ଯାଜପୁର:  କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସହାୟତାରେ ମାଲେସିଆରୁ ଫେରିବା ଶବ  l ଗାଁକୁ ଫେରୁଛି ବିଦେଶରେ କାମ କରୁଥିବା ଆଉ ଜଣେ ଓଡ଼ିଆ ଯୁବକଙ୍କ ମୃତଦହେ। କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ହସ୍ତକ୍ଷେପ ପରେ ଗାଁକୁ ଫେରୁଛି ମୃତଦେହ । ବରୀ ରାମଚନ୍ଦ୍ରପୁର ଥାନା କଳାଖଣ୍ଡ ଗାଁର ଜଗବନ୍ଧୁ ସାହୁଙ୍କ ପୁଅ ଜ୍ୟୋତି ରଞ୍ଜନ ଦୀର୍ଘ ୭ ବର୍ଷ ହେଲା ମାଲେସିଆରେ ରହି ହୋଟେଲରେ କାମ କରୁଥିଲେ । ୬ ବର୍ଷ ରହଣି ପରେ ସେ ଗତ ୮ ମାସ ତଳେ ଗାଁକୁ ଆସିଥିଲେ ।

ଗତ ୧୬ ତାରିଖରେ ନୟାଗଡ଼ ଅଞ୍ଚଳର ଜଣେ ଯୁବକ ଜ୍ୟୋତି ରଞ୍ଜନଙ୍କ ମୃତ୍ୟୁ ହୋଇଥିବାର ଖବର ପରିବାରକୁ ଦେଇଥିଲେ । ଜ୍ୟୋତିଙ୍କ ମୃତଦେହ ସେ ରହୁଥିବା କୋଠରୀ ପଙ୍ଖାରେ ଝୁଲୁଥିବା ଅବସ୍ଥାରେ ଉଦ୍ଧାର କରା ଯାଇଥିଲା। ଏନେଇ ଜ୍ୟୋତିଙ୍କ ଦାଦା ରାମଚନ୍ଦ୍ରପୁର ଥାନାରେ ଏକ ଏତଲା ଦେବା ସହ ଏହା ଏକ ସୁପରିକଳ୍ପିତ ହତ୍ୟା ବୋଲି ଲିଖିତ ଅଭିଯୋଗ କରିଥିଲେ । ପରେ ପରିବାର ଓ ଗ୍ରାମବାସୀଙ୍କ ପକ୍ଷରୁ ଶବକୁ ଗାଁକୁ ଆଣିବାକୁ ସାମାଜିକ ଗଣମାଧ୍ୟ୍ୟମରେ ଅନୁରୋଧ କରିଥିଲେ । ଯାହାର ଖବର କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପାଇ ତୁରନ୍ତ ଶବ ଫେରାଇ ଆଣିବାକୁ ବ୍ୟବସ୍ଥା କରିଥିଲେ । ଗତକାଲି  କୋଲକାତାରେ ମୃତଦେହ ପହଞ୍ଚିବା ପରେ ଆଜି ଗାଁରେ ପହଞ୍ଚିବ ବୋଲି ଗ୍ରାମବାସୀଙ୍କ ପକ୍ଷରୁ ସୂଚନା ମିଳିଛି । 
ଅଧିକ ପଢନ୍ତୁ  ଓଡ଼ିଶା ଖବର