ଅର୍ଗସ ବ୍ୟୁରୋ: 5 ବର୍ଷରେ 50 ବର୍ଷର ବିକାଶ ହେବ । ରାଜ୍ୟ ଅତିଥି ଭବନରେ ସାଧାରଣ ଜନତାଙ୍କୁ ଭେଟିବା ପରେ ପ୍ରତିକ୍ରିୟା ରଖିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । କହିଛନ୍ତି, ଆଗାମୀ 5 ବର୍ଷରେ 50 ବର୍ଷର ବିକାଶ ହେବ । ଓଡ଼ିଶାରେ ଲୋକେ 24 ବର୍ଷ ପରେ ସରକାର ପରିବର୍ତ୍ତନ କରିଛନ୍ତି । ଦୀର୍ଘ 24 ବର୍ଷ ଶାସନ ପରେ ବି ଲୋକଙ୍କ ମୌଳିକ ସମସ୍ୟା ଦୂର ହେଲାନି । `ମୁଁ ସାଧାରଣ ପରିବାରରୁ ଆସିଛି, ଲୋକଙ୍କ ସମସ୍ୟା ଦେଖିଛି' । `ଏବେ ଲୋକେ କିପରି ନ୍ୟାୟ ପାଇବେ, ମୋ ସରକାର ଧ୍ୟାନ ଦେବ' । ଯାହାଙ୍କ ପ୍ରତି ଅନ୍ୟାୟ ହୋଇଛି, ନୂଆ ସରକାର ସେମାନଙ୍କୁ ନ୍ୟାୟ ଦେବ ।

ଲୋକଙ୍କୁ ସେବା ଓ ନ୍ୟାୟ ଦେବାକୁ ବିଜେପି ସରକାର ବଦ୍ଧପରିକର । ସାଢ଼େ 4 କୋଟି ଲୋକଙ୍କ ଆଶୀର୍ବାଦରୁ ଓଡ଼ିଶାର ବିକାଶ ଦ୍ରୁତ ହେବ । ଓଡ଼ିଶାର ବିକାଶକୁ ଶିଖରରେ ପହଞ୍ଚାଇବାକୁ ଯେଉଁ ଦାୟିତ୍ଵ ମିଳିଛି, ତୁଲାଇବି । 24 ବର୍ଷର ସରକାରରେ ଯାହା ହୋଇନଥିଲା ଆମେ ତାହା କରି ଦେଖାଇବୁ । ବିଜେପି ସରକାର ଲୋକଙ୍କ ସରକାର, ସାଧାରଣ ଜନତାଙ୍କ ସରକାର । ଏ ସରକାର ଲୋକଙ୍କ ପାଖକୁ ଯିବ, ମୋଦି ଗ୍ୟାରେଣ୍ଟି ଲୋକଙ୍କ ପାଖରେ ପହଞ୍ଚିବ ବୋଲି କହିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । ପୂର୍ବରୁ ପ୍ରଧାନମନ୍ତ୍ରୀ ମୋଦି କହିଥିଲେ, ଓଡ଼ିଶାରେ ବିକାଶ ଇଞ୍ଜିନ୍ ଦୌଡିବ । ଭାରତରେ 1 ନଂ ରାଜ୍ୟ ହେବ ଓଡ଼ିଶା ।

ଅଧିକ ପଢ଼ନ୍ତୁ ଓଡ଼ିଶା ଖବର:

Argus News | argus news | -Argusnews Home: Odisha Latest News, Breaking News, Trending News, Live TV and more