Videos
|
Odisha

Bali Jatra Ground Waterlogging / 'ଅକ୍ୱାନ' ବିଗିଡ଼ିଦେଲା ବାଲିଯାତ୍ରା ପ୍ରସ୍ତୁତି, ବର୍ଷା ପାଇଁ ବାଲିଯାତ୍ରା ପଡ଼ିଆ ଏବେ କାଦୁଅ ପଚପଚ

Santosh Kumar Sahoo
Browse all articles by Santosh Kumar Sahoo
·1 hour ago·2 min read
'ଅକ୍ୱାନ' ବିଗିଡ଼ିଦେଲା ବାଲିଯାତ୍ରା ପ୍ରସ୍ତୁତି, ବର୍ଷା ପାଇଁ ବାଲିଯାତ୍ରା ପଡ଼ିଆ ଏବେ କାଦୁଅ ପଚପଚ
Bali Jatra Ground Waterlogging

Key Points


ଆଉ ମାତ୍ର ୨ ଦିନ ପରେ ଆରମ୍ଭ ହେବ ଐତିହାସିକ ବାଲିଯାତ୍ରା
ପାଣି ନିଷ୍କାସନ ଓ ଷ୍ଟଲ୍ କାମ ସାରିବା ପ୍ରଶାସନ ପାଇଁ ବଡ଼ ଚ୍ୟାଲେଞ୍ଜ
ଚଳିତ ବର୍ଷ ବାଲିଯାତ୍ରା ଉଦଘାଟନ କରିବେ ରାଷ୍ଟ୍ରପତି ଦ୍ରୌପଦୀ ମୁର୍ମୁ


ବାଲିଯାତ୍ରା ପ୍ରସ୍ତୁତିକୁ ବିଗାଡ଼ି ଦେଲା ବାତ୍ୟା 'ଅକ୍ୱାନ'। ବର୍ଷାରେ ଭିଜିଲା ବାଲିଯାତ୍ରା ପଡ଼ିଆ । ଯେଉଁଠି ହେବା କଥା ଥିଲା ରଙ୍ଗିନ ଆୟୋଜନ, ସେଠି ଏବେ ପାଣି ଆଉ କାଦୁଅର ଆସ୍ତରଣ । ଆଉ ମାତ୍ର ଦୁଇ ଦିନ ପରେ ଆରମ୍ଭ ହେବ କଟକର ଐତିହାସିକ ବାଲିଯାତ୍ରା । ଏଥର ଉଦଘାଟନ କରିବେ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଏଭଳି ସ୍ଥିତିରେ ଅଳ୍ପ ସମୟ ମଧ୍ୟରେ ସମସ୍ତ ପ୍ରସ୍ତୁତି ସାରିବା ପ୍ରଶାସନ ପାଇଁ ବଡ଼ ଚ୍ୟାଲେଞ୍ଜ ।

ବାତ୍ୟା ଅକ୍ୱାନର ପ୍ରଭାବରେ ବିଗିଡ଼ିଗଲା ବାଲିଯାତ୍ରା ପ୍ରସ୍ତୁତିର ଚିତ୍ର । ଲଗାଣ ବର୍ଷା ଯୋଗୁଁ ଉପର ଓ ତଳ ପଡ଼ିଆରେ ଜମି ରହିଛି ବର୍ଷା ପାଣି, ଆଉ ଚାରିଆଡ଼େ କାଦୁଅ ପଚପଚ । ଯେଉଁଠି ଷ୍ଟଲ୍ ନିର୍ମାଣ, ଆଲୋକୀକରଣ ଓ ସାଜସଜ୍ଜା କାମ ଜୋରସୋରରେ ଚାଲିବା କଥା, ସେଠି ପାଣି ଓ କାଦୁଅ ପାଇଁ କାମରେ ସୃଷ୍ଟି ହୋଇଛି ବାଧା । ଆଉ ମାତ୍ର ଦୁଇ ଦିନ ପରେ ଆରମ୍ଭ ହେବ ଐତିହାସିକ ବାଲିଯାତ୍ରା । ଲକ୍ଷ ଲକ୍ଷ ଲୋକଙ୍କ ସମାଗମକୁ ନଜରରେ ରଖି ରାସ୍ତା ନିର୍ମାଣ, ପାର୍କିଂ, ପାନୀୟ ଜଳ, ଆଲୋକୀକରଣ ଓ ସ୍ୱଚ୍ଛତା ଭଳି ବ୍ୟବସ୍ଥାକୁ ଶେଷ ସ୍ପର୍ଶ ଦେବାକୁ ପଡ଼ିବ । ତେଣୁ ବର୍ଷା ପାଣି ନିଷ୍କାସନ ସହ ପଡ଼ିଆରୁ କାଦୁଅ ସଫା କରି ଷ୍ଟଲ୍ ନିର୍ମାଣ କାମକୁ ତ୍ୱରାନ୍ୱିତ କରିବା ଏବେ ପ୍ରଶାସନ ପାଇଁ ସବୁଠାରୁ ବଡ଼ ଚ୍ୟାଲେଞ୍ଜ ପାଲଟିଛି ।

ଚଳିତ ବର୍ଷ ବାଲିଯାତ୍ରାକୁ ଉଦଘାଟନ କରିବେ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ରାଷ୍ଟ୍ରପତିଙ୍କ ଗସ୍ତକୁ ନଜରରେ ରଖି ସୁରକ୍ଷାଠାରୁ ଆରମ୍ଭ କରି ଉଦଘାଟନୀ ମଞ୍ଚ ପ୍ରସ୍ତୁତି ଯାଏଁ ସବୁକିଛି ନିର୍ଦ୍ଧାରିତ ସମୟରେ ଶେଷ କରିବାକୁ ହେବ । ସିଲଭର ସିଟି ବୋଟ୍ କ୍ଲବରୁ 'କଳିଙ୍ଗ ତରଣୀ' ବୋଟ୍‌ରେ ବସି ନୌସେନା ଏସ୍କର୍ଟରେ ବାଲିଯାତ୍ରା ପଡ଼ିଆରେ ପହଞ୍ଚିବେ ରାଷ୍ଟ୍ରପତି । ଏହା ସହ ଚଳିତ ବାଲିଯାତ୍ରାରେ କଟକ ମହାନଗର ନିଗମ ୧୫୦ ବର୍ଷ ପୂର୍ତ୍ତି ପାଳନ ମଧ୍ୟ କରିବ ।
ବାଲିଯାତ୍ରା ଯାତାୟାତ ପାଇଁ ଭୁଆସୁଣୀ ନିକଟରୁ କ୍ୟାଣ୍ଟନମେଣ୍ଟ ଥାନା ପର୍ଯ୍ୟନ୍ତ ୫୦ଟି ବସ୍ ଚଳାଚଳ କରିବ । ଏଥିପାଇଁ ଜଣଙ୍କ ପିଛା ୧୦ ଟଙ୍କା ଭଡ଼ା ନିର୍ଦ୍ଧାରଣ କରାଯାଇଛି ।
Argus News App

📱 Get Argus News App

✨
📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free: