ପୁରୀ: ଜହର ମୁକ୍ତ ହେବ ପୁରୀ ଜିଲ୍ଲାର ଦୟା ନଦୀ । ସ୍ଥିତି ପରଖିଲେ ବିଭାଗୀୟ ମନ୍ତ୍ରୀ । ବିଧାନସଭା ଅଧିବେଶନରେ ପିପିଲି ବିଧାୟକ ଆଶ୍ରିତ ପଟ୍ଟନାୟକ ଏବଂ ସତ୍ୟବାଦୀ ବିଧାୟକ ଓମ୍ ପ୍ରକାଶ ମିଶ୍ର ପ୍ରଶ୍ନ ଉଠାଇଥବା ବେଳେ ଏହା ଉପରେ ରାଜ୍ୟ ସରକାର ପଦକ୍ଷେପ ନେବେ ବୋଲି ପ୍ରତିଶୃତି ଦେଇଥିଲେ । ପଂଚାୟତିରାଜ ଏବଂ ପାନୀୟ ଜଳ ମନ୍ତ୍ରୀ ରବି ନାରାୟଣ ନାୟକ ପ୍ରଥମେ ଭୂବନେଶ୍ବର ବ୍ଳକ ବସନ୍ତପୁରଠାରେ ଦାୟା ନଦୀରେ ବ୍ୟାରେଜ ନିର୍ମାଣ କରାଯିବା ସ୍ଥାନ ପରିଦର୍ଶନ କରିଥିଲେ ।

ଏହା ପରେ ଗଙ୍ଗୁଆ ନାଳ ଦୟା ନଦୀରେ ମିଶିଥିବା ସ୍ଥାନ ପରିଦର୍ଶନ କରିଥିଲେ । ଏହା ପରେ କଣାସ ବ୍ଳକ ପରିଦର୍ଶନ କରି ସେଠାରେ ରାଜ୍ୟ ସରକାରଙ୍କ ପକ୍ଷରୁ ନିର୍ମାଣ କରାଯାଉଥିବା ମେଗା ପାନୀୟ ଜଳ ପ୍ରକଳ୍ପ ପରିଦର୍ଶନ କରିବା ସହିତ ଦୀର୍ଘ ୫ ବର୍ଷ ଧରି ପ୍ରକଳ୍ପ ଚାଲିଥିବାବେଳେ ଏହା ଶେଷ ନ ହେବାକୁ ନେଇ ବିଭାଗ ଉପରେ ବର୍ଷିଥିଲେ । ଲୋକମାନଙ୍କୁ ଯଥାଶୀଘ୍ର ପାନୀୟ ଜଳ ଯୋଗାଇବା ପାଇଁ ବିଭାଗୀୟ ନିର୍ଦ୍ଦେଶକଙ୍କୁ ନିର୍ଦ୍ଦେଶ ଦେଇଥିଲେ । 
ଅଧିକ ପଢନ୍ତୁ ଓଡ଼ିଶା ଖବର