Crime In Odisha / ଚାନ୍ଦା ଦେଇନଥିଲେ ବୋଲି ଅଫିସ୍‌ରେ ପଶି ସ୍ତ୍ରୀର ଇଜ୍ଜତ ନେଇଗଲା ସ୍ଵାମୀର ସାଙ୍ଗ

ଢେଙ୍କାନାଳ: ଦୁଷ୍କର୍ମ କଲା, ସେଲ୍ଫି ଉଠାଇଲା, ଭାଇରାଲ୍ କଲା । ପ୍ରଥମେ ଅଫିସ୍ ଭିତରେ ସାଙ୍ଗର ସ୍ତ୍ରୀକୁ ବଳପୂର୍ବକ ଦୁଷ୍କର୍ମ । ଥାନାରେ ଏତଲା ପରେ ହାତ ଯୋଡ଼ି କ୍ଷମା ମାଗିଲା ଅଭିଯୁକ୍ତ । ରଫାଦଫା ହୋଇଗଲା ଦୁଷ୍କର୍ମ ଅଭିଯୋଗ ମାମଲା । ଆଉ ଥାନାରୁ ବାହାରିବା ପରେ ଭାଇରାଲ୍ ହେଲା ଦୁଷ୍କର୍ମ ବେଳର ସିସିଟିଭି ଭିଡିଓ ।

ଢେଙ୍କାନାଳ ଟାଉନ୍ ଥାନା ଅଞ୍ଚଳରେ ଥିବା ଏକ ରିୟଲ୍ ଇଷ୍ଟେଟ ଅଫିସ୍ ଭିତରେ ମହିଳାଙ୍କୁ ଦୁଷ୍କର୍ମ ହୋଇଛି । ଏବେ ଉକ୍ତ ସିସିଟିଭି ଭିଡିଓ ଭାଇରାଲ୍ ହେବାରେ ଲାଗିଛି । ଯାହା ପରେ ଅଭିଯୁକ୍ତ ସୂର୍ଯ୍ୟକାନ୍ତ ପରିଡା ଓରଫ ବୁଲବୁଲକୁ ଗିରଫ କରିଛି ଢେଙ୍କାନାଳ ଟାଉନ୍ ଥାନା ପୋଲିସ ।

ସିସିଟିଭିରେ ସବୁ ରେକର୍ଡ

ପୀଡ଼ିତାଙ୍କ ଅଭିଯୋଗ ଅନୁସାରେ, ସେପ୍ଟେମ୍ବର ୨୨ ତାରିଖ ମଧ୍ୟାହ୍ନରେ ତାଙ୍କ ସ୍ଵାମୀ ତାଙ୍କୁ ଅଫିସ୍‌ରେ ଛାଡ଼ି ଯାଇଥିଲେ । ଅପରାହ୍ଣ ୩ଟା ସମୟରେ ହଠାତ୍ ସ୍ଵାମୀଙ୍କ ସଙ୍ଗ ବୁଲବୁଲ ଆସି ତାଙ୍କ ଅଫିସ୍‌ରେ ପହଞ୍ଚିଥିଲେ । ଗଣେଶ ପୂଜା ଚାନ୍ଦା ଅଫିସ୍ ଦେଇନଥିବା କହିଥିଲେ ବୁଲବୁଲ ।

ଏଥିସହ ପଢ଼ନ୍ତୁ: ବିବାହର ପ୍ରତିଶ୍ରୁତି ଦେଇ ଶୋଷଣ ଅଭିଯୋଗ, ବନ୍ଧା ହେଲା ରସିକିଆ ପ୍ରେମିକ 

ଯାହା ପରେ ପୀଡ଼ିତା କହିଥିଲେ, ସାରମାନେ ଆସିଲେ କହିଦେବି । ଯାହାପରେ ଅଭିଯୁକ୍ତ ବାହାରକୁ ଯିବା ସହ ହଠାତ୍ ୫ ମିନିଟ୍ ପରେ ଅଫିସ୍‌ ଭିତରକୁ ପଶିଥିଲା । ପୀଡ଼ିତା ସିଟ୍‌ରେ ବସିଥିବା ବେଳେ ଜୋର ଜବରଦସ୍ତି ତାଙ୍କୁ ଘୋଷାଡ଼ି ନେଇ ଦୁଷ୍କର୍ମ କରିଥିଲା । ଏପରିକି ସିସିଟିଭିରେ ସବୁ ରେକର୍ଡ ହେଉଥିବା ବେଳେ ଅଭିଯୁକ୍ତ ସେହି ସମୟର ଫଟୋ ଓ ଭିଡିଓକୁ ତା' ମୋବାଇଲ୍‌ରେ ଉତ୍ତୋଳନ କରିଥିଲା ।

ଫଟୋ ଭାଇରାଲ୍ ଧମକ

ଦୁଷ୍କର୍ମ ପରେ ଅଭିଯୁକ୍ତ ବୁଲବୁଲ କାହାରିକୁ ଏନେଇ ଜଣାଇଲେ ଅଶ୍ଳୀଳ ଫଟୋ ଭାଇରାଲ୍ କରିବାକୁ ଧମକ ଦେଇଥିଲା । ଯାହାପରେ ପୀଡ଼ିତା ଏନଇ ସ୍ଵାମୀଙ୍କୁ ଜଣାଇବା ସହ ସେହିଦିନ ଟାଉନ୍ ଥାନାରେ ଅଭିଯୋଗ କରିଥିଲେ । ଅଭିଯୁକ୍ତ ବୁଲବୁଲ ଓ ତାଙ୍କ ପରିବାର ପୀଡ଼ିତାଙ୍କୁ ଭୁଲ୍ ମାଗିବା ସହ ମୋବାଲ୍‌ରୁ ଫଟୋ ଡିଲିଟ୍ କରିବାର ପ୍ରତିଶ୍ରୁତିରେ ମାମଲାର ଅନ୍ତ ଘଟିଥିଲା ।

କିନ୍ତୁ ହଠାତ୍ ଅକ୍ଟୋବର ୩୦ରେ ବୁଲବୁଲ ଉଠାଇଥିବା ଅଶ୍ଳୀଳ ଫଟୋ ମୋବାଇଲ୍‌ରୁ ମୋବାଇଲକୁ ଭାଇରାଲ୍ ହୋଇଥିଲା । ଫଳରେ ପୀଡ଼ିତା ଘରୁ ପଦାକୁ ବାହାରି ପାରି ନଥିଲେ । ଫଳରେ ଅକ୍ଟୋବର ୩୧ ତାରିଖରେ ପୁଣି ଥରେ ଟାଉନ୍ ଥାନା ପୋଲିସରେ ଏତଲା ଦେବା ପରେ ପୋଲିସ ଅଭିଯୁକ୍ତ ସୂର୍ଯ୍ୟକାନ୍ତ ପରିଡ଼ା ଓରଫ ବୁଲବୁଲକୁ ଗିରଫ କରିଛି ।