ଭକ୍ତଙ୍କୁ ଉତ୍ତମ ବ୍ୟବହାର କରିବାକୁ ନିଯୋଗକୁ ଚିଠି ଲେଖିଲେ ଶ୍ରୀମନ୍ଦିର ମୁଖ୍ୟ ପ୍ରଶାସକ

ପୁରୀ:  ଭକ୍ତମାନଙ୍କୁ ଉତ୍ତମ ବ୍ୟବହାର ପ୍ରଦର୍ଶନ କରିବା ପାଇଁ ସମସ୍ତ ନିଯୋଗକୁ  ଚିଠି ଲେଖିଲେ ଶ୍ରୀମନ୍ଦିର ମୁଖ୍ୟ ପ୍ରଶାସକ ରଞ୍ଜନ ଦାସ । ସେବାୟତ ଓ ଶ୍ରୀମନ୍ଦିର କର୍ମଚାରୀଙ୍କ ଆଚରଣ ଉଚାରଣରେ ଶାଳୀନତା ପାଇଁ ଶ୍ରୀମନ୍ଦିର ମୁଖ୍ୟ ପ୍ରଶାସକ ଲେଖିଲେ ଚିଠି । ଅତିଥି ଦେବ ଭବଃର ମର୍ଯ୍ୟାଦା ବଜାୟ ରଖିବା ପାଇଁ ସମସ୍ତଙ୍କୁ ନିବେଦନ କଲେ ମୁଖ୍ୟ ପ୍ରଶାସକ ।

ଚିଠିରେ ଉଲ୍ଲେଖ ରହିଛି ଯେ, ଭକ୍ତଙ୍କ ଯେମିତି କୌଣସି ସ୍ତରରେ କୌଣସି ଦୁର୍ବ୍ୟବହାର ପ୍ରଦର୍ଶନ ନହୁଏ ସେ ସଂକ୍ରାନ୍ତରେ ଆମକୁ ଅଧିକ ସଚେତନ ହେବାର ଆବଶ୍ୟକତା ଅନୁଭୂତ ହେଉଚି । ଭକ୍ତମାନେ ମହାପ୍ରଭୁଙ୍କ ଅତିଥି ଓ ତାଙ୍କ ଅନ୍ତରଙ୍ଗ ଦର୍ଶନାଭିଳାଷ ନେଇ ଆସିଥାନ୍ତି । ସେମାନଙ୍କର ଅସମ୍ମାନ ମହାପ୍ରଭୁଙ୍କ ଅସମ୍ମାନ ସହ ସମାନ । ତେଣୁ ଏଦିଗରେ ସମସ୍ତ କର୍ମଚାରୀ ଓ ସେବକଗଣ ଯତ୍ନବାନ ହେଲେ ସେମାନେ ଭକ୍ତମାନଙ୍କ ଶ୍ରଦ୍ଧା ଓ ସମ୍ମାନ ଭାଜନ ହେବେ ଓ ମହାପ୍ରଭୁଙ୍କ ଆଶିର୍ବାଦ ପ୍ରାପ୍ତ ହେବ । 

ଭକ୍ତମାନଙ୍କ ଠାରୁ ଆମେ ଯେମିତି ଶାଳୀନତା ପୂର୍ଣ୍ଣ ଆବରଣର ଆଶା ରଖିଛେ , ସେହିଭଳି ତାଙ୍କୁ ଶାଳୀନତାପୂର୍ଣ୍ଣ ଆଚରଣରେ ତୁଷ୍ଟ କରିବା ଆମର ଧେୟ ହେଉ ବୋଲି ଚିଠିରେ ଉଲ୍ଲେଖ ରହିଛି । 

ଆହୁରି ପଢନ୍ତୁ ଓଡିଶା ଖବର...