Dharmendra Pradhan / ସାତ ଦିନିଆ ଓଡ଼ିଶା ଗସ୍ତରେ ସାଂସଦ ଧର୍ମେନ୍ଦ୍ର ପ୍ରଧାନ

ଭୁବନେଶ୍ଵର: ପୂର୍ବତନ କେନ୍ଦ୍ରମନ୍ତ୍ରୀ ତଥା ସମ୍ବଲପୁର ସାଂସଦ ଧର୍ମେନ୍ଦ୍ର ପ୍ରଧାନ ସାତ ଦିନିଆ ଓଡ଼ିଶା ଗସ୍ତରେ ଆସୁଛନ୍ତି । ନଭେମ୍ବର ୧୦ (ଆଜିଠୁ) ୧୬ ତାରିଖ ପର୍ଯ୍ୟନ୍ତ ରହିବ ତାଙ୍କର ଗସ୍ତ କାର୍ଯ୍ୟକ୍ରମ । ଏହି ସମୟରେ ସମ୍ବଲପୁର, ତାଳଚେର, ଅନୁଗୁଳ, ଢେଙ୍କାନାଳ ଓ ଆଠଗଡ଼ରେ 'ଲୋକତନ୍ତ୍ର ବଞ୍ଚାଅ-ଅରାଜକତା ହଟାଅ' ପଦଯାତ୍ରାରେ ସାମିଲ ହେବେ ଧର୍ମେନ୍ଦ୍ର ପ୍ରଧାନ । ଏହା ସହ ବିଭିନ୍ନ ସାମାଜିକ ଓ ସାଙ୍ଗଠନିକ କାର୍ଯ୍ୟକ୍ରମରେ ମଧ୍ୟ ଯୋଗଦେବେ ।

ନଭେମ୍ବର ୧୦ ତାରିଖ (ଆଜି) ଝାରସୁଗୁଡ଼ାରେ ପହଞ୍ଚିବା ପରେ ସମ୍ବଲପୁର ଯିବେ ଧର୍ମେନ୍ଦ୍ର ପ୍ରଧାନ । ସକାଳ ୧୧ଟାରୁ ଦିନ ୧ଟା ପର୍ଯ୍ୟନ୍ତ ଲକ୍ଷ୍ମୀ ଟକିଜ୍‌ଠାରେ ଆୟୋଜିତ ପଦଯାତ୍ରାରେ ସାମିଲ୍ ହେବେ । ଏହାପରେ ତାଳଚେର ଗସ୍ତ କରି ସନ୍ଧ୍ୟାରେ ହିଙ୍ଗୁଳା ମନ୍ଦିର ଟ୍ରଷ୍ଟ ବୈଠକରେ ଯୋଗଦେବେ ।

୧୧ ତାରିଖରେ ତାଳଚେରର ପ୍ରଜାମଣ୍ଡଳ ଭବନର ନୂତନ କୋଠା ଉଦ୍‌ଘାଟନ କରିବେ । ଏହାପରେ ଅନୁଗୁଳ ଜିଲ୍ଲା ଗୁରୁଧି ଯାଇ ସୂର୍ଯ୍ୟବନର ଭିତ୍ତିପ୍ରସ୍ତର ସ୍ଥାପନ କାର୍ଯ୍ୟକ୍ରମରେ ଯୋଗଦେବେ । ଅପରାହ୍ଣରେ ଅନୁଗୋଳ ସହରରେ ହେବାକୁ ଥିବା ପଦଯାତ୍ରାରେ ସାମିଲ ହେବେ ।

ଏଥିସହ ପଢ଼ନ୍ତୁ: ଓଡ଼ିଶା ପ୍ରଶାସନିକ ସେବା ପରୀକ୍ଷାକୁ ନେଇ କ୍ୟାବିନେଟ୍‌ର ବଡ଼ ନିଷ୍ପତ୍ତି; ପ୍ରୟାସ ସଂଖ୍ୟା ସୀମା ଉଚ୍ଛେଦ 

୧୨ ତାରିଖରେ ଢେଙ୍କାନାଳ ଓ ଆଠଗଡ଼ରେ ପଦଯାତ୍ରା କରିବେ ଧର୍ମେନ୍ଦ୍ର ପ୍ରଧାନ । ଉଭୟ ସ୍ଥାନରେ 'ଲୋକତନ୍ତ୍ର ବଞ୍ଚାଅ-ଅରାଜକତା ହଟାଅ' କାର୍ଯ୍ୟକ୍ରମରେ ଯୋଗଦେବା ପରେ କଟକ ଦେଇ ଭୁବନେଶ୍ୱର ଫେରିବେ ।

ସେହିପରି ୧୩ ଓ ୧୪ ନଭେମ୍ବରରେ ଭୁବନେଶ୍ୱରରେ ବିଭିନ୍ନ ପୂର୍ବ ନିର୍ଦ୍ଧାରିତ କାର୍ଯ୍ୟକ୍ରମ ରହିଛି । ୧୪ ତାରିଖ ରାତିରେ ବିମାନ ଯୋଗେ ଝାରସୁଗୁଡ଼ା ଯାଇ ସମ୍ବଲପୁରରେ ପହଞ୍ଚିବେ । ୧୫ ଓ ୧୬ ତାରିଖରେ ସମ୍ବଲପୁରରେ ବିଭିନ୍ନ କାର୍ଯ୍ୟକ୍ରମରେ ଯୋଗଦେବା ପରେ ୧୬ ତାରିଖ ସନ୍ଧ୍ୟାରେ ଝାରସୁଗୁଡ଼ାରୁ ବିମାନ ଯୋଗେ ଦିଲ୍ଲୀ ଫେରିବେ ।

ସମ୍ବଲପୁରରେ ବିଶାଳ ରାଲି

ଲୋକତନ୍ତ୍ର ବଞ୍ଚାଅ ଅରାଜକତା ହଟାଅ ନାରା ଦେଇ ଆଜି ସମ୍ବଲପୁରରେ ବିଜେପି ବିଶାଳ ରାଲି କରିବ । ଏଥିରେ ସମ୍ବଲପୁର ସାଂସଦ ଧମେନ୍ଦ୍ର ପ୍ରଧାନ, ମନ୍ତ୍ରୀ ରବିନାରାୟଣ ନାୟକ, ବିଧାୟକ ଜୟନାରାୟଣ ମିଶ୍ର, ଜିଲ୍ଲାସଭାପତି ସମେତ ପୁବତ୍ତନ ବିଧାୟକ ପ୍ରମୁଖ ସାମିଲ ହେବେ । ଲକ୍ଷ୍ମୀ ଟକିଜ ଛକରୁ ଶୋଭାଯାତ୍ରା ବାହାରି ଗୋଲବଜାର, ଶକ୍ତି ଛକ, ମ୍ୟୁନସିପାଲଟି ଛକ, କଚେରୀ ଛକ ଓ ଜେଲ ଛକ ପର୍ଯ୍ୟନ୍ତ ଯିବ ।