ବିଧାୟକଙ୍କ ପାଇଁ ବିପଦ ପାଲଟିଲା କାଳବୈଶାଖୀ ବର୍ଷା । ବିଧାୟକଙ୍କ ଗାଡ଼ି ଉପରେ ପଡ଼ିଲା ବଡ଼ ଗଛ । ଅଳ୍ପକେ ବର୍ତ୍ତିଗଲେ ଚିତ୍ରକୋଣ୍ଡା ବିଧାୟକ ମଙ୍ଗୁ ଖିଲ । ଚିତ୍ରକୋଣ୍ଡା ବ୍ଲକ ଦୋରାଗୁଡା ଅଞ୍ଚଳକୁ ଗସ୍ତ ସମୟରେ ବଡ଼ ଦୁର୍ଘଟଣାର ଶିକାର ହୋଇଛନ୍ତି ଚିତ୍ରକୋଣ୍ଡା ବିଧାୟକ । ଚିତ୍ରକୋଣ୍ଡା ଘାଟି ଭଲବ-ହାଉସ ଛକ ନିକଟରେ ବିଧାୟକଙ୍କ ଗାଡ଼ି ଉପରେ ବଡ଼ ଗଛ ପଡ଼ିଥିଲା ।

ସୂଚନା ଅନୁସାରେ, ଏକ କ୍ରିକେଟ ଟୁର୍ଣ୍ଣାମେଣ୍ଟରେ ଯୋଗ ଦେଇ ଫେରୁଥିବା ବେଳେ କାଳବୈଶାଖୀ ଯୋଗୁଁ ପ୍ରବଳ ପବନ ହୋଇଥିଲା । ଏହି ସମୟରେ ଏକ ବଡ଼ ଗଛ ଆସି ହଠାତ୍‌ ବିଧାୟକଙ୍କ ଗାଡ଼ି ଉପରେ ପଡ଼ିଥିଲା । ଆଉ ସେହି ଗାଡ଼ି ଭିତରେ ଫସି ରହିଥିଲେ ବିଧାୟକ । ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାମ ଜାରି ରଖିଛି । ତେବେ ଚିତ୍ରକୋଣ୍ଡା ବିଧାୟକ ମଙ୍ଗୁ ଖିଲ ସୁରକ୍ଷିତ ଅଛନ୍ତି ।

ସେପଟେ ଆଗାମୀ ଦୁଇ ଦିନ ଯାଏଁ ଦିନ ତାପମାତ୍ରାରେ କୌଣସି ପରିବର୍ତ୍ତନ ହେବ ନାହିଁ । ଗୁଳୁଗୁଳି ଜାରି ରହିବ । ଏହା ସହିତ ଆଗାମୀ ପାଞ୍ଚ ଦିନ ପର୍ଯ୍ୟନ୍ତ କାଳବୈଶାଖୀ ବର୍ଷା ଜାରି ରହିବ । ରାଜ୍ୟରେ ଆସନ୍ତା ୧୩ ତାରିଖ ବେଳକୁ ଦୁଇରୁ ଚାରି ଡିଗ୍ରୀ ତାପମାତ୍ରା ହ୍ରାସ ପାଇବ ବୋଲି ପାଣିପାଗ ବିଭାଗ ଆକଳନ କରିଛି । ଏହା ସହିତ ପାଗ ଅନୁକୂଳ ରହିଥିବାରୁ ଆଗାମୀ ତିନି ଦିନ ଭିତରେ ମୌସୁମୀ ଓଡ଼ିଶା ଛୁଇଁବ ବୋଲି ପୂର୍ବାନୁମାନ କରିଛି ପାଣିପାଗ ବିଭାଗ ।