ଅର୍ଗସ ବ୍ୟୁରୋ : ନବୀନ ସରକାରଙ୍କ ନୁହେଁ ତ ମିଛ ସରକାର । ନବୀନଙ୍କ ସତ କମ ମିଛ ବେସି । ଏକଥା ଆମେ କୋହୁନୁ କୋହୁଛନ୍ତି ବିଜେଡ଼ି ନେତା । ପୁଣି ଖୋଲିଲା ନବୀନ ସରକାରଙ୍କ ୨୪ ବର୍ଷର ଗୁମର । କିଭଳି ୨୪ ବର୍ଷରେ ଲୋକଙ୍କୁ କରିଛନ୍ତି ଶୋଷଣ । ଯାହାକୁ ନେଇ ମଞ୍ଚ ଉପରେ ବର୍ଷିଲେ ସମିତି ସଭ୍ୟ । କୋହୁ କୋହୁ କହି ଦେଲେ ୨୪ ବର୍ଷର ସଫଳ ସରକାର ବିଫଳ କାହାଣୀ । କିଛି ନ କରି କେମିତି ନେଉଛନ୍ତି ବାଃ ବାଃ ।

ଏଭଳି ବିଫଳତାର ସତ କାହାଣୀ କହିଛନ୍ତି, ବଲାଙ୍ଗିର ଜିଲ୍ଲା ଦେଓଗାଁ ବ୍ଲକ ହାତୀସରା ପଞ୍ଚାୟତର ସମିତିସଭ୍ୟ । ଯାହାକୁ ନେଇ ଏବେ ଫୁଲ ଗରମ୍ ବାଲଙ୍ଗିର ବିଜେଡ଼ି । ହାତୀସରା ପଞ୍ଚାୟତରେ 'ଆମ ଓଡିଶା ନବୀନ ଓଡିଶା'ର କାର୍ଯ୍ୟକ୍ରମ ଚାଲିଥିଲା । ଯୋଉଠି ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି ନେତା । ଖାଲି ବର୍ଷି ନାହାନ୍ତି ତ ଖୋଲିଲେ ବିଜେଡ଼ି ସରକାର ଅସଲ ମୁଖା ।

ସମିତିସଭ୍ୟ ବିଶ୍ୱଜିତ ପାତ୍ର କହିଛନ୍ତି, ୫ଟି ଅଧ୍ୟକ୍ଷ ଭିକେ ପାଣ୍ଡିଆନ ଆମ ଜିଲ୍ଲାକୁ ଆସି ଅନେକ ଉନ୍ନତି କରିକି ଗଲେ ବୋଲି ମିଛ ବାହା ବାହା ମାରୁଛି । କିନ୍ତୁ ଦେଖିବାକୁ ଗଲେ ଏବେ ଆମ ଜିଲ୍ଳାରେ ଅନେକ ଲୋକଙ୍କ ମଣ୍ଡ ଉପରେ ଛାତ ଘର ନାହିଁ । ୮୫ ଜଣ ଆବାସ ଯୋଜନାରେ ସାମିଲ କରିବା ପାଇଁ ୫ଟି ଅଧ୍ୟକ୍ଷଙ୍କୁ ଲେଖି କି ଦେଲେ ଆଜି ପର୍ଯ୍ୟନ୍ତ କାହିଁକି କିଛି ଉତ୍ତର ନାହିଁ ।

ମହିଳା ମାନଙ୍କୁ ବିନା ସୁଧରେ ଋଣ ଦେଉଛନ୍ତି ବୋଲି କହୁଁଛନ୍ତି ହେଲେ ସୁଧ ନ ଦେଲେ ତାଙ୍କୁ ମଧ୍ୟ ମିଳୁନି ଋଣ । ଜନ୍ମରୁ ମୃତ୍ୟୁ ପର୍ଯ୍ୟନ୍ତ ରାଜ୍ୟ ସରକାର ଯୋଜନା କରୁଥିବା କଥା କହୁଛନ୍ତି ହେଲେ ସବୁ ଯୋଜନା ଏଠି ଫେଲ । ଆଜି ପର୍ଯ୍ୟନ୍ତ ଦେଓଗାଁରେ ଚିନିକଳ କାରଖାନା ବନ୍ଦ ହୋଇ ପଡିଛି କେବେ ଖୋଲିବ ତାହାର ଜବାବ ଦେଇ ପାରିବେ କି ରାଜ୍ୟ ସରକାର ? ବୋଲି ଅନେକ ପ୍ରଶ୍ନ କରିଛନ୍ତି ସମିତିସଭ୍ୟ ବିଶ୍ୱଜିତ ପାତ୍ର । ରାଜ୍ୟ ସରକାର କେବଳ ମିଛ କଥା କହି ସାଧାରଣ ଲୋକଙ୍କୁ ଭୁଆଁ ବୁଲାଉଛନ୍ତି । ସରକାରଙ୍କ ଭୋଟ ସମୟ ଆସିଲେ ସାଧାରଣ ଗରିବ ଲୋକଙ୍କ କଥା ମନେ ପଡ଼ୁଛି । ଯାହାକୁ ନେଇ ଏଥର ଉଚିତ ଯାବାହ ଦେବେ ଲୋକେ ।