନିର୍ବାଚନ ଅପେକ୍ଷା ୨୪ରେ ଆହୁରି ଭଲ ଫଳାଫଳ ହେବ ବୋଲି କହିଛି ବିଜେଡି । ଆଉ କଂଗ୍ରେସ ମଧ୍ୟ ଓଡିଶାକୁ ଦଳର ଶୀର୍ଷ ନେତୃତ୍ଵ ମାନଙ୍କୁ ଆଣିବା ପାଇଁ କରୁଛି ଯୋଜନା ।
📱 Get Argus News App
✨୨୦୧୯ ନିର୍ବାଚନରେ ୨ ନମ୍ବରରୁ ୧ ନମ୍ବର ବିରୋଧୀ ଦଳ ହୋଇଥିଲା ବିଜେପି । ୨୦୧୪ ପରେ ୨୦୧୯ରେ ଲ୍ୟାଣ୍ଡ ସ୍ଲାଇଡ ଭିକ୍ଟ୍ରି ସହ ପୁଣି ମୋଦିଙ୍କୁ ଶାସନ ଭାର ଦେଇଥିଲେ ଦେଶବାସୀ । ଓଡ଼ିଶାରେ ମଧ୍ୟ ବିଜେପିକୁ ୮ ଲୋକସଭା ଆସନ ସହ ୩୮.୩୭ ପ୍ରତିଶତ ଭୋଟ୍ ମିଳିଥିଲା। ବିଜେଡି ଓ ବିଜେପି ମଧ୍ୟରେ ଥିଲା ମାତ୍ର ୧୦ ଲକ୍ଷ ଭୋଟର ବ୍ୟବଧାନ। 2019ର ଏହି ଗ୍ୟାପକୁ କାଟି ଆଗକୁ ବଢିବାକୁ ରଣନୀତି ପ୍ରସ୍ତୁତ କରୁଛି ବିଜେପି ।
ଅଧିକ ପଢ଼ନ୍ତୁ ଓଡିଶା ଖବର: