Videos
|
Odisha

Ama Bus / ସାଇଡ୍ ମରାକୁ ନେଇ 'ଆମ ବସ୍' ଚାବି କାଢ଼ି ନେଲେ ସ୍କୁଟି ଚାଳକ

Sushanta Sahoo
Browse all articles by Sushanta Sahoo
·45 mins ago·2 min read
ସାଇଡ୍ ମରାକୁ ନେଇ 'ଆମ ବସ୍' ଚାବି କାଢ଼ି ନେଲେ ସ୍କୁଟି ଚାଳକ
Ama Bus Key Snatched in Cuttack

Key Points

ଟ୍ରାଫିକ୍ ଉପରେ ମଝି ରାସ୍ତାରେ 'ଆମ ବସ୍' ଚାବି କାଢ଼ି ନେଇ ପଳାଇଲେ ସ୍କୁଟି ଚାଳକ । ଏଭଳି ଦୃଶ୍ୟ ଦେଖିବାକୁ ମିଳିଛି କଟକ ସହରରେ ।
କଟକ: ରାସ୍ତାରେ ହଟହଟା ହେଲା 'ଆମ ବସ୍' । ଟ୍ରାଫିକ୍ ଉପରେ ମଝି ରାସ୍ତାରେ 'ଆମ ବସ୍' ଚାବି କାଢ଼ି ନେଇ ପଳାଇଲେ ସ୍କୁଟି ଚାଳକ । ଏଭଳି ଦୃଶ୍ୟ ଦେଖିବାକୁ ମିଳିଛି କଟକ ସହରରେ । କଟକ ସିଏନବିଟିରୁ ଧବଳେଶ୍ଵର ପୀଠ ଅଭିମୁଖେ ଯାଉଥିବା 'ଆମ ବସ୍'କୁ ଅଟକାଇ ଜଣେ ସ୍କୁଟି ଚାଳକ ଚାବି ନେଇ ଯାଇଥିଲେ ।

ଫଳରେ ଦୀର୍ଘ ସମୟ ଧରି 'ଆମ ବସ୍'ଟି ରାସ୍ତା ମଝିରେ ଅଟକି ରହିଛି । ଏଭଳି ଅଜବ ଘଟଣା ଦେଖିବାକୁ ମିଳିଛି କଟକର କଚେରୀ ଗଡ଼ାରେ । ମିଳିଥିବା ସୂଚନା ଅନୁସାରେ, 'ଆମ ବସ୍'ଟି ରବିବାର ସକାଳେ ସିଏନବିଟିରୁ ଯାତ୍ରୀଙ୍କୁ ନେଇ ଯାତ୍ରୀଙ୍କୁ ନେଇ ଧବଳେଶ୍ଵର ଅଭିମୁଖେ ଯାଉଥିଲା ।

କଚେରୀ ଗଡ଼ା ନିକଟରେ ସାଇଡ୍ ମରାକୁ ନେଇ ଜଣେ ସ୍କୁଟି ଚାଳକ ଜଣକ 'ଆମ ବସ୍' ଆଗରେ ଗାଡ଼ି ଅଟକାଇ ଥିଲେ । 'ଆମ ବସ୍' ଡ୍ରାଇଭର ସହ ଯୁକ୍ତି ତର୍କ କରିବା ପରେ ବସ୍ ଚାବି କାଢ଼ି ନେଇ ଫେରାର ହୋଇ ଯାଇଥିଲେ ସ୍କୁଟି ଚାଳକ ଜଣଙ୍କ ।

ଏଥିସହ ପଢ଼ନ୍ତୁ: ଅଭିନେତ୍ରୀଙ୍କ ସହ ଅସଦାଚରଣ ଅଭିଯୋଗ, ଛାନଭିନ ଆରମ୍ଭ କଲା ପୋଲିସ 

Argus News App

📱 Get Argus News App

✨
📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free:
ସେହି ସମୟରେ 'ଆମ ବସ୍'ରେ ଯାତ୍ରୀ ଥିଲେ । ପାଖାପାଖି ୪୦ ମିନିଟ୍ ଧରି 'ଆମ ବସ୍' ରାସ୍ତା ମଝିରେ ଠିଆ ହୋଇଥିଲା । ମେଣ୍ଟେନାନ୍ସ ଟିମ୍ ପହଞ୍ଚି ଉକ୍ତ 'ଆମ ବସ୍'ଟିକୁ ଠିକ୍ କରିବା ପରେ ବସଟି ସେଠାରୁ ଯାଇଥିଲା ।

ଖବର ପାଇ ଲାଲବାଗ ଥାନା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା । ଚାବି ନେଇ ଫେରାର ହୋଇ ଯାଇଥିବା ସ୍କୁଟି ଚାଳକଙ୍କୁ ଅଟକ ରଖି ପୋଲିସ ପଚାର ଉଚରା କରୁଥିବା ଜଣାପଡ଼ିଛି । ଏନେଇ କ୍ରୁଟ୍ କିମ୍ବା ସମ୍ପୃକ୍ତ 'ଆମ ବସ୍'ର ଡ୍ରାଇଭରଙ୍କ ପ୍ରତିକ୍ରିୟା ମିଳିପାରି ନାହିଁ ।