Argus News - ପୁଣି ବୋମାମାଡ ; ବର୍ଷକରେ ଗଞ୍ଜାମରେ ଗଡିଲାଣି ୮୮ ମୁଣ୍ଡ

ଗଞ୍ଜାମ : ଲ' ଲେସନେସ୍ ଗଞ୍ଜାମ । ପୁଣି ନାବାଳକକୁ ଅପହରଣ । କଥା କଥାରେ ବୋମା ମାଡ଼ । ବୋମା ମାଡ଼ରେ ଦୁଇ ଗୁରୁତର ।  ଉଭୟଙ୍କୁ ପ୍ରଥମେ ଖଲ୍ଲିକୋଟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଓ ପରେ ବ୍ରହ୍ମପୁର ମେଡିକାଲକୁ ସ୍ଥାନାନ୍ତରିତ କରାଯାଇଛି। ପୂର୍ବ ଶତୃତାକୁ କେନ୍ଦ୍ର କରି ନାବାଳକକୁ ଅପହରଣ ଅଭିଯୋଗ  ହୋଇଛି । ଜିଲ୍ଲାରେ  ଆଇନ ଶୃଙ୍ଖଳା ବିପର୍ଯ୍ୟସ୍ତ ହୋଇଥିବା ବେଳେ ଅପରାଧୀଙ୍କ ଭୂସ୍ବର୍ଗ ପାଲଟିଛି ଗଞ୍ଜାମ ।

ଅଧିକ ପଢନ୍ତୁ : ଅସଜଡାକୁ ସଜାଡିବାକୁ ଗଞ୍ଜାମରୁ ଲଢିବେ ପାଣ୍ଡିଆନ୍‌ ?

ଏଠି ପ୍ରଶ୍ନ, ଗୃହ ବିଭାଗର ଦାୟିତ୍ବରେ ଥିବା ମୁଖ୍ୟମନ୍ତ୍ରୀଙ୍କୁ ଏ କଥା ଜଣା ଅଛି ତ ? ଚଳିତବର୍ଷ ସାରା ଗଞ୍ଜାମ ଜିଲ୍ଲାରେ ହାଣକାଟ ଶହ ମୁଣ୍ଡ ଗଡୁଛି।  ତଥ୍ୟ କହୁଛି ବର୍ଷକରେ ସାରା ଗଞ୍ଜାମରେ ଗଡିଲାଣି 88 ମୁଣ୍ଡ। ଗଞ୍ଜାମ ପୋଲିସ ଜିଲ୍ଲାରେ 65ଟି ହତ୍ୟାକାଣ୍ଡ ହୋଇଥିବା ବେଳେ ବ୍ରହ୍ମପୁର ପୋଲିସ ଜିଲ୍ଲାରେ 23ଟି ହତ୍ୟାକାଣ୍ଡ ହୋଇଛି।