ଅନ୍ଧବିଶ୍ୱାସରୁ ଚାଲିଗଲା ଜୀବନ। ଘର ଖୋଳି ଗୁଣିଗାରେଡ଼ି ପୂଜା ଚାଲିଥିବା ବେଳେ ଧସିଗଲା ମାଟି। । ମାଟିରେ ପୋତି ହୋଇ ଘର ମାଲିକ ମୃତ । କେନ୍ଦ୍ରାପଡ଼ାରେ ନିକିରାଇ ଥାନା ପାଳକଣା ଗାଁରେ ଅଭାବନୀୟ ଘଟଣା । ମୃତକ ସେହି ଗାଁର ଜଗବନ୍ଧୁ ମହାରଣା । ଜଗବନ୍ଧୁ ମହାରଣାଙ୍କ ଘରେ ଚାଲିଥିଲା ଗୁଣି ଗାରେଡ଼ି ପୂଜା ।

ଏଥିପାଇଁ ୧୦ ଫୁଟ ଗଭୀର ଗାତ ଖୋଲା ଯାଇଥିଲା । ଗାତ ଭିତରେ ପଶି ମାଟି ଖୋଳୁଥିବା ବେଳେ ଜଗବନ୍ଧୁଙ୍କ ଉପରେ ମାଟି ପଡିଯାଇଥିଲା । ଫଳରେ ଜଗବନ୍ଧୁ ମାତି ତଳେ ରହିଯାଇଥିଲା । ସ୍ଥାନିୟ ଲୋକେ ତାଙ୍କୁ ଉଦ୍ଧାର କରି ମେଡିକାଲ ନେଇଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲା । ଅନ୍ୟପକ୍ଷରେ ଗ୍ରାମବାସୀ ଦୁଇ ଗୁଣିଆଙ୍କୁ ଅଟକ ରଖିଥିବା ବେଳେ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।

ସୂଚନାନୁଯାୟୀ କେନ୍ଦ୍ରାପଡା ନିକିରାଇ ଥାନା ଅନ୍ତର୍ଗତ ପାଳକଣା ଗାଁରେ ଘଟିଛି ଏହି ଅଘଟଣ । ଜଗବନ୍ଧୁ ମହାରଣାଙ୍କ ଘରେ ଚାଲିଥିଲା ଗୁଣି ଗାରେଡ଼ି ପାଇଁ ୧୦ ଫୁଟ ଗଭୀର ଗାତ ଭିତରେ ଚାଲିଥିଲା ପୂଜା । ଏହି ସମୟରେ ହଠାତ୍ ମାଟି ଧସି ଯାଇଥିଲା । ଫଳରେ ଜଗବନ୍ଧୁ ମାତି ତଳେ ରହିଯାଇଥିଲା । ଗ୍ରାମବାସୀ ଦୁଇ ଗୁଣିଆଙ୍କୁ ଅଟକ ରଖିଛନ୍ତି ।

ଏଥିସହ ପଢ଼ନ୍ତୁ: ରେଡ଼ ଫ୍ଲାଗ ଅନ୍ତର୍ଭୁକ୍ତ ଧଉଳି ଗଣଦୁଷ୍କର୍ମ ମାମଲା, ଗିରଫ ହେବ ମୁଖ୍ୟ ଅଭିଯୁକ୍ତ 

ଜୀବନ ନେଇଗଲା ଅନ୍ଧବିଶ୍ଵାସ । ଗ୍ରହ ଶାନ୍ତି ପାଇଁ ପୂଜା ବେଳେ ଅଘଟଣ । କେନ୍ଦ୍ରାପଡ଼ା ଜିଲ୍ଲା ନିକିରେଇ ଥାନା କୋର ପଞ୍ଚାୟତ ପାଳକଣା ଗାଁରେ ଗ୍ରହଶାନ୍ତି ପାଇଁ ମାଟି ଖୋଳିବା ବେଳେ ଜଣେ ଯୁବକଙ୍କ ମୃତ୍ୟୁ ହୋଇଛି । ମୃତ ଯୁବକ ଜଗବନ୍ଧୁ ମହାରଣା ।

ଖୋଳାଖୋଳି କାର୍ଯ୍ୟରେ ସହଯୋଗ କରୁଥିବା ୩ ତାନ୍ତ୍ରିକଙ୍କ ମଧ୍ୟରୁ ଜଣେ ଫେରାର ହୋଇ ଯାଇଛନ୍ତି । ଅନ୍ୟ ୨ ଜଣଙ୍କୁ ଗାଁଲୋକେ ପୋଲିସ ଜିମା ଦେଇଛନ୍ତି । ଗୁଣିଆମାନେ ନେମାଳ ଅଞ୍ଚଳର। ପୋଲିସର ସୂଚନା ଅନୁଯାୟୀ, ଜଗବନ୍ଧୁଙ୍କ ଘରେ ବିଭିନ୍ନ ପ୍ରକାରର ଅଶାନ୍ତି ଲାଗି ରହିଥିଲା । ତେଣୁ ସେ ନେମାଳ ଅଞ୍ଚଳର ଜଣେ ତାନ୍ତ୍ରିକଙ୍କ ସହ ଯୋଗାଯୋଗ କରିଥିଲେ ।

ତାନ୍ତ୍ରିକ ଜଗବନ୍ଧୁଙ୍କୁ କହିଥିଲେ ଘର ଚାରିପଟେ ଏକ ଅତୃପ୍ତ ଆତ୍ମା ବୁଲୁଛି । ଏହି ଅତୃପ୍ତ ଆତ୍ମାର ପ୍ରଭାବରେ ଘରେ ଅଶାନ୍ତି ଲାଗି ରହୁଛି। ଘର ପଛପଟ ଖୋଳିଲେ ମଣିଷ କଙ୍କାଳ ମିଳିବ । ଏହା ସହ ସୁନା ରୂପା ମଧ୍ୟ ମିଳିବ । ଗ୍ରହଶାନ୍ତି ହୋଇଯିବ। ଜଗବନ୍ଧୁ ତାନ୍ତ୍ରିକ କଥାରେ ରାଜିହୋଇ ଯୋଜନା ମୁତାବକ ମଙ୍ଗଳବାର ସନ୍ଧ୍ୟା ୭ଟାରେ ନେମାଳର ୩ ଜଣ ତାନ୍ତ୍ରିକ ଜଗବନ୍ଧୁଙ୍କ ଘରେ ପହଞ୍ଚିଥିଲେ । ଜଗବନ୍ଧୁ ମାଟି ଖୋଳିବା କାର୍ଯ୍ୟ ଆରମ୍ଭ କରିଥିଲେ ।

ଜଗବନ୍ଧୁଙ୍କ ବଡ଼ ଭାଇ ଚନ୍ଦ୍ରଭାନୁ ତାଙ୍କୁ ମାଟି ଖୋଳା କାର୍ଯ୍ୟରେ ସହଯୋଗ କରୁଥିଲେ । ଜଗବନ୍ଧୁ ଗାତରେ ପଶି ମାଟି ଖୋଳିଥିଲେ । ହେଲେ କିଛି ବାହାରି ନଥୁଲା । ତାନ୍ତ୍ରିକ ଅଧିକ ମାଟି ଖୋଳିବା ପାଇଁ କହିଥିଲେ । ହେଲେ ଗାତରୁ ମାଟି ବାହାର କରୁଥିବା ବେଳେ ମାଟି ଅତଡା ଧସିଥିଲା । ଫଳରେ ଜଗବନ୍ଧୁ ଫସି ଅଣନିଃଶ୍ଵାସୀ ହୋଇ ଯାଇଥିଲେ। ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା । ନିକିରେଇ ଥାନା ପୋଲିସ ଘଟଣା ସ୍ଥଳରେ ପହଞ୍ଚି ଏକ ମାମଲା ରୁଜୁ କରି ତଦନ୍ତ କରୁଛି ।

ଅଧିକ ପଢ଼ନ୍ତୁ ଓଡ଼ିଶା ଖବର...