କଟକ:  ଗତକାଲି କେନ୍ଦ୍ର ସରକାର ପେଟ୍ରୋଲ ଓ ଡିଜେଲ ଦରରେ ହ୍ରାସ କରିଛନ୍ତି । ଯାହାକି ସାଧାରଣ ମଣିଷର ଯାନବାହନଠୁ ଆରମ୍ଭ କରି ପରିବହନ ବିଭାଗରେ କାର୍ଯ୍ୟରତ ବାହାନ ଉପରେ ସିଧାସଳଖ ପ୍ରଭାବ ପକାଇବ । ଦୀର୍ଘ ଦିନର ବ୍ୟବଧାନରେ ଦର ହ୍ରାସ ହେଉଥିବାରୁ ଗ୍ରାହକମାନେ କେନ୍ଦ୍ର ସରକାରଙ୍କୁ ଧନ୍ୟବାଦ ଦେଇଛନ୍ତି । ସାଧାରଣ ଲୋକଙ୍କ କହିବାନୁଯାୟୀ ମଧ୍ୟବିତ୍ତ ପରିବାର ପାଇଁ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ଯିବା ନିମନ୍ତେ , ଦୁଇ ଚକିଆ ଯାନର ଆବଶ୍ୟକତା ରହିଥାଏ ।

ଆଜି ସକାଳୁ ପେଟ୍ରୋଲ ଦରରେ ହ୍ରାସ ଘଟିବା ପରେ ଆମେ ଏହାକୁ ସ୍ୱାଗତ କରୁଛୁ । ଅନ୍ୟପଟେ ବଜାରରେ ବଢୁଥିବା କଞ୍ଚା ସାମଗ୍ରୀର ଦର ବୃଦ୍ଧି , ମୁଖ୍ୟତଃ ତେଲର ବୃଦ୍ଧି ଯୋଗୁ ହୋଇଥାଏ । ଯେତେବେଳେ ଡିଜେଲ ଦରରେ ହ୍ରାସ ଘଟିଛି, ନିଶ୍ଚିତ ଭାବେ ଶୁଖିଲା ସାମଗ୍ରୀ ଦରରେ ହ୍ରାସ କରିବା ନେଇ ଆଶା କରିଛନ୍ତି ଗ୍ରାହକ । 

ଆଜି ସକାଳୁ ସକାଳୁ ନୂତନ ଦର ଲାଗୁ ହେବା ପରେ ପେଟ୍ରୋଲ ପମ୍ପରେ ଭିଡ଼ ଦେଖିବାକୁ ମିଳିଛି । କଟକରେ ଗତକାଲି ଡିଜେଲ ର ଦର ୯୫.୧୦ ପଇସା ଥିବାବେଳେ ଆଜି ୨.୧୩ ପଇସା ହ୍ରାସ ହୋଇ ୯୨.୯୭ ପଇସାରେ ପହଞ୍ଚିଛି । ସେହିଭଳି ପେଟ୍ରୋଲର ଦର ଗତକାଲି ୯୩.୫୪ ପଇସା ଥିବାବେଳେ ଆଜି ୨.୧୩ ପଇସା ହ୍ରାସ ହୋଇ ୯୧.୪୧ ପଇସାରେ ବିକ୍ରି ହେଉଛି ।
 

ଆହୁରି ପଢନ୍ତୁ ଓଡିଶା ଖବର...