ଅର୍ଗସ ବ୍ୟୁରୋ: 24 ଜାନୁଆରୀରେ ଅର୍ଥାତ୍ ଆଜି ସତ୍ୟବାଦୀ ଓଡିଆ ୟୁନିଭରସିଟି ଆନୁଷ୍ଠାନିକ ଭାବେ ମୁଖ୍ୟମନ୍ତ୍ରୀଙ୍କ ଦ୍ୱାରା ଉନ୍ମୋଚିତ ହେବ । ତେବେ ଏହା ପୂର୍ବରୁ ସବୁ ଛାତ୍ରଛାତ୍ରୀଙ୍କୁ କଲେଜରେ ପହଞ୍ଚିବା ପାଇଁ ଜାରି ହୋଇଛି ଫତୁଆ । 

ମୁଖ୍ୟମନ୍ତ୍ରୀଙ୍କ ସଭା ପାଇଁ ଛାତ୍ରଛାତ୍ରୀଙ୍କୁ ଲୋଭ ଦେଖାଇଲେ କଲେଜ ଅଧ୍ୟକ୍ଷ । ଟାଇମ୍ ରେ ସଭାରେ ପହଞ୍ଚ । ଭଲ ମାର୍କ ମିଳିବ । ଭଲ ଖାଇବାକୁ ବି ଦିଆଯିବ । ଆଉ ସମୟ ପୂର୍ବରୁ ନପହଞ୍ଚିଲେ କଲେଜକୁ କୌଣସି ଦୋଷ ଦେବନି ।  

ତେବେ ଏଠି ପ୍ରଶ୍ନ ପିଲା ଯୋଗାଡ଼ କରିବାକୁ ଜାରି ହେଲା କି ଫତୁଆ । କାହା ନିର୍ଦ୍ଦେଶରେ ଫତୁଆ ଜାରି କଲେ ପ୍ରିନ୍ସିପାଲ । ଓଡ଼ିଆ ବିଶ୍ୱବିଦ୍ୟାଳୟ ଘୋଷଣାକୁ 6 ବର୍ଷ ବିତିଥିଲେ ବି ଏ ପର୍ଯ୍ୟନ୍ତ ଏହା ପୂର୍ଣ୍ଣରୂପେ ଆରମ୍ଭ ହୋଇପାରି ନାହିଁ । ରାଜ୍ୟ ସରକାରଙ୍କ ଓଡ଼ିଆ ଭାଷା ପ୍ରତି ଥିବା ଆନ୍ତରିକତା ଏଥିରୁ ସ୍ପଷ୍ଟ ବାରିହୋଇ ପଡୁଛି।
ଉକ୍ତଳମଣୀ ଗୋପବନ୍ଧୁ ସ୍ମୃତି ମହାବିଦ୍ୟାଳୟ ସାକ୍ଷୀଗୋପାଳ ଅଧକ୍ଷ ସତ୍ୟ ଶିବ ସୂନ୍ଦରା ମିଶ୍ର ଜାରି କରିଛନ୍ତି ଏହି ଫତୁଆ । ମୁଖ୍ୟମନ୍ତ୍ରୀଙ୍କ ସଭାସ୍ଥଳରେ ପହଁଞ୍ଚିଲେ ବଢିବ ଇଣ୍ଟର୍ନାଲ ସହ ପ୍ରାକ୍ଟିକାଲ୍ ମାର୍କ । ନିର୍ଦ୍ଧାରିତ ସମୟ ପୂର୍ବରୁ ନ ପହଁଞ୍ଚିଲେ ପରେ କଲେଜକୁ କୈାଣସି ଦୋଷ ଦେବ ନାହିଁ । ସିଧାସିଧା ଛାତ୍ରଛାତ୍ରୀଙ୍କୁ ମେସେଜ୍ ମାଧ୍ୟମରେ ଜଣାଇଦେଇଛନ୍ତି ଅଧକ୍ଷ ।

 ସକାଳ ୯ଟାରେ କଲେଜରେ ପହଁଞ୍ଚି ୧୦ଟାରେ ପଞ୍ଚା ସଖା ପଡିଆରେ ପହଁଞ୍ଚିଲେ ମିଳିବ ୧୫୦ ଟଙ୍କାର ଟିଫିନ୍ ।  କାର୍ଯ୍ୟକ୍ରମ ଶେଷ ହେବା ପରେ ୧.୩୦ ରେ କଲେଜରେ ପହଁଞ୍ଚିବା ପରେ ୩୫୦ ଟଙ୍କିଆ ବିରିୟାନି ମିଳିବ ।  ପ୍ରତ୍ୟେକ ଛାତ୍ରଛାତ୍ରୀଙ୍କ ହ୍ୱାଟସ ଆପକୁ କଲେଜ ଅଧକ୍ଷ ପଠାଇଛନ୍ତି ମେସେଜ୍ । ଯାହା ଏବେ ମୋବାଇଲରୁ ମୋବାଇଲ ଘୁରି ବୁଲୁଛି । 
 

ଆହୁରି ପଢନ୍ତୁ ଓଡିଶା ଖବର...