ଭୁବନେଶ୍ୱର: ଟେଲିକମ ସେକ୍ଟରରେ 10 ବର୍ଷ ମୋଦି ସରକାରରେ ବୈପ୍ଲବିକ ପରିବର୍ତ୍ତନ ଆସିଛି । ଦେଶରେ ଡିଜିଟାଲ କ୍ରାନ୍ତି ଆଣିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ପ୍ରତି ପଞ୍ଚାୟତରେ ବ୍ୟାଙ୍କ ଖୋଲିଛି । ଠେଲା ଗାଡ଼ି ବ୍ୟବସାୟୀ ଡିଜିଟାଲ କ୍ରାନ୍ତିର ବ୍ରାଣ୍ଡ ଆମ୍ବସଡର ପାଲଟିଛନ୍ତି । ଭାରତରେ ଏବେ ସର୍ବନିମ୍ନ ମୂଲ୍ୟରେ ଇଣ୍ଟରନେଟ ଡାଟା ମିଳୁଛି । ଭାରତରେ 75 ହାଜର ଷ୍ଟାର୍ଟ ଅପ୍ ଏବେ କାର୍ଯ୍ୟକ୍ଷମ ହୋଇପାରିଛି । ଯୁବକ ମାନେ ଏବେ ନିଜେ ସ୍ବାବଲମ୍ବୀ ହେବା ସହ ଅନ୍ୟ ମାନଙ୍କୁ ରୋଜଗାର ଯୋଗାଇ ପାରୁଛନ୍ତି । ନମୋ ଡ୍ରୋନ ଦିଦି ଯୋଜନାରେ ମହିଳା ମାନେ କୃଷି କ୍ଷେତ୍ରରେ ଡ୍ରୋନ ବ୍ୟବହାର କରିପାରୁଛନ୍ତି । ସି - ଭିଜିଲ ଆପ ମାଧ୍ୟମରେ ନିର୍ବାଚନ ପରିଚାଳନା ନେଇ ନିଜର ମତ ରଖିପାରିବେ ସାଧାରଣ ଭୋଟର । ଉପାନ୍ତ ତଥା ଆଦିବାସୀ ଗାଁରେ ମୋବାଇଲ ଟାୱାର ବସାଇଛନ୍ତି ମୋଦି ସରକାର । ଏ ଦିଗରେ ଆହୁରି ବିକାଶ ହୋଇପାରିଥାନ୍ତା । କିନ୍ତୁ ରାଜ୍ୟ ସରକାରଙ୍କ ରାଜନୈତିକ ପ୍ରତିବଦ୍ଧତା ଅଭାବରୁ ମନ୍ଥର ଗତିରେ ଚାଲିଛି ।ବୋଲି ବିଜେପିର ପ୍ରେସ ମିଟ୍ ରେ ଏପରି କହିଛନ୍ତି ବିଧାୟକ ସୂର୍ଯ୍ୟବଂଶୀ ସୂରଜ ।  

10 ବର୍ଷର ମୋଦି ଶାସନରେ ଶିଖରରେ ପହଞ୍ଚିଛି ବିକାଶ । ଧିରେ ଧିରେ ବିକାଶର ସିଢ଼ି ଚଢ଼ି ଚାଲିଛି ଭାରତ ।  ଆଦିବାସୀଙ୍କ ଅସ୍ମିତା, ଅସ୍ତିତ୍ବ ଓ ବିକାଶ ପାଇଁ ନିରନ୍ତର ଉଦ୍ୟମ କରୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର‌ ମୋଦି । ଡିଜିଟାଲକ୍ରାନ୍ତିରୁ ନାରୀ ସଶକ୍ତିକରଣ ପର୍ଯ୍ୟନ୍ତ ସବୁ ବର୍ଗଙ୍କୁ ମିଳୁଛି ପ୍ରାଥମିକତା । ଯେଉଁଥିପାଇଁ ଦେଶ ଉନ୍ନତି ପଥରେ ଗତି କରୁଛି ବୋଲି କହିଛନ୍ତି ସୂର୍ଯ୍ୟବଂଶୀ ।

ନିର୍ବାଚନ ପ୍ରସ୍ତୁତି ଚଳାଇଛି ବିଜେପି । ରୁଟିନ ବୈଠକ ମଧ୍ୟ ହେଉଛି । ନିର୍ବାଚନ କମିଟି ଠାରୁ ଆରମ୍ଭ କରି କୋର କମିଟି ବୈଠକ ମାଧ୍ୟମରେ ଦଳ ବିସ୍ତୃତ ଭାବେ ଆଲୋଚନା କରୁଛି । ବିଭିନ୍ନ ସ୍ତରରେ ସମୀକ୍ଷା କରାଯାଉଛି । ଆଗାମୀ ନିର୍ବାଚନ ପାଇଁ ବିଜେପି ସଂପୂର୍ଣ୍ଣ ପ୍ରସ୍ତୁତ ଅଛି । ମେଣ୍ଟ ପ୍ରସଙ୍ଗରେ ଉତ୍ତର ଦେଇ ପାରିବିନି କହିଲେ ସୂର୍ଯ୍ୟବଂଶୀ ସୁରଜ । ଶୀର୍ଷ ନେତୃତ୍ବ ମାନେ ଏହାର ଉତ୍ତର ପୂର୍ବରୁ ଦେଇ ସାରିଛନ୍ତି । ତେଣୁ ଏହା ଉପରେ କହିବା ଠିକ୍ ହେବ ନାହିଁ । 

ବିଜେପି ଲଢିବ, ବିଜେପି ସରକାର କରିବ । କେନ୍ଦ୍ର ଗୃହ ମନ୍ତ୍ରୀ କହିଛନ୍ତି, ବିଜେପି ରାଜନୈତିକ ବିଶାରଦମାନଙ୍କ ଆକଳନ ଠାରୁ ଯଥେଷ୍ଟ ଭଲ ପ୍ରଦର୍ଶନ କରିବ କହିଲେ ସୂରଜ । 

ଆହୁରି ପଢନ୍ତୁ ଓଡିଶା ଖବର...