ନଦୀରେ ପଡ଼ି ଫିଲ୍ମ ନିର୍ଦ୍ଦେଶକଙ୍କ ମୃତ୍ୟୁ, ଶୋକ ପ୍ରକାଶ କଲେ ମୁଖ୍ୟମନ୍ତ୍ରୀ ଷ୍ଟାଲିନ

ଅର୍ଗସ ବ୍ୟୁରୋ: ଚେନ୍ନାଇର ପୂର୍ବତନ ମୟେର ସୈଦାଇ ଦୁରାଇସାମଙ୍କ ପୁଅ ତଥା ଫିଲ୍ମ ନିର୍ଦ୍ଦେଶକ ବେଟ୍ରି ଦୁରାଇସାମୀଙ୍କ ମୃତ୍ୟୁକୁ ନେଇ ସମସ୍ତେ ଆଶ୍ବର୍ଯ୍ୟ। ମଙ୍ଗଳବାର ତାଙ୍କର ଶେଷ ରୀତିନୀତି କରାଯାଇଥିଲା। ନିର୍ଦ୍ଦେଶକଙ୍କ ବିୟୋଗରେ ସମଗ୍ର ତାମିଲ ଇଣ୍ଡଷ୍ଟ୍ରିରେ ଶୋକପ୍ରକାଶ ପାଇଛି। ତାଙ୍କର ବିୟୋଗରେ ମୁଖ୍ୟମନ୍ତ୍ରୀ ଏମକେ ଷ୍ଟାଲିନ ଶୋକ ପ୍ରକାଶ କରିଛନ୍ତି। 

ଫେବୃଆରୀ ୧୨ରେ ସତଲେଜ ନଦୀରୁ ବେଟ୍ରି ଦୁରାଇସାମୀଙ୍କ ମୃତଦେହ ଉଦ୍ଧାର କରାଯାଇଥିଲା। ତାଙ୍କ ଦେହାନ୍ତରେ ଅଭିନେତା ଅଜିତ କୁମାର ଏବଂ କମଲ ହାସନ ସମବେଦନା ଜଣାଇଛନ୍ତି। ଅଜିତ କୁମାର ଅନ୍ତିମ ସଂସ୍କାରରେ ଅଂଶଗ୍ରହଣ କରି ତାଙ୍କ ପରିବାରକୁ ଭେଟି ସମବେଦନା ଜଣାଇଛନ୍ତି।

ଅଭିନେତା ଅଜିତ ଏବଂ ତାଙ୍କ ପତ୍ନୀ ଶାଲିନୀ ବେଟ୍ରିଙ୍କ ପରିବାରକୁ ଭେଟିଥିଲେ। ଅଜିତ ଏବଂ ବେଟ୍ରି ଏକାଠି ସମଗ୍ର ଭାରତରେ ଅନେକ ବାଇକ ଯାତ୍ରା କରିଥିଲେ। ଅନେକ ବର୍ଷ ପୂର୍ବେ ନିର୍ଦ୍ଦେଶକଙ୍କ ବିବାହରେ ମଧ୍ୟ ସେ ଯୋଗ ଦେଇଥିଲେ। ସେହିପରି କମଲ ହାସନ Xରେ ବେଟ୍ରିଙ୍କ ପରିବାରକୁ ସମବେଦନା ଜଣାଇଛନ୍ତି। 

ସୂଚନାଥାଉ କି, ୪୫ବର୍ଷୀୟ ବେଟ୍ରି ଦୁରାଇସାମିଙ୍କ ଏକମାତ୍ର ପୁଅ ଥିଲା। ଦୀର୍ଘଦିନର ସର୍ଚ୍ଚ ଅପରେଶନ ପରେ ତାଙ୍କ ମୃତଦେହ ଉଦ୍ଧାର କରାଯାଇଥିଲା। ବେଟ୍ରି ଦୁରାଇସାମିଙ୍କୁ ଖୋଜିବାପାଇଁ ଡ୍ରୋନ ମଧ୍ୟ ବ୍ୟବହୃତ ହୋଇଥିଲା। 

ଅଧିକ ପଢ଼ନ୍ତୁ ମନୋରଞ୍ଜନ ଖବର