53 Trains Cancelled / ବାତ୍ୟା 'ଅର୍ଣ୍ଣବ' ସ୍ଥଳଭାଗ ଆଡ଼କୁ ମାଡ଼ିଆସୁଛି…୫ଟି ରାଜ୍ୟ ପାଇଁ ସତର୍କତା ଜାରି ସହ ୫୩ଟି ଟ୍ରେନ୍ ବାତିଲ୍

ବଙ୍ଗୋପସାଗରରେ ‘ଅର୍ଣ୍ଣବ’ (Arnab) ନାମକ ବାତ୍ୟା ଅଧିକ ଘନୀଭୂତ ହୋଇ ଆନ୍ଧ୍ରପ୍ରଦେଶ ଉପକୂଳ ଆଡ଼କୁ ଗତି କରୁଛି। ଏହାକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ଜରୁରୀକାଳୀନ ପ୍ରସ୍ତୁତିକୁ ବ୍ୟାପକ କରାଯାଇଛି। ଏହି ବାତ୍ୟା ଅକ୍ଟୋବର ୨୮ ତାରିଖରେ ସ୍ଥଳଭାଗ ଛୁଇଁବାର ସମ୍ଭାବନା ରହିଛି, ଯାହା ଫଳରେ ପ୍ରବଳ ବର୍ଷା ହେବା ସହ ପବନର ବେଗ ଘଣ୍ଟା ପ୍ରତି ୧୪୦ କିଲୋମିଟର ପର୍ଯ୍ୟନ୍ତ ରହିବ। ଆନ୍ଧ୍ରପ୍ରଦେଶ, ଓଡ଼ିଶା, ତେଲେଙ୍ଗାନା, ଛତିଶଗଡ଼ ଏବଂ ପୁଡୁଚେରୀକୁ ସତର୍କ ରହିବାକୁ କୁହାଯାଇଛି।

Andhra Pradesh | Cyclone Arnab intensifies into a severe cyclonic storm over the west-central Bay of Bengal. It is centred approximately 300 km from Visakhapatnam. Widespread rainfall is expected across Andhra Pradesh today and tomorrow: Prakhar Jain, Managing Director of the Disaster Management Authority.

— ANI (@ANI) October 27, 2026

ଭାରତୀୟ ପାଣିପାଗ ବିଭାଗ (IMD) ଅନୁଯାୟୀ, ‘ଅର୍ଣ୍ଣବ’ (Arnab) ଏକ ଭୀଷଣ ବାତ୍ୟାର ରୂପ ନେଇଛି ଏବଂ ଏହା ଆହୁରି ଘନୀଭୂତ ହୋଇ ଏକ ‘ଅତ୍ୟନ୍ତ ଭୀଷଣ ବାତ୍ୟା’ରେ ପରିଣତ ହୋଇଛି। ସୋମବାର ସନ୍ଧ୍ୟାରେ ଜାରି କରିଥିବା ଏକ ବୁଲେଟିନ୍‌ରେ ପାଣିପାଗ ବିଭାଗ ଜଣାଇଛି ଯେ, ଏହି ବାତ୍ୟାଟି ଦ୍ରୁତ ଗତିରେ ପଶ୍ଚିମ ଦିଗକୁ ଗତି କରୁଛି।

ବର୍ତ୍ତମାନ ଏହି ଝଡ଼ ବିଶାଖାପାଟଣାରୁ ପ୍ରାୟ ୪୯୦ କିଲୋମିଟର, କାକିନାଡ଼ାରୁ ୫୬୦ କିଲୋମିଟର ଏବଂ ବାପାଟଲାରୁ ୭୩୦ କିଲୋମିଟର ଦୂରରେ ରହିଛି। ଏହା ଆନ୍ଧ୍ରପ୍ରଦେଶ ଓ ୟାନାମ ଉପକୂଳ ଅତିକ୍ରମ କରିବ ବୋଲି ଆଶା କରାଯାଉଛି। ଯାହା ବାପାଟଲା ଓ ବିଶାଖାପାଟଣା ମଧ୍ୟରେ, ୟାନାମ ନିକଟବର୍ତ୍ତୀ ଅଞ୍ଚଳରେ ହୋଇପାରେ। ଏହି ସମୟରେ ପବନର ବେଗ ଘଣ୍ଟା ପ୍ରତି ୧୧୫ ରୁ ୧୨୫ କିଲୋମିଟର ରହିପାରେ ଏବଂ ପବନର ଝଟକା ଘଣ୍ଟା ପ୍ରତି ୧୪୦ କିଲୋମିଟର ପର୍ଯ୍ୟନ୍ତ ପହଞ୍ଚିପାରେ।

• NDRF ଦଳ ସଜାଗ ଅବସ୍ଥାରେ

ନ୍ୟାସନାଲ୍ ଡିଜାଷ୍ଟର ରେସ୍ପନ୍ସ ଫୋର୍ସ (NDRF) ଏବଂ ଷ୍ଟେଟ୍ ଡିଜାଷ୍ଟର ରେସ୍ପନ୍ସ ଫୋର୍ସ (SDRF) ର ଦଳଗୁଡ଼ିକୁ ମୁତୟନ କରାଯାଇଛି। ଏହା ବ୍ୟତୀତ, ସ୍ଥଳସେନା, ନୌସେନା, ବାୟୁସେନା ଏବଂ ତଟରକ୍ଷୀ ବାହିନୀ (Coast Guard) ମଧ୍ୟ ଉଦ୍ଧାର କାର୍ଯ୍ୟ ପାଇଁ ପ୍ରସ୍ତୁତ ଅଛନ୍ତି। ମତ୍ସ୍ୟଜୀବୀମାନଙ୍କୁ ଅକ୍ଟୋବର ୨୬ ରୁ ୨୯ ମଧ୍ୟରେ ସମୁଦ୍ର ମଧ୍ୟକୁ ନ ଯିବାକୁ ପରାମର୍ଶ ଦିଆଯାଇଛି। କେନ୍ଦ୍ର ଗୃହ ମନ୍ତ୍ରଣାଳୟ, NDMA ଏବଂ IMD ପ୍ରଭାବିତ ରାଜ୍ୟଗୁଡ଼ିକ ସହିତ ସମନ୍ୱୟ ରକ୍ଷା କରୁଛନ୍ତି। ପ୍ରବଳ ବର୍ଷାର ପୂର୍ବାନୁମାନକୁ ଦୃଷ୍ଟିରେ ରଖି, ବିହାର ଏବଂ ପୂର୍ବ ଉତ୍ତର ପ୍ରଦେଶର ପ୍ରଶାସନକୁ ମଧ୍ୟ ସତର୍କ ରହିବାକୁ କୁହାଯାଇଛି।

• ଅର୍ଣ୍ଣବର ଅର୍ଥ

ଅର୍ଣ୍ଣବ ଅର୍ଥ ସମୁଦ୍ର। ବାଂଲାଦେଶ ଦ୍ୱାରା ଏହି ନାମ ଦିଆଯାଇଥିଲା। ଆଇଏମଡି ଅନୁଯାୟୀ, ମଙ୍ଗଳବାର ସୁଦ୍ଧା ଅର୍ଣ୍ଣବ ଆନ୍ଧ୍ରପ୍ରଦେଶ ଏବଂ ୟାନମ ଉପକୂଳ ଅତିକ୍ରମ କରିବାର ସମ୍ଭାବନା ଅଛି। ଏହା ବାପଟଲା ଏବଂ ବିଶାଖାପାଟଣା ମଧ୍ୟରେ ୟାନମ ନିକଟ ଦେଇ ଗତି କରିବ। ନିରନ୍ତର ପବନର ବେଗ ଘଣ୍ଟା ପ୍ରତି ୧୧୫-୧୨୫ କିଲୋମିଟର ରହିବ ଏବଂ ପବନ ୧୪୦ କିଲୋମିଟର ପର୍ଯ୍ୟନ୍ତ ପହଞ୍ଚିବ ବୋଲି ଆଶା କରାଯାଉଛି।

• ୫୩ଟି ଟ୍ରେନ୍ ବାତିଲ୍

ସମ୍ଭାବ୍ୟ ବାତ୍ୟାକୁ ଦୃଷ୍ଟିରେ ରଖି ଅକ୍ଟୋବର ୨୭-୨୮ ତାରିଖରେ ୫୩ଟି ଟ୍ରେନ୍ ବାତିଲ୍ କଲା ସାଉଥ୍ କୋଷ୍ଟ ରେଲୱେ` ଯାତ୍ରୀଙ୍କ ସୁରକ୍ଷାକୁ ପ୍ରାଥମିକତା ଦେଇ ଆଜି ଓ ଆସନ୍ତାକାଲି ପାଇଁ ରହିବ ବାତିଲ। ଆନ୍ଧ୍ରପ୍ରଦେଶର ଅନେକ ରୁଟ୍ ପ୍ରଭାବିତ ହୋଇଛି, ଯେଉଁଥିରେ ବିଜୟୱାଡା, ରାଜମହେନ୍ଦ୍ରୀ, ମଛଲିପଟନମ୍, ନରସପୁର, ଭୀମାଭରମ୍, କାକିନାଡା ବନ୍ଦର, ଗୁଣ୍ଟୁର ଏବଂ ବିଶାଖାପାଟଣାକୁ ସଂଯୋଗ କରୁଥିବା ସେବା ଅନ୍ତର୍ଭୁକ୍ତ। ଉଭୟ ଦିନରେ ଆହୁରି କିଛି ଟ୍ରେନ୍ ବାତିଲ୍ କରାଯିବ।