କେନ୍ଦ୍ରାପଡା:  ଫାଇଲ୍ ଚିରିଦେଲେ ବଡ଼ବାବୁ, ନିଲମ୍ବିତ ହେଲେ ତଳିଆ କର୍ମଚାରୀ । କେନ୍ଦ୍ରାପଡା ଜିଲ୍ଲା ଅତିରିକ୍ତ ଜିଲ୍ଲାପାଳଙ୍କ ଚାଲାକି । ପୁରା ଘଟଣାର ଅଡିଓ ଭାଇରାଲ । ଘଟଣାଟି ହେଉଛି କେନ୍ଦ୍ରାପଡା ଜିଲ୍ଲା ସାମାଜିକ ମଙ୍ଗଳ ଅଧିକାରୀ ବିଭାଗର ।

ସୂଚନାନୁଯାୟୀ ଏକ ଗୁରୁତ୍ୱପୂର୍ଣ୍ଣ ଫାଇଲକୁ ଜିଲ୍ଲାର ଅତିରିକ୍ତ ଜିଲ୍ଲାପାଳ ପିତାମ୍ବର ସାମଲ ନିଜେ ଚିରିଦେଇ ଦୋଷ ଲୁଚାଇବାକୁ DSWO ଡିପାର୍ଟମେଣ୍ଟର ଜଣେ କିରାଣୀ ପ୍ରଜ୍ଞା ପାରମିତା ଜେନା ଉପରେ ଦୋଷ ଲଦି ଦେଇଥିଲେ । ଯାହାଫଳରେ ଜିଲ୍ଲାପାଳ ପ୍ରଜ୍ଞା ପାରମିତାଙ୍କୁ ନିଲମ୍ବିତ କରିଥିଲେ । 

ତେବେ ଏଠି ପ୍ରଶ୍ନ ଉଠୁଛି  ଜିଲ୍ଲାର ଜଣେ ବରିଷ୍ଠ ଅଧିକାରୀ କିଭଳି ଫାଇଲକୁ ଚିରିଦେଇ, ଜଣେ କିରାଣୀଙ୍କୁ ନିଲମ୍ବିତ ହେବାକୁ ବାଧ୍ୟ କରୁଛନ୍ତି । କିରାଣୀ ପ୍ରଜ୍ଞା ପାରମିତାଙ୍କ ସହ ତତ୍କାଳୀନ ଜିଲ୍ଲା ସାମାଜିକ ମଙ୍ଗଳ ଅଧିକାରୀ ଶଙ୍କର ଜେନାଙ୍କ ଅଡିଓ ଏବେ ଭାଇରାଲ୍ ହେଉଛି । 

ଆହୁରି ପଢନ୍ତୁ ଓଡିଶା ଖବର...