ବ୍ରହ୍ମପୁର: ମା' ଘୋଡ଼ାହାଟ ଦେବୀଙ୍କ ପାଖରେ ୨୧ ଦିନ ଧରି ଅଧିଆ ପଡିଥିବା ବୁଗୁଡ଼ା ବ୍ଲକର ନୁଗୁଡୁ ଗ୍ରାମର ୬୦ ବର୍ଷୀୟ ଅବସର ପ୍ରାପ୍ତ ଶିକ୍ଷକ ପୁରୁଷୋତ୍ତମ ପ୍ରଦାନଙ୍କ ମନ୍ଦିର ପରିସରରେ ଆତ୍ମହତ୍ୟା l ଆତ୍ମହତ୍ୟାର କାରଣ ଅସ୍ୱଷ୍ଟ l ସୂଚନା ଅନୁସାରେ  ଦୀର୍ଘ ୨୧ ଦିନ ଧରି ଅବସର ପ୍ରାପ୍ତ ଶିକ୍ଷକ ପୁରୁଷୋତ୍ତମ ପ୍ରଦାନ ମା' ଘୋଡ଼ାହାଟ ଦେବୀଙ୍କ ନିକଟରେ ଅଧିଆ ପଡିଥିଲେ l ଆଜି ତାଙ୍କର ମାନସିକର ୨୧ ଦିନ ପରିଥାନ୍ତା ।  

ଗତକାଲି ସେ ମାନସିକ ପୂର୍ଣ୍ଣ କରି ଘରକୁ ଫେରିବା କଥା କହୁଥିବା ବେଳେ ଆଜି ମନ୍ଦିର ପରିସରରେ ତାଙ୍କର ଝୁଲନ୍ତା ମୃତ ଦେହ ମିଳିଛି l ଆଗରୁ ମଧ୍ୟ ସେ ସେଠାରେ ଚାରି ଥର ଏମିତି ଅଧିଆ ପଡିଥିଲେ ଏବଂ ଦୁଇ ଦୁଇ ଥର ମାନସିକ ପୂର୍ଣ୍ଣ ହୋଇଥିବା କଥା ପରିବାରକୁ କହିଛନ୍ତି l ହେଲେ ଆଜି ତାଙ୍କର  ମନ୍ଦିର ପରିସରରେ ଝୁଲନ୍ତା ଅବସ୍ଥାରେ ମୃତ ଦେହ ମିଳିବା ପରେ ତାଙ୍କ ମୃତ୍ୟୁକୁ ନେଇ ସନ୍ଦେହ ସୃଷ୍ଟି ହୋଇଛି l 

ତେବେ ଘଟଣାର ଖବର ପାଇ ବରଗଡ ପୋଲିସ ଘଟଣା ସ୍ଥଳରେ ପହଞ୍ଚି ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ କରୁଛି । ଏହାସହ ଶବ ବ୍ୟବଚ୍ଛେଦ ପାଇଁ ଆସିକା ଉପଖଣ୍ଡ ଚିକିତ୍ସାଳୟକୁ ଅଣାଯାଇଛି l

ଆହୁରି ପଢନ୍ତୁ ଓଡିଶା ଖବର...