Odisha Governor Oath Ceremony / ଶପଥ ନେଲେ ଓଡ଼ିଶାର ନୂଆ ରାଜ୍ୟପାଳ ବ୍ରଜମୋହନ ରାମ, ମୁଖ୍ୟ ବିଚାରପତି କରାଇଲେ ଶପଥପାଠ

ଓଡ଼ିଶାର ନୂଆ ରାଜ୍ୟପାଳ ଭାବେ ଦାୟିତ୍ୱ ଗ୍ରହଣ କରିଛନ୍ତି ବ୍ରଜମୋହନ ରାମ । ଓଡ଼ିଶା ହାଇକୋର୍ଟର ମୁଖ୍ୟ ବିଚାରପତି ଜଷ୍ଟିସ ହରୀଶ ଟଣ୍ଡନ ନବ ନିଯୁକ୍ତ ରାଜ୍ୟପାଳଙ୍କୁ ସାମ୍ବିଧାନିକ ଶପଥ ପାଠ କରାଇଛନ୍ତି । ବ୍ରଜମୋହନ ରାମ ଓଡ଼ିଶାର ଜନସାଧାରଣଙ୍କ ସେବା ଓ ସମ୍ବିଧାନର ସୁରକ୍ଷା ପାଇଁ ଏହି ଅବସରରେ ସଂକଳ୍ପ ନେଇଛନ୍ତି ।

ଲୋକଭବନରେ ଆୟୋଜିତ ଶପଥ ଗ୍ରହଣ ସମାରୋହରେ ଓଡ଼ିଶା ଉଚ୍ଚ ନ୍ୟାୟାଳୟର ମାନ୍ୟବର ମୁଖ୍ୟ ବିଚାରପତି ଶ୍ରୀ ଜଷ୍ଟିସ୍ ହରିଶ ଟଣ୍ଡନ ଶ୍ରୀ ବ୍ରଜମୋହନ ରାମଙ୍କୁ ଓଡ଼ିଶାର ରାଜ୍ୟପାଳ ଭାବେ ପଦ ଓ ଗୋପନୀୟତାର ଶପଥ ପାଠ କରାଇଛନ୍ତି। https://t.co/5nttL089Xu

— Governor Odisha (@GovernorOdisha) October 18, 2026

ଏହି ଭବ୍ୟ ଶପଥ ଗ୍ରହଣ ସମାରୋହରେ ଓଡ଼ିଶା ରାଜନୀତି ଓ ପ୍ରଶାସନର ବଡ଼ ଚେହେରା ଏକାଠି ହୋଇଥିଲେ । ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ନୂତନ ରାଜ୍ୟପାଳଙ୍କୁ ପୁଷ୍ପଗୁଚ୍ଛ ଦେଇ ଶୁଭେଚ୍ଛା ଜଣାଇଥିବା ବେଳେ ବାଚସ୍ପତି ସୁରମା ପାଢ଼ୀ ଏବଂ ବିରୋଧୀ ଦଳ ନେତା ନବୀନ ପଟ୍ଟନାୟକ ମଧ୍ୟ ସମାରୋହରେ ଉପସ୍ଥିତି ଥିଲେ । ଏହା ସହିତ ରାଜ୍ୟ ମନ୍ତ୍ରିମଣ୍ଡଳର ସମସ୍ତ ସଦସ୍ୟ, ହାଇକୋର୍ଟର ବିଚାରପତିଗଣ, ବହୁ ସାଂସ୍କୃତିକ ଓ ପ୍ରଶାସନିକ ପ୍ରମୁଖ, ସାଂସଦ, ବିଧାୟକ ଏବଂ ବିଭିନ୍ନ ବିଭାଗର ବରିଷ୍ଠ ସଚିବମାନେ ମଧ୍ୟ ନୂଆ ରାଜ୍ୟପାଳଙ୍କୁ ସ୍ବାଗତ କରିବା ପାଇଁ ଉତ୍ସବରେ ସାମିଲ ହୋଇଥିଲେ ।