ନବକଳେବର ହେବ ଜିଲ୍ଲପାଳଙ୍କ କୋଠା । ସବୁ ଜିଲ୍ଲାପାଳ କାର୍ଯ୍ୟାଳୟଗୁଡିକରେ ହେବ ନବକଳେବର । ଏନେଇ ନିଷ୍ପତ୍ତି ନେଇଛନ୍ତି ସରକାର । ମଡେଲ ଯୋଜନା ଆକଳନ ଅନୁଯାୟୀ, ନୂତନ ଜିଲ୍ଲପାଳଙ୍କ କୋଠା ନିର୍ମାଣ କରାଯିବ ।

ସୂଚନାନୁଯାୟୀ ନିର୍ମାଣ ହେବ ନୂତନ ଜିଲ୍ଲାପାଳ କାର୍ଯ୍ୟାଳୟ । ଜିଲ୍ଲପାଳଙ୍କ କାର୍ଯ୍ୟାଳୟରେ ଯୋଡ଼ି ହେବ ଉପ ଜିଲ୍ଲାପାଳ କାର୍ଯ୍ୟାଳୟ । ରାଜ୍ୟରେ ନିର୍ମାଣ ହେବ ନୂତନ ମଡେଲ ଜିଲ୍ଲପାଳ କାର୍ଯ୍ୟାଳୟ । ଜିଲ୍ଲାରେ ରାଜସ୍ୱ ପ୍ରଶାସନିକ ୟୁନିଟ, ଜନସଂଖ୍ୟା, କାର୍ଯ୍ୟଭାରକୁ ବିଚାରକୁ ନେଇ ଜିଲ୍ଲାଗୁଡ଼ିକୁ ୩ଟି ବର୍ଗରେ ବିଭକ୍ତ କରାଯାଇଛି । ବୃହତ, ମଧ୍ୟମ ଓ କ୍ଷୁଦ୍ର ଭାବାରେ ୩ଟି ବର୍ଗରେ ବିଭକ୍ତ କରାଯାଇଛି ।

ଅହୁରି ପଢ଼ନ୍ତୁ: ସେଜଲଙ୍କ ପାଇଁ ଚିଠି: ପାଳିତ ମାଆ କହିଲେ, ମୋ ହୃଦୟ କଷ୍ଟ ଓ ଯନ୍ତ୍ରଣାରେ ଭରିଯାଉଛି 

ସେହି ୩ଟି ବର୍ଗ ହେଲା ବୃହତ, ମଧ୍ୟମ ଓ କ୍ଷୁଦ୍ର । ବୃହତ ବର୍ଗରେ ସମ୍ବଲପୁର, ପୁରୀ, କେନ୍ଦୁଝର, କଟକ ଓ ମୟୂରଭଞ୍ଜ ଜିଲ୍ଲା । ମଧ୍ୟମ ବର୍ଗରେ କନ୍ଧମାଳ, ରାୟାଗଡା, ବାଲେଶ୍ଵର, ଯାଜପୁର, ବଲାଙ୍ଗୀର, ଖୋର୍ଦ୍ଧା, କାଳାହାଣ୍ଡି, ଭଦ୍ରକ, ବରଗଡ, କେନ୍ଦ୍ରାପଡା, କୋରାପୁଟ, ଅନୁଗୁଳ ନବରଙ୍ଗପୁର, ଢ଼େଙ୍କାନାଳ ଓ ଜଗତ୍ସିଂହପୁର ଜିଲ୍ଲା । କ୍ଷୁଦ୍ର ବର୍ଗରେ ନୟାଗଡ଼, ମାଲକାନଗିରି, ନୂଆପଡା, ସୁବର୍ଣ୍ଣପୁର, ଝାରସୁଗୁଡା, ଗଜପତି, ବୌଦ୍ଧ, ଦେଓଗଡ଼ ଜିଲ୍ଲା ।

ଏଥିସହ ପଢ଼ନ୍ତୁ: ତେଲ ବୋର୍ଡ ଲଗାଇବେ ସରକାର: କେଉଁ ଖାଦ୍ୟରେ କେତେ ତେଲ, ଖାଇଲେ କଣ ହେବ ବୋର୍ଡରେ ରହିବ ଉଲ୍ଲେଖ

ଜିଲ୍ଲାପାଳ ଅଫିସର ମୋଟ କ୍ଷେତ୍ରଫଳ ଉପରେ ଆଧାର କରି ତିନି ପ୍ରକାରର କୋଠା ରହିବ । ବଡ଼ ଜିଲ୍ଲା ପାଇଁ ଏକ ଲକ୍ଷ ୭୦ ହଜାର ବର୍ଗଫୁଟ । ମଧ୍ୟମ ଜିଲ୍ଲା ପାଇଁ ଏକ ଲକ୍ଷ ୪୦ ହଜାର ବର୍ଗଫୁଟ । ଛୋଟ ଜିଲ୍ଲା ପାଇଁ ଏକ ଲକ୍ଷ ବର୍ଗଫୁଟ । ସେହିପରି ଭୁବନେଶ୍ୱରରେ ନୂତନ ସ୍ୱତନ୍ତ୍ର ସର୍କିଟ୍ ହାଉସ୍, ଭୁବନେଶ୍ୱରରେ ରାଜସ୍ୱ ଭବନ ଏବଂ କଟକରେ ନୂତନ ରାଜସ୍ୱ ବୋର୍ଡ ଏବଂ ଆରଡିସି କୋଠା ନିର୍ମାଣ ହେବ । ଭୁବନେଶ୍ୱରରେ ୧୦ ମହଲା କୋଠାର ନୂଆ ସର୍କିଟ ହାଉସ ନିର୍ମାଣ ହେବ । ଯେଉଁଥିରେ ଜିମ୍ , ଲାଇବ୍ରେରୀ ସହ ସହ ୱାନ BHK ଓ ଟୁ BHK ମଧ୍ୟ ରହିବ ।


ଅଧିକ ପଢ଼ନ୍ତୁ ଓଡ଼ିଶା ଖବର...