Chilika Lake / ଶୀତ ଆସିଲା… ଚିଲିକା ଭରିଲା ପକ୍ଷୀଙ୍କ କିଚିରିମିଚିରି ଶବ୍ଦରେ

ଚିଲିକାରେ ପହଞ୍ଚିଲେ ବିଦେଶାଗତ ପକ୍ଷୀ । ଚଳିତ ବର୍ଷ ଚିଲିକାରେ ଲକ୍ଷାଧିକ ବିଦେଶୀ ପକ୍ଷୀମାନଙ୍କ ସମାଗମ ହେବ ବୋଲି ଲକ୍ଷ ରଖିଛି ବନ ବିଭାଗ । ଏହାକୁ ଆଖି ଆଗରେ ରଖି ସୁରକ୍ଷାକୁ କଡାକଡି କରିଛି ବନ ବିଭାଗ ।

କୁହାଯାଏ କୁମାର ପୂର୍ଣ୍ଣିମା ପରେପରେ ଶୀତ ଆସେ । ଶୀତ ଆସିବା ସହ ଓଡିଶାକୁ ବିଦେଶାଗତ ପକ୍ଷୀଙ୍କ ଆଗମନ ହୁଏ । ଶୀତ ଆସିଲା, ଅତିଥି ବି ଆସିଲେ । ମରାଳମାଳିନୀ ନୀଳାମ୍ବୁ ଚିଲିକାକୁ ଉଡଉଡି ଆସିଲେଣି ବିଦେଶୀ ଅତିଥି । ପ୍ରାକୃତିକ ସୌନ୍ଦର୍ଯ୍ୟରେ ଭରପୂର ଚିଲିକାର ରୂପକୁ ଆହୁରି ସୁନ୍ଦର କରୁଛି ବିଦେଶାଗତ ରଙ୍ଗବେରଙ୍ଗର ପକ୍ଷୀ । ଶୀତଋତୁ ଆରମ୍ଭରୁ ଚିଲିକାରେ ଆରମ୍ଭ ହୁଏ ବିଦେଶୀ ପକ୍ଷୀଙ୍କ ସମାଗମ । କିଚିରିମିଚିରି ଶବ୍ଦରେ ପୁରା ଚିଲିକା ସମସ୍ତଙ୍କ ଦୃଷ୍ଟି ଆକର୍ଷଣ କରେ । ଆଉ ଏହାକୁ ଦେଖିବାକୁ ବହୁ ଦୂରଦୂରାନ୍ତରରୁ ପର୍ଯ୍ୟଟକଙ୍କ ଭିଡ ବି ଜମେ ।

ଏଥିସହ ପଢ଼ନ୍ତୁ: ଚନ୍ଦକା ଥାନାରୁ ଚମ୍ପଟ ମାରିଲା ଅଭିଯୁକ୍ତ

ଚିଲିକା ଏସିଆ ମହାଦେଶର ସର୍ବବୃହତମ ଲୁଣାହ୍ରଦ ଏବଂ ଏହା ଭାରତର ପ୍ରଥମ ଆଦ୍ରଭୂମିଭାବେ ପରିଚିତ । ଚିଲିକା ତାର ନୀଳଜଳରାଶି ଓ ସୌନ୍ଦର୍ଯ୍ୟର ଗନ୍ତାଘର ପାଇଁ ପର୍ଯ୍ୟଟକ, କବି ଓ ଭାବୁକ ତଥା ଦାର୍ଶନିକମାନଙ୍କୁ ଆକୃଷ୍ଠ କରିଥାଏ । ସେଥିପାଇଁ ଦେଶବିଦେଶରେ ଚିଲିକା ନାମ ବିକ୍ଷାତ । ଜୈବ ବିବିଧତା କୌଣସି ହ୍ରଦରେ ଦେଖାଜାଉନଥିବାରୁ ଭରପୁର ଖାଦ୍ୟର ସମ୍ଭାରକୁ ଭୁଲି ନପାରି ଅନେକ ବିଦେଶାଗତ ପକ୍ଷୀ ଶୀତ ଋତୁରେ ଚିଲିକାକୁ ଆଗମନ କରିଥାନ୍ତି । ଚିଲିକାକୁ ସୁଦୁର ସାଇବେରିଆ, ମାଙ୍ଗୋଲିଆ ,ଇରାନ ପ୍ରଭୃତି ଦେଶ ମାନଙ୍କରୁ ବିଭିନ୍ନ ପ୍ରକାରର ପକ୍ଷୀମାନଙ୍କ ସମାଗମ ହୋଇଥଏ । ଏପରିକି ବାରହେଡେଟ ,ଭରସିନ ,ଉଇଜନ,ଗଡଓାଲ ,ନରଦନ.ଶୋଭଲର ,କମନ କୁଡ ଏହି ପ୍ରକାରର ପଷୀ ଦେଖିବାକୁ ମିଲିଥାଏ । ଆଉ ପକ୍ଷୀ ଅଭୟାରଣ୍ୟ ଚିଲିକାରେ ପକ୍ଷୀମାନଙ୍କ କିଚିରିମିଚିରି ଶବ୍ଦରେ ଫାଟି ପଡେ ନୀଳ ଜଳ ।

ତା' ସହ ଚିଲିକାରେ ଆସିବା ପୂର୍ବରୁ ପକ୍ଷୀ ସମୂହ, ନିରାପଦ ବାସସ୍ଥାନ ଏବଂ ଉପଯୁକ୍ତ ଖାଦ୍ୟ ଅନୁସନ୍ଧାନ କରି ଚିଲିକା ଜଳରାଶିରେ ପାଦ ଥାପିଥାନ୍ତି । ସପ୍ତାହେ ମଧ୍ୟରେ ଶତାଧିକ ପକ୍ଷୀଙ୍କ ଦେଖାଦେଇନ୍ତି । ଚଳିତ ବର୍ଷ ଅକ୍ଟୋବର ପହିଲାରେ ପକ୍ଷୀଙ୍କ ଆଗମନ ହୋଇଥିବାରୁ ସେମାନଙ୍କ ସଂଖ୍ୟା ବୃଦ୍ଧି ପାଇବ ବୋଲି ଆଶା କରାଯାଉଛି । ଅସହ୍ୟ ଶୀତରୁ ରକ୍ଷା ପାଇବା ପାଇଁ ବରଫାବୃତ୍ତ ଅଞ୍ଚଳ ସାଇବେରିଆ, ଋଷିଆ, କାଜକ୍‌ସ୍ଥାନ, ଲଦାକ୍‌, ମାଙ୍ଗୋଲିଆ, ଆମେରିକା, କାନାଡାରୁ ଆଦି ରଙ୍ଗବେରଙ୍ଗର ପକ୍ଷୀମାନେ ଚିଲିକାକୁ ଆସିଥାନ୍ତି । ବର୍ଷାଦିନେ ଜନ୍ମ ନେଇଥିବା କୀଟପତଙ୍ଗ, ମାଛ ଓ ତୃଣଜାତୀୟ ଉଦ୍ଭିଦ ଆଦି ଏହି ପକ୍ଷୀଙ୍କ ମୁଖ୍ୟ ଆହର ପାଲଟିଥାଏ । ବିଶେଷକରି ବର୍ତ୍ତମାନ ପକ୍ଷୀ ଅଭୟାରଣ୍ୟ ନଳବଣରେ ଜଳସ୍ତର ଅଧିକ ଥିବାରୁ ଚିଲିକା ତଟ ଅଞ୍ଚଳରେ ବହୁ ସଂଖ୍ୟାରେ ପକ୍ଷୀ ପଇଁତରା ମାରୁଥିବା ଦେଖିବାକୁ ମିଳିଛି ।

ଅଧିକ ପଢ଼ନ୍ତୁ ଓଡ଼ିଶା ଖବର...