ଅର୍ଗସ ବ୍ୟୁରୋ : ୨୦୧୦ ମସିହାରେ ଘରୋଇ ମେଡିକାଲ କଲେଜଙ୍କ ଚାପ ଆଗରେ ମୁଣ୍ଡ ନୁଆଁଇଥିଲେ କି ତତ୍କାଳୀନ କଂଗ୍ରେସ ନେତୃତ୍ବାଧୀନ ସରକାର ? ଦେଶର ଶିକ୍ଷାବ୍ୟବସ୍ଥାରେ ସୁଧାର ଦିଗରେ ବଡ଼ ପଦକ୍ଷେପକୁ କରାଯାଇଥିଲା କି ପ୍ରତ୍ୟାହାର ? ବୃହତ୍ତର ସ୍ବାର୍ଥକୁ ଅଣଦେଖା କରିବା ପଛରେ ଥିଲା କି ମୋଟା ଅଙ୍କର ଲାଞ୍ଚ କାରବାର ? ଆଜି ଏମିତି ପ୍ରଶ୍ନ ଉଠାଇ ଲୋକସଭାରେ କଂଗ୍ରେସ ଓ ରାହୁଲ ଗାନ୍ଧିଙ୍କୁ ଟାର୍ଗେଟ୍ କରିଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ। 

ଅଧିକ ପଢନ୍ତୁ : ବିଧାନସଭାର ପ୍ରଥମ ଅଧିବେଶନ , ଓଡିଶାର ବିକାଶ ପାଇଁ ରାଜ୍ୟ ସରକାରଙ୍କ ଲମ୍ବା ଖସଡା ପ୍ରସ୍ତୁତ

ଆଜି ଲୋକସଭା ପ୍ରଶ୍ନକାଳରେ ପ୍ରଶ୍ନପତ୍ର ଲିକ୍ ମାମଲା ଉଠାଇ କେନ୍ଦ୍ର ସରକାରଙ୍କୁ ସମାଲୋଚନା କରିଥିଲେ ବିରୋଧୀ ଦଳ ନେତା ରାହୁଲ ଗାନ୍ଧି । ଦେଶର ପୁରା ଶିକ୍ଷା ବ୍ୟବସ୍ଥା ଉପରେ ଉଠାଇଥିଲେ ପ୍ରଶ୍ନ । ଯାହାର ମୁହଁତୋଡ଼ ଜବାବ ଦେଇଥିଲେ କେନ୍ଦ୍ର ଶିକ୍ଷାମନ୍ତ୍ରୀ। ରାହୁଲଙ୍କ ମନ୍ତବ୍ୟକୁ ଦୁର୍ଭାଗ୍ୟଜନକ କହିବା ସହ ଦୃଢ଼ ନିନ୍ଦା କରିଥିଲେ ଧର୍ମେନ୍ଦ୍ର ପ୍ରଧାନ। 
ଦେଶର ଶିକ୍ଷା ବ୍ୟବସ୍ଥାରେ ସୁଧାର ପାଇଁ 2010 ମସିହାରେ 3ଟି ଆଇନ ଆଣିଥିଲେ କେନ୍ଦ୍ର ସରକାର । ଏଥିରୁ ଗୋଟିଏ ଥିଲା ପ୍ରୋହିବିସନ୍ ଅଫ୍ ଅନ୍ ଫେୟାର ପ୍ରାକ୍ଟିସ୍ ବିଲ୍ । ଯାହାର ଉଦ୍ଦେଶ୍ୟ ଥିଲା ଶିକ୍ଷାନୁଷ୍ଠାନରେ ପରୀକ୍ଷାରେ କପି ରୋକିବା । କିନ୍ତୁ ଚାପରେ ପଡ଼ି ଏହି ବିଲକୁ ପ୍ରତ୍ୟାହାର କରିନେଇଥିଲେ ୟୁପିଏ ସରକାର। ଆଉ ଏବେ ଏହି ଆଇନ ଲାଗୁ କରିଛନ୍ତି ମୋଦି ସରକାର।