କଟକ: କଟକ ଜିଲ୍ଲା ସାଲେପୁର ବ୍ଳକ ଅନ୍ତର୍ଗତ ଜଗତପୁର ଥାନା ଅଧିନସ୍ତ ପ୍ରଧାନପଡା ଗ୍ରାମର ପରିଡା ସାହିରେ ପ୍ରେମ ବେପାରକୁ କେନ୍ଦ୍ର କରି ଜଣେ ଯୁବକକୁ ବିଭତ୍ସ ହତ୍ୟା କରାଯାଇଛି ।  ଯୁବକ ଜଣକ ହେଲେ ତାପସ ପ୍ରଧାନ । ଘଟଣା ମୁତାବକ ତାପସ ଉକ୍ତ ଗ୍ରାମର ଏକ  ଝିଅକୁ  ଭଲ ପାଉଥିଲେ ।  ଏ ନେଇ ଝିଅର ପରିବାର ଲୋକ ବାରମ୍ବାର ତାପସକୁ ଧମକ ଦେବା ସହ ମାରିବା ପାଇଁ ଉଦ୍ୟମ ମଧ୍ୟ କରିଥିଲେ ।  ପରେ ଉଭୟଙ୍କ ପରିବାର ମଧ୍ୟରେ  ବଝୁମଣା ହୋଇଥିଲା । 

ତେବେ ଝିଅ ପରିବାର ମନରେ ରାଗ ମନରେ ରଖି  ସୁଯୋଗକୁ ଅପେକ୍ଷା କରିଥିବା ବେଳେ ଗତ କାଲି ରାତିରେ ତାପସ ଘର ପାଖରେ ଥିବା  ପାଠାଗାରରେ  ଶୋଇଥିବା ସମୟରେ  ଧାରୁଆ ଅସ୍ତ୍ରରେ ଗଳା  କାଟି ହତ୍ୟା କରି ଦୌଡି ପଳାଇଥିଲେ ।   ଘଟଣାସ୍ଥଳରେ ହିଁ ଯୁବକଙ୍କର ମୃତ୍ୟୁ ହୋଇଛି । ଘଟଣା ସ୍ଥଳରେ ଜଗତପୁର ଥାନା ଅଧିକାରୀ ଅତିରିକ୍ତ ଏସପି  ଦୁଇ ପ୍ଲାଟୁନ୍ ପୋଲିସ ଫୋର୍ସ  ପହିଁଚି ସନ୍ଧାନୀ କୁକୁର ଡକାଇ ତଦନ୍ତ କରିବା ସହ ୩ ଜଣକୁ ଅଟକ ରଖିଛି । ପରେ ଶବଟିକୁ ବ୍ୟବଚ୍ଛେଦ ପାଇଁ କଟକ ବଡ଼ ମେଡ଼ିକାଲକୁ ପଠାଇ ତଦନ୍ତ ଜାରି ରଖିଛି । 

ଆହୁରି ପଢନ୍ତୁ ଓଡିଶା ଖବର...