Argus News - ଚଷା ସମାବେଶରେ ଧର୍ମେନ୍ଦ୍ରଙ୍କ ଦୃଢୋକ୍ତି, ଶେଷ ରକ୍ତ ବିନ୍ଦୁଥିବା ଯାଏ ଅଧିକାର ପାଇଁ ଲଢ଼େଇ କରିବି

ଆଠମଲ୍ଲିକ ବାମୁରରେ ଅନୁଷ୍ଠିତ ରାଜ୍ୟସ୍ତରୀୟ ଚଷା ସମାବେଶରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଦୃଢୋକ୍ତି । ଶେଷ ରକ୍ତ ବିନ୍ଦୁଥିବା ଯାଏ ଅଧିକାର ପାଇଁ ଲଢେଇ କରିବି । ଚଷାଙ୍କ ହକ୍ ପାଇଁ ହଳିଆ ହେବି । ଆକାଂକ୍ଷାକୁ ବଡ଼ କରିବାକୁ ପଡିବ । ଚଷା ସମାଜ ନେତୃତ୍ୱ ନେବ ।

ଚାଷ କାମ ଯାହାର, କେଡେ ସୁଖ ତାହାର, ଚାଷୀ ଭାଇ ଯୋଗାଉଛି ଦୁନିଆକୁ ଆହାର । ଚଷା ପୁଅ ବଢିଲେ ସମାଜ ବଢିବ । ଚଷା ପୁଅ ହସିଲେ ଦୁନିଆ ହସିବେ । ଆଉ ଚଷା ପୁଅ ଶିକ୍ଷିତ ହେଲେ ଦୁନିଆ ଆଗେଇବ । ଏମିତି ବାର୍ତ୍ତା ଦେଇ କୃଷିକୁ ରୋଜଗାର ଆଧାର ବନାଇବା ପାଇଁ ଆଠମଲ୍ଲିକ ବାମୁରରେ ଅନୁଷ୍ଠିତ ରାଜ୍ୟ ସ୍ତରୀୟ ଚଷା ସମାବେଶରେ ଆହ୍ୱାନ ଦେଇଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଆଉ କହିଛନ୍ତି ରାଜ୍ୟର ୧୩ଟି ସବଡିଭିଜନରେ ପଟ୍ଟାରେ ଲେଖାଥିବା ଚଷା ରହିଛନ୍ତି । ଆଉ ଏମାନେ ସମାଜରେ ନେତୃତ୍ୱ ନେବାର ଆବଶ୍ୟକତା ଅଛି । ଚଷା ସମାଜ ପକ୍ଷରୁ ଯେଉଁ ବାର୍ତ୍ତା ଦିଆଯାଇଛି ଏହାକୁ ନେଇ ମୁଁ ନିଜେ ହଳିଆ ଭାବେ ପ୍ରଧାନମନ୍ତ୍ରୀଙ୍କ ପାଖରେ ପହଁଞ୍ଚାଇବି । ଚଷାମାନଙ୍କର ରହିଥିବା ହକ୍ ଅଧିକାର ପାଇଁ ମୋର ଶେଷ ରକ୍ତବିନ୍ଦୁ ଥିବା ଯାଏ ଲଢେଇ କରିବି ବୋଲି କହିଛନ୍ତି । ଆଉ ଚଷା ସମାଜର ମା' ଭଉଣୀମାନଙ୍କୁ ଆଗକୁ ନେବା ସହ ସିକିଲ୍ ସେଲ୍ କଥା କହି ଉଦବେଗ ପ୍ରକାଶ କରିଛନ୍ତି ।

ଯେତେବେଳେ ଜଣେ ଚାଷୀ ହସେ, ସେତେବେଳେ ଦେଶ ହସେ।

ଚଷା ମହାସମାବେଶରୁ ଲାଇଭ୍, ବାମୁର https://t.co/FLIYjYY4qH

— Dharmendra Pradhan (@dpradhanbjp) December 28, 2025

ସେହିପରି ଏହି ସମାବେଶରେ ଯୋଗଦେଇ ଦଳମତ ନିର୍ବିଶେଷରେ ସମସ୍ତେ ଚାଷୀଙ୍କ ହକ୍ କଥା କହିବା ସହ ସମସ୍ୟା ଉପରେ ଆଲୋକପାତ କରିଥିଲେ । ସେପଟେ ଖୋଦ୍ କେନ୍ଦ୍ରମନ୍ତ୍ରୀ ଦେଇଥିବା ପ୍ରତିଶ୍ରୁତିକୁ ନେଇ ଖୁସି ପ୍ରକଟ କରିଛନ୍ତି ଯୋଗଦେଇଥିବା ଚଷା ସମାବେଶର ପ୍ରତିନିଧି ମାନେ ।

ଚାଷୀ ଆଗେଇଲେ ଦେଶ ଆଗେଇବ । ଆଉ ଚଷାଚାଷୀଙ୍କ ହକ୍ ଓ ଅଧିକାର ପାଇଁ ଗୁଣ୍ଡୁଚି ମୂଷା ଭାବେ ମୋର କାର୍ଯ୍ୟ କରିବି ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।