ଯାଜପୁର: ମାର୍କେଟକୁ ଆସିଲା ଡାଇବେଟିସ ଚାଉଳ । ଖାଇଲେ ଛୁଇଁବନି ସୁଗାର । ବିଜ୍ଞାନ ଚାଷୀଙ୍କ କମାଲ୍ । ଡାଇବେଟିସ ରୋଗୀ ଖାଇପାରିବେ ଭାତ । ଚାଉଳରେ ରହିଛି 50% ରୁ କମ୍ ସର୍କରା । କାନକୁ ଶୁଣିବାକୁ ହୁଏତ ଆଶ୍ଚର୍ଯ୍ୟ ଲଗୁଥିବ । ଯେଉଁଠି ଡାକ୍ତର ଜଣେ ଡାଇବେଟିସ ରୋଗୀକୁ ଭାତ ଖାଇବାକୁ ମନା କରିଥାନ୍ତି ସେଠି ଏଭଳୀ ଧାନ ଚାଷ ମଧୁମେହ ରୋଗୀଙ୍କ ମୁହଁରେ ହସ ଫୁଟାଇଛି। ଏହି ଧାନ ଚାଷ କରି ଏବେ ଚର୍ଚ୍ଚାରେ ବିଜ୍ଞାନ ଚାଷୀ ଉମେଶ ନାୟକ । ଯାଜପୁର ବିଂଝାରପୁର ବ୍ଲକ ଅନ୍ତର୍ଗତ ଅଞ୍ଜନପୁର ଗ୍ରାମର ଉମେଶ ନାୟକ ନିଜର ୧ ଏକର ଚାଷ ଜମିରେ ଚାଷ କରୁଛନ୍ତି RNR15048 ତେଲେଙ୍ଗାନା ସୋନା ଧାନ ।

ଏହି ତେଲେଙ୍ଗାନା ସୋନା କିସମର ଧାନ ତେଲେଙ୍ଗାନା ପ୍ରଫେସର ଶଙ୍କର ଏଗ୍ରିକଲଚର ରିସର୍ଚ୍ଚ ୟୁନିଭରସିଟି ଦ୍ୱାରା ପ୍ରଥମେ ଆବିଷ୍କୃତ କରାଯାଇଥିଲା । ଯେଉଁଥିରେ ଶତକଡା ୫୦ ଭାଗରୁ କମ କର୍ବୋହାଇଡ୍ରେଡ ରହୁଛି । ମଧୁମେହ ରୋଗୀଙ୍କ ପାଇଁ ସର୍କରା ବା କାର୍ବୋହାଇଡ୍ରେଟ କ୍ଷତିକାରକ ହୋଇଥାଏ । ସେଥିପାଇଁ ଡାକ୍ତର ଭାତ ଖାଇବା ଉପରେ କଟକଣା ଲଗାଇଥାନ୍ତି । ଆଉ ଏଭଳି ଚାଉଳର ଭାତ ମଧୁମେହ ବା ଡାଇବେଟିସ ରୋଗୀ ଖାଇପାରିବେ ବୋଲି କହିଛନ୍ତି ଡାଇବେଟିସ ବିଶେଷଜ୍ଞ ।

ସାଧାରଣତଃ ଦୈନଦିନ ଚାଉଳରେ ୭୧% ରୁ ଅଧିକ କାର୍ବୋହାଇଡ୍ରେଟ୍ ହାଇଥିବାବେଳେ ଏହି ତେଲେଙ୍ଗାନା ସୋନା କିସମ ଧାନରେ ୫୦ % ରୁ କମ୍ କାର୍ବୋହାଇଡ୍ରେଟ ରହିଥାଏ । ଯାହା ମଧୁମେହ ରୋଗୀଙ୍କ ଶରୀର ଉପରେ କୌଣସି ପ୍ରଭାବ ପକାଇନଥାଏ ।

ଆହୁରି ପଢନ୍ତୁ ଓଡିଶା ଖବର...

Argus News | argus news | Odisha Latest News, Breaking News, Trending News, Live TV