ଅର୍ଗସ ବ୍ୟୁରୋ : ଦିନକୁ ଦିନ ପାଣିପାଗରେ ପରିବର୍ତ୍ତନ ଦେଖାଯାଉଛି । ଯାହାର ପ୍ରଭାବ ସିଧାସଳଖ ମନୁଷ୍ୟର ନୀତି ଦିନର ଖାଦ୍ୟପେୟ ଉପରେ ପ୍ରଭାବ ପକାଉଛି । ଘରେ ଘରେ ରୋଗୀଙ୍କ ସଂଖ୍ୟା ବୃଦ୍ଧି ଘଟୁଛି । ଡାଇବେଟିସ, ମ୍ୟାଲେରିଆ, ଗର୍ଭ ପରୀକ୍ଷା ଭଳି ଖୁବ କମ ସମୟରେ ଚିହ୍ନଟ ହେବ କର୍କଟ । ଏକ "ପୋର୍ଟବଲ କ୍ୟାନ୍ସର ଡାଇଗ୍ନଷ୍ଟିକ ଡିଭାଇସ" ଦ୍ୱାରା ଜାଣିହେବ ଜଣେ ବ୍ୟକ୍ତିଙ୍କୁ କ୍ୟାନ୍ସର ହୋଇଛି କି ନାହିଁ ।ଏଭଳି ଏକ ପୋର୍ଟବଲ ମେସିନର ଉଦ୍ଭାବନ ର ଶେଷ ପର୍ଯ୍ୟାୟରେ ରେଭେନ୍ସା ବିଶ୍ୱବିଦ୍ୟାଳୟର ପ୍ରାଣୀ ବିଜ୍ଞାନ ବିଭାଗ ।

ରକ୍ତ, ଲାଳ ଓ ଟିସୁ ନମୁନାରୁ କିପରି କ୍ୟାନ୍ସର ଭଳି ମାରାତ୍ମକ ରୋଗକୁ ସହଜରେ ଓ କମ ସମୟରେ ଜାଣିହେବ ସେଥିପାଇଁ ବିଭାଗର ଅଧ୍ୟାପକ ଓ ଗବେଷଣା ରତ ୬ ଜଣ PHD ଛାତ୍ରଛାତ୍ରୀ ଏହା ଉପରେ ଦିନରାତି ଗବେଷଣା ଜାରି ରଖିଛନ୍ତି । ଆଉ ଏହାର ବିଚାରଧାର ଓ ଡିଜାଇନ ପେଟେଣ୍ଟ ହୋଇ ସାରିଥିବା ବେଳେ ପ୍ରାଣୀ ବିଜ୍ଞାନ ବିଭାଗର ପ୍ରଫେସର ଡ. ଲୁନା ସାମନ୍ତଙ୍କ ପ୍ରତ୍ୟକ୍ଷ ତତ୍ୱାବଧାନରେ ପରୀକ୍ଷାଗାରରେ ଏହି ଉପକରଣର ପରୀକ୍ଷଣ ଚାଲିଛି ।

ଯେତେବେଳେ କ୍ୟାନ୍ସର ଭଳି ଦୂରାରୋଗ୍ୟର ପରୀକ୍ଷା କରିବା ସମୟ ସାପେକ୍ଷ ଓ ହଜାର ହଜାର ଟଙ୍କା ଖର୍ଚ୍ଚ କରିବାକୁ ପଡିଥାଏ । ସେଭଳି ସମୟରେ ରେଭେନ୍ସା ବିଶ୍ୱବିଦ୍ୟାଳୟର ନୂଆ ସମ୍ଭାବନା ଅନେକଙ୍କ ପାଇଁ ବରଦାନ ହେବ । ଗବେଷଣା କରୁଥିବା ଛାତ୍ର ଛାତ୍ରୀ କୁହନ୍ତି । ଆମେ ଆଶା କରିବା ଖୁବଶୀଘ୍ର ଏଭଳି ଡିଭାଇସର ଉଦ୍ଭାବନ ହେଉ, ଯାହାକି ଓଡିଶା, ଭାରତ ଓ ବିଶ୍ୱର ପ୍ରଥମ କର୍କଟ ରୋଗ ଚିହ୍ନଟରେ ସହାୟକ ହେବ ।

Argus News | argus news | Odisha Latest News, Breaking News, Trending News, Live TV