Crime In Odisha / କାଦୁଅରୁ ଧରାପଡ଼ିଲା ଚୋରି କାର; ଭୁବନେଶ୍ଵରରୁ ଲୁଟ୍, ଅନୁଗୁଳରୁ ଗିରଫ

ଭୁବନେଶ୍ଵର: କାର ଲୁଟ୍‌ର କାହାଣୀରେ ନୂଆ ଟ୍ୱିଷ୍ଟ୍ । CCTV ଦେଖାଇଲା ଲୁଟ୍‌ର LIVE ଚିତ୍ର । ଧଳା କାରରୁ ଖୋଲିଲା ଲୁଟ୍‌ର କଳା କାହାଣୀ । ସେଲ୍ଫ ଡ୍ରାଇଭରେ ଆସିଲା, କାର ନେଇ ଛୁ ମାରିଲା । ବର୍ଷାର ସୁଯୋଗ ନେଇ କାର ଲୁଟ୍ କରିଥିଲେ, ହେଲେ ସେହି ବର୍ଷା ହିଁ ଖୋଲିଦେଲା ଲୁଟେରାଙ୍କ ରାସ୍ତା । CCTVରୁ ଆରମ୍ଭ ହୋଇଥିବା ତଦନ୍ତ ପହଞ୍ଚିଲା ୱାଶିଂ ପଏଣ୍ଟରେ । ଆଉ ସେଠାରୁ ମିଳିଲା ଲୁଟେରାଙ୍କ କାରର ନମ୍ବର ।

୧୨ ତାରିଖ ଚନ୍ଦକା ଅନ୍ଧାରୁଆ ଗାଁରେ ସୁଦର୍ଶନ ନାୟକ ନିଜର Swift Dzire କାର ପାର୍କିଂ କରିଥିଲେ । ମାତ୍ର ସକାଳୁ ଉଠି ଦେଖିବା ବେଳକୁ କାର୍ ନଥିଲା । ଏନେଇ ଚନ୍ଦକା ଥାନାରେ ଅଭିଯୋଗ ପରେ ଆରମ୍ଭ ହୋଇଥିଲା ପୋଲିସର ତଦନ୍ତ । ଆଖପାଖ ଅଞ୍ଚଳର CCTV ଫୁଟେଜ୍ ଯାଞ୍ଚ କରିବା ବେଳେ ମିଳିଥିଲା ବଡ଼ ସୁରାକ । ଚୋରି ହୋଇଥିବା Swift Dzireକୁ ଆଉ ଏକ ନୀଳ ରଙ୍ଗର Swift Dzire ଟାଣି ନେଉଛି ।

ଏଥିସହ ପଢ଼ନ୍ତୁ: ମୁଣ୍ଡରୁ ରକ୍ତସ୍ରାବ ହୋଇ ଭିଜି ଯାଇଛି ଲୁଗା; ଦୋକାନ ଭିତରୁ ମାଲିକାଣୀଙ୍କ ମୃତଦେହ ଉଦ୍ଧାର, ହତ୍ୟା ଅଭିଯୋଗ 

ହେଲେ ନମ୍ବର ପ୍ଲେଟ୍‌ରେ ଷ୍ଟିକର ଲଗାଯାଇଥିବାରୁ ନମ୍ବର ସ୍ପଷ୍ଟ ହେଉନଥିଲା । ହେଲେ ପୋଲିସ ହାର ମାନିଲାନି | ଘଟଣା ଦିନ ରାତିରେ ପ୍ରବଳ ବର୍ଷା ହୋଇଥିଲା । ପୋଲିସର ଅନୁମାନ ଥିଲା ବର୍ଷାରେ କାଦୁଅ ଲାଗିଥିବା କାରଟିକୁ ଲୁଟେରା ନିଶ୍ଚିତ ଧୋଇ ଥାଇପାରେ । ଏହିକୁ ଆଧାର କରି ସବୁ କାର୍ ୱାଶିଂ ପଏଣ୍ଟର CCTV ଯାଞ୍ଚ କରାଗଲା । ଆଉ ମିଳିଲା ଲୁଟ୍ ମାମଲାର ସବୁଠାରୁ ବଡ଼ ସୁରାକ ।

୧୨ ତାରିଖରେ ଚନ୍ଦକା ଥାନା ଭୋଳା ଜଙ୍ଗଲରେ ଧଳା କାର୍ ଥାନା ପାଖରୁ ଘୋଷାଡ଼ି ନେଇଥିଲା ଦୁର୍ବୃତ୍ତ । କାଚ ଭାଙ୍ଗି ଇଗ୍ନେସନ୍ ବଦଳାଇବାକୁ ଉଦ୍ୟମ କରିଥିଲା । ମାତ୍ର ବିଫଳ ହେବାରୁ ସେଠାରୁ ଛାଡ଼ି ପଳାଇଥିଲେ । ପାଟ୍ରଲିଂ ବେଳେ ଉଦ୍ଧାର ହୋଇଥିଲା ଧଳା ଡିଜାୟର କାର୍ ।

ସେପେଟେ ନୀଳ କାରଟି ଖଣ୍ଡଗିରିର ଏକ Self-Drive Centreରୁ ଭଡ଼ାରେ ନିଆଯାଇଥିଲା । ମନଦୀପ ଚୌଧୁରୀ ଏହି ନୀଳ Swift Dzireକୁ ଭଡ଼ାରେ ନେଇଥିବା ଜଣାପଡ଼ିଥିଲା । ଏହି ସୁରାକକୁ ଆଧାର କରି ପୁଲିସ ମନଦୀପଙ୍କ ନିକଟରେ ପହଞ୍ଚିଥିଲା । ତେବେ ପ୍ରଶ୍ନ ଉଠୁଛି ମନଦୀପ ଏ ଗାଡି ଲୁଟ୍ କରି କେଉଁଠି ବିକ୍ରି କରୁଥିଲା ? ଆ ଆଗରୁ କେତୋଟି ଗାଡ଼ି ଲୁଟ କରିଛି ମନଦୀପ ? ଗାଡ଼ି ଲୁଟ୍ କରିବାରେ ମନଦୀପକୁ କିଏ ସହଯୋଗ କରିଥିଲା ?