Chocolate Rakhi in Trends / ଆସୁଛି ସମ୍ପର୍କର ପର୍ବ ରାକ୍ଷୀ ପୂର୍ଣ୍ଣିମା; ଟ୍ରେଣ୍ଡିଂରେ 'ଚକୋଲେଟ୍ ରାକ୍ଷୀ'

ଭୁବନେଶ୍ଵର: ଦିନ କେଇଟା ପରେ ସ୍ନେହ ଆଉ ଶ୍ରଦ୍ଧାର ପର୍ବ ରାକ୍ଷୀ ପୂର୍ଣିମା । ଭାଇ ହାତରେ ରାକ୍ଷୀ ବାନ୍ଧିବାକୁ ସଜବାଜ ହେଲେଣି ସବୁ ଭଉଣୀ । ସେଥିପାଇଁ ଗାଁରୁ ସହର ହୋଇଉଠିଛି ଚଳଚଂଚଳ ।  ଆଉ ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ବଜାରକୁ ଆସିଛି ଭଳିକି ଭଳି ଆକର୍ଷଣୀୟ ରାକ୍ଷୀ । ହେଲେ ଏଥର ବଜାରର ସବୁଠୁ ବଡ଼ ଆକର୍ଷଣ ପାଲଟିଛି 'ଚକୋଲେଟ୍ ରାକ୍ଷୀ' । ଭାଇର ହାତରେ ରାକ୍ଷୀ ଶୋଭା ପାଇବା ସହ ସେହି ରାକ୍ଷୀରୁ ହିଁ ମିଳିବ ମୁହଁ ମିଠା କରିବାର ମଜା ।

• ଏଥର ଟ୍ରେଣ୍ଡରେ ଚକୋଲେଟ୍ ରାକ୍ଷୀ

ଷ୍ଟ୍ରବେରୀ, ମ୍ୟାଙ୍ଗୋ, ଭାନିଲା, ନଡ଼ିଆ ଓ ଡ୍ରାଏଫ୍ରୁଟ୍ସ ଭଳି ପାରମ୍ପରିକ ଫ୍ଲେଭର ସାଙ୍ଗକୁ ଗୋଲାପ ଓ ଚଟ୍‌ପଟା ପାନ ଫ୍ଲେଭରରେ ପ୍ରସ୍ତୁତ ହୋଇଛି ଏହି ଆକର୍ଷଣୀୟ ରାକ୍ଷୀ । ଛୋଟ ପିଲାଙ୍କଠାରୁ ଆରମ୍ଭ କରି ଯୁବପିଢ଼ିଙ୍କୁ ବାନ୍ଧି ରଖିବା ପାଇଁ ଏହି ନୂଆ ପ୍ରୟାସ କରିଛନ୍ତି ରୂପ-ବିନ୍ୟାସକାରୀ ପ୍ରିୟଦର୍ଶିନୀ ଦାସ । ମାତ୍ର ୫୦ରୁ ୧୫୦ ଟଙ୍କା ମଧ୍ୟରେ ଉଭୟ ଅନଲାଇନ୍ ଓ ଅଫଲାଇନ୍ ମାଧ୍ୟମରେ ଏହା ଗ୍ରାହକଙ୍କ ପାଇଁ ଉପଲବ୍ଧ ହେଉଛି ।

• ପରିବେଶକୁ ସୁରକ୍ଷା ଦେବା ପରି ରାକ୍ଷୀ

କେବଳ ଚକୋଲେଟ୍ ନୁହେଁ, ପରିବେଶ ସୁରକ୍ଷାକୁ ଦୃଷ୍ଟିରେ ରଖି ପ୍ରିୟଦର୍ଶିନୀ ତିଆରି କରିଛନ୍ତି ଜୈବ-ବିଘଟନକ୍ଷମ ବା 'ଇକୋ-ଫ୍ରେଣ୍ଡଲି' ରାକ୍ଷୀ । ତୁଳସୀ କାଠି, କାଇଁଚ, ବେଲ କାଠି, ରୁଦ୍ରାକ୍ଷ ଓ ବିଭିନ୍ନ ଗଛର ମଞ୍ଜିକୁ ବ୍ୟବହାର କରି ଅତ୍ୟନ୍ତ ସୁନ୍ଦର ଭାବେ ଏହାକୁ ସଜାଯାଇଛି । ବ୍ୟବହାର ପରେ ଏହି ରାକ୍ଷୀ ମାଟିରେ ମିଶି ଗଛ ସୃଷ୍ଟି କରିବ, ଯାହା ପରିବେଶ ସୁରକ୍ଷାରେ ସହାୟକ ହେବ ।

ପଢନ୍ତୁ ଏହି ଖବର: ଭାଇ ହାତରେ ରାକ୍ଷୀ କେଉଁ ଦିନ ବାନ୍ଧିବେ ? ଅଗଷ୍ଟ ୨୭ ନା ୨୮...ଦୂର କରନ୍ତୁ ଦ୍ଵନ୍ଦ୍ଵ

ଭାରତୀୟ ସଂସ୍କୃତି ଓ ପରମ୍ପରାର ମହତ୍ତ୍ୱକୁ ବଜାୟ ରଖିବା ସହ ଉଚିତ୍ ମୂଲ୍ୟରେ ଏଭଳି ଗୁଣାତ୍ମକ ରାକ୍ଷୀ ପାଇ ଗ୍ରାହକ ମଧ୍ୟ ବେଶ୍ ଉତ୍ସାହିତ ଅଛନ୍ତି । ପବିତ୍ର ସମ୍ପର୍କରେ ମିଠା ଭରିବା ସହ ପରିବେଶ ସୁରକ୍ଷାର ବାର୍ତ୍ତା ବହନ କରୁଥିବା ଏହି ନିଆରା ରାକ୍ଷୀ, ସୃଜନଶୀଳ ଶିଳ୍ପୀଙ୍କ ପାଇଁ ଆଜି ନିଜର ଆତ୍ମନିର୍ଭରଶୀଳତା ଓ ରୋଜଗାରର ଏକ ବଡ଼ ମାଧ୍ୟମ ପାଲଟିଛି । ଯଦି ଆପଣ ବି ଏଭଳି ରାକ୍ଷୀ କିଣିବାକୁ ଇଛୁକ, ତେବେ ମୋବାଇଲ ନମ୍ବର ୮୮୯୫୭୫୨୪୭୪ ଯୋଗେ ଅର୍ଡର କରିପାରିବେ ।