କଟକ: ପୁଣି ଅଧାରୁ ବନ୍ଦ ହେଲା ବୈଠକ । ହୋ ହଲ୍ଲା, ହଟ୍ଟଗୋଳ ଭିତରେ ବୈଠକ ଛାଡ଼ି ପଳାଇଲେ ମେୟର ଓ କମିଶନର । କଟକ ମହାନଗର ନିଗମର ବୈଠକ ବେଳେ ଅଭାବନୀୟ ପରିସ୍ଥିତି ଦେଖିବାକୁ ମିଳିଛି ।

ପୂର୍ବଭଳି କାଉନସିଲ୍ ବୈଠକ ଅଧାରୁ ବନ୍ଦ ହୋଇଛି । ସିଏମସିର ୫୮ ନମ୍ବର ୱାର୍ଡ କାଉନସିଲର୍ ବୈଠକ ବେଳେ ପ୍ରତିବାଦ କରିଥିଲେ । ତାଙ୍କ ୱାର୍ଡରେ ଥିବା ସମସ୍ୟାକୁ ନେଇ ପାଟିତୁଣ୍ଡ କରିଥିଲେ କଂଗ୍ରେସ କର୍ପୋରେଟର । 

ଏଥିସହ ପଢ଼ନ୍ତୁ: ୮ ହଜାର ଶସ୍ତା ହେଲା ସୁନା; ଜାଣନ୍ତୁ କେତେ ରହିଛି ଆଜିର ଦର ?

ଯାହାକୁ ନେଇ ସିଏମସି କାଉନସିଲ୍ ବୈଠକରେ ଅଚଳାବସ୍ଥା ସୃଷ୍ଟି ହୋଇଥିଲା । ନିଜ ଅଞ୍ଚଳର ସମସ୍ୟା ନେଇ ସେ ସ୍ଵର ଉଠାଇ ଥିଲେ । ୫୮ ନମ୍ବର ୱାର୍ଡର କର୍ପୋରେଟର୍ କହିଛନ୍ତି, "ସମସ୍ୟା ନେଇ ସମସ୍ତଙ୍କୁ ଜଣାଇଛି, ସମାଧାନ ହେଉ ନାହିଁ । ଏଠି ଅଫିସର୍ ରାଜ ଚାଲିଛି ।"


ସିଏମସି ମେୟର ସୁବାସ ସିଂ କହିଛନ୍ତି, "ବୈଠକ ଅଧାରୁ ସରି ନାହିଁ । ଆମର ମୁଖ୍ୟ ଥିଲା ପ୍ରସ୍ତାବ ପାରିତ । ୱାର୍ଡ ପ୍ରସଙ୍ଗ ନେଇ ଆଲୋଚନା କରିଛୁ । କେନ୍ଦ୍ରୀୟ ପ୍ରକଳ୍ପ ଉପରେ ବିତର୍କ ଥିଲା, ସରିଛି । ପୁଣି ଥରେ ଫେବ୍ରୁଆରୀ ୧୫ ତାରିଖ ଭିତରେ ବୈଠକ ବସିବ ।"

ଏଥିସହ ପଢ଼ନ୍ତୁ: ଧାନ ପାଇଁ ଦେଇଥିଲେ ଟଙ୍କା; ମାଗିବାରୁ ମାରିଦେଲେ ଗୁଳି, ଆଖି ହୋଇଗଲା ନଷ୍ଟ

କର୍ପୋରେଟର ଅନ୍ୟ ସମୟରେ ମେୟର, କମିଶନରଙ୍କୁ ଭେଟି ଆଲୋଚନା କରୁଛନ୍ତି । ଆମେ ଅଫିସ୍‌ରେ ବସୁଛୁ, ଭେଟି ଆଲୋଚନା କରି ପାରିବେ । ବୈଠକରେ ଏଭଳି ଧାରଣା ଦେବା ଅନୁଚିତ୍ ବୋଲି କହିଛନ୍ତି ମେୟର ।

ନିର୍ବାଚିତ ପ୍ରତିନିଧି ପ୍ରତିବାଦ କରିବାର ଅଧିକାର ରହିଛି । ଆଜିର ବୈଠକରେ ୱାର୍ଡ ସମସ୍ୟା ଆଲୋଚନା ହେବାର ନଥିଲା । କିନ୍ତୁ କର୍ପୋରେଟର ଚାହିଁଲେ ଆମକୁ ଭେଟି ଅନ୍ୟ ସମୟରେ ଆଲୋଚନା କରିପାରିବେ ବୋଲି ମେୟର କହିଛନ୍ତି ।