ପ୍ରଥମ ପର୍ଯ୍ୟାୟ ଜନଗଣନା ପାଇଁ ରାଜସ୍ବ ବିଭାଗ ପକ୍ଷରୁ ସ୍ବତନ୍ତ୍ର SOP କରାଯାଇଛି । ଜନଗଣନା କାର୍ଯ୍ୟରେ ନିୟୋଜିତ ଅଧିକାରୀ ଏବଂ କର୍ମଚାରୀମାନଙ୍କ ସୁରକ୍ଷା ଏବଂ ନିରାପତ୍ତା ନିମନ୍ତେ ରାଜ୍ୟ ସରକାରଙ୍କ ପକ୍ଷରୁ ଏସଓପି (SOP) ଜାରି ହୋଇଛି l ଏନେଇ ରାଜସ୍ବ ବିଭାଗ ସବୁ ଜିଲ୍ଲାପାଳ/SP/ମ୍ୟୁନିସପାଲ୍‌ କମିଶନରଙ୍କୁ ଚିଠି କରିଛି ।

SOP ରେ ରହିଛି କ'ଣ ?

1. ସମସ୍ତ ଗଣନାକାରୀ ଓ ପର୍ଯ୍ୟବେକ୍ଷକ କ୍ଷେତ୍ର ପରିଦର୍ଶନ ସମୟରେ ନିଜର ଅଫିସିଆଲ୍ ପରିଚୟ ପତ୍ର ପରିଧାନ କରିବା ସହ ନିଯୁକ୍ତି ପତ୍ର ସାଙ୍ଗରେ ରଖିବା ବାଧ୍ୟତାମୂଳକ ।

2. ପ୍ରବଳ ଖରାକୁ ଦୃଷ୍ଟିରେ ରଖି ସକାଳ ୧୧ଟାରୁ ଅପରାହ୍ନ ୩ଟା ପର୍ଯ୍ୟନ୍ତ ଫିଲ୍ଡ କାର୍ଯ୍ୟ ବନ୍ଦ ରଖିବାକୁ ପରାମର୍ଶ ଦିଆଯାଇଛି ।

3. ଅଂଶୁଘାତରୁ ରକ୍ଷା ପାଇବା ପାଇଁ ଆବଶ୍ୟକୀୟ ସତର୍କତା ଅବଲମ୍ବନ କରିବା ସହ ORS ବ୍ୟବହାର କରିବାକୁ କୁହାଯାଇଛି ।

4. ନିଛାଟିଆ କିମ୍ବା ସମ୍ବେଦନଶୀଳ ଅଞ୍ଚଳରେ ସୁରକ୍ଷା ଦୃଷ୍ଟିରୁ ଗଣନାକାରୀମାନେ ଯୋଡ଼ି ହୋଇ (ଜଣେ ପରେ ଜଣେ) କାର୍ଯ୍ୟ କରିପାରିବେ ।

5. ପ୍ରତି ଘଣ୍ଟାରେ ପର୍ଯ୍ୟବେକ୍ଷକମାନେ ଗଣନାକାରୀଙ୍କ ସହ ଯୋଗାଯୋଗ କରି କାର୍ଯ୍ୟର ସ୍ଥିତି ଓ ସୁରକ୍ଷା ସମ୍ବନ୍ଧରେ ସୂଚନା ନେବେ ।

6. ଯଦି କୌଣସି ସ୍ଥାନରେ ବିରୋଧ କିମ୍ବା ବିପଦର ଆଶଙ୍କା ଥାଏ, ତେବେ ଗଣନାକାରୀ ସେଠାରୁ ତୁରନ୍ତ ଚାଲିଆସିବେ ଏବଂ ପରେ ପୋଲିସ ସୁରକ୍ଷା ସହ ସେହି ସ୍ଥାନକୁ ପରିଦର୍ଶନ କରିବେ ।

7.ଗଣନାକାରୀଙ୍କ ନାମ ଓ ଯୋଗାଯୋଗ ନମ୍ବର ସ୍ଥାନୀୟ ଥାନାକୁ ପ୍ରଦାନ କରାଯିବ ଏବଂ କର୍ମଚାରୀଙ୍କୁ ମଧ୍ୟ ଥାନାର ନମ୍ବର ଯୋଗାଇ ଦିଆଯିବ ।