ହୀରାକୁଦରେ ବ୍ୟାପୁଛି ଡାଇରିଆ, ସିଡିଏମଙ୍କୁ ଫୋନ୍ କଲେ ଧର୍ମେନ୍ଦ୍ର
Key Points
- ହୀରାକୁଦରେ ବ୍ୟାପୁଛି ଡାଇରିଆ, ଚିନ୍ତାରେ ଧର୍ମେନ୍ଦ୍ର
- ସକାଳୁ ସକାଳୁ ସିଡିଏମଙ୍କୁ କଲେ ଫୋନ୍
- ଲୋକଙ୍କୁ ସବୁପ୍ରକାର ସୁବିଧା ଯୋଗାଇବାକୁ ଦେଲେ ପରାମର୍ଶ
ହୀରାକୁଦରେ ବ୍ୟାପିଲାଣି ହଇଜା । ଦିନ ଯେତିକି ଯେତିକି ଗଡୁଛି, ହଇଜା ବି ସେତିକି ସେତିକି ବଢୁଛି । ଆଉ ଏହାରି ଭିତରେ କିନ୍ତୁ ଲୋକଙ୍କ ପାଇଁ ଗମ୍ଭୀର ହୋଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସେଇଥି ଲାଗି ତ ସକାଳୁ ସକାଳୁ ଫୋନ୍ କଲେ ସିଡିଏମଓଙ୍କୁ । ଖାଲି ଫୋନ୍ କଲେ ତାହା ନୁହେଁ ବରଂ କେମିତି ସ୍ଵାସ୍ଥ୍ୟସେବା ଯୋଗାଇ ଦିଆଯିବ ସେନେଇ ପରାମର୍ଶ ବି ଦେଲେ । ଆଉ ଏହି କଥା ଜଣାପଡିବା ପରେ ପୂରା ଏରିୟାରେ ଧର୍ମେନ୍ଦ୍ରଙ୍କୁ କରାଯାଉଛି ପ୍ରଶଂସା ।
ସମ୍ବଲପୁରର ହୀରାକୁଦରେ ବ୍ୟାପୁଥିବା ହଇଜା, ଝାଡାବାନ୍ତି, ଅନେକ ଜଣଙ୍କ ଜୀବନ ନେଲାଣି । ଦିନକୁ ଦିନ ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଛି । ଯାହାକୁ ନେଇ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏହି ସମ୍ବେଦନଶୀଳ ବିଷୟକୁ ଗୁରୁତ୍ବ ଦେବା ସହ ସଠିକ ଚିକିତ୍ସା କିପରି ଯୋଗାଯାଇ ପାରିବ ସେ ନିମନ୍ତେ ସମ୍ବଲପୁର ସିଡିଏମଓ ଡାକ୍ତର ସୁଜାତା ରାଣୀ ମିଶ୍ରଙ୍କ ସହ ଫୋନ ଯୋଗେ କଥା ହୋଇଥିଲେ ।
ଯାହାକୁ ନେଇ ସୁଜାତା ରାଣୀ କହିଥିଲେ , ଚିକିତ୍ସାଧୀନ ଲୋକମାନଙ୍କୁ ଆବଶ୍ୟକ ସାହାଯ୍ୟ ଓ ସହଯୋଗ ଯୋଗାଇ ଦେବା ପାଇଁ ପ୍ରଶାସନ ପକ୍ଷରୁ ତ୍ୱରିତ ପଦକ୍ଷେପ ନିଆଯିବ । ସେମାନେ କିପରି ସଠିକ ସ୍ବାସ୍ଥ୍ୟସେବା ପାଇ ପାରିବେ ଏବଂ ଖୁବଶୀଘ୍ର ସୁସ୍ଥ ହେବେ ସେନେଇ ପୁରା ଚେଷ୍ଟା କରୁଛି ସ୍ବାସ୍ଥ୍ୟ ବିଭାଗ । ରାଜ୍ୟ ସ୍ବାସ୍ଥ୍ୟ ବିଭାଗର ନିର୍ଦ୍ଦେଶ ଅନୁଯାୟୀ ଭୁବନେଶ୍ବରର ଡାକ୍ତରୀ ଟିମ ହୀରାକୁଦରେ ପହଞ୍ଚିବା ନେଇ ସୂଚନା ରହିଛି ।ତେବେ କେନ୍ଦ୍ରମନ୍ତ୍ରୀ ଏକ୍ସ ହ୍ୟାଣ୍ଡଲରେ ଆକ୍ରାନ୍ତଙ୍କ ଆଶୁ ଆରୋଗ୍ୟ କାମନା କରିବା ସହ ଅମରଆତ୍ମାର ସଦଗତି ପ୍ରାର୍ଥନା କରିଛନ୍ତି । ସମସ୍ତଙ୍କ ଆରୋଗ୍ୟ ପାଇଁ ମା ସମଲେଇଙ୍କ ନିକଟରେ ପ୍ରାର୍ଥନା କରିଛନ୍ତି ।
ପୂର୍ବରୁ ଅନେକ ଥର ଧର୍ମେନ୍ଦ୍ର ଓଡିଆ ଲୋକଙ୍କ ସ୍ବାସ୍ଥ୍ୟ ଏବଂ ସୁବିଧା ଉପରେ ଚିନ୍ତା କରିଛନ୍ତି ।ରାଜନୈତିକ ଜୀବନରୁ ସମୟ କାଢି ବ୍ୟକ୍ତିଗତ ଭାବେ ବିନା ସ୍ବାର୍ଥରେ ଲୋକଙ୍କ ସାହାଯ୍ୟ ପାଇଁ ଆଗେଇ ଆଶନ୍ତି ଧର୍ମେନ୍ଦ୍ର । ଗତି କିଛିଦିନ ତଳେ ସୁରତରେ କାମ କରୁଥିବା ଜଣେ ଶ୍ରମିକ ଉପର ମହଲାରୁ ତଳେ ପଡି ଯାଇଥିବା ବେଳେ ତାଙ୍କର ବ୍ରେନ ହାମରେଜ ହୋଇ ଯାଇଥିଲା । ଚିକିତ୍ସା ହୋଇ ସାମାନ୍ୟ ସୁସ୍ଥ ହେବା ପରେ ଗାଁ କୁ ଫେରିବାକୁ ଅର୍ଥର ସୁବିଧା ନଥିଲା । ହେଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ଏହି ଘଟଣାକୁ ଗୁରୁତ୍ବ ଦେଇ ତାଙ୍କୁ ଓଡିଶା ଫେରାଇ ଆଣିବାରେ ପୁରା ସହାୟତା କରିଥିଲେ ।
📱 Get Argus News App
✨କେବଳ ସେତିକି ନୁହେଁ ଗତ କିଛିଦିନ ତଳେ ମାଲେସିଆରୁ ଜଣେ ଓଡିଆଙ୍କ ମୃତଦେହ ଓଡିଶା ଫେରାଇ ଆଣିବାରେ ସାହାଯ୍ୟ କରିଥିଲେ ଧର୍ମେନ୍ଦ୍ର ।
କୋଭିଡ ସମୟରେ ଧର୍ମେନ୍ଦ୍ରଙ୍କର ଅବଦାନକୁ ଆଜି ବି ଭୁଲିନାହାନ୍ତି ପ୍ରିତିଶ ବାସା । ଧର୍ମେନ୍ଦ୍ରଙ୍କ ମହତ ସାହାଯ୍ୟ ପାଇଁ ନିଜ ପୁଅର ମୁହଁକୁ ଶେଷ ମୁହୁର୍ତ୍ତରେ ଦେଖିପାରିଥିଲେ । କୋଭିଡ ସମୟରେ ତାଙ୍କ ପୁଅ ମିତ୍ ହିମାଚଳ ପ୍ରଦେଶରେ ପ୍ରାଣ ହରାଇଥିଲେ । ହେଲେ ନିଜ ପୁଅକୁ ଫେରାଇ ଆଣି ଥରେ ଶେଷ ଦର୍ଶନ କରିବାକୁ ପ୍ରିତିଶ ବ୍ୟାକୁଳ ହେଉଥିବା ବେଳେ ଧର୍ମେନ୍ଦ୍ର ଏବଂ ପତ୍ନୀ ମୃଦଳା ତାଙ୍କୁ ସହାୟତାର ହାତ ବଢାଇ ତାଙ୍କ ପୁଅର ମରଶରୀର ଫେରାଇ ଆଣିବାରେ ସାହାଯ୍ୟ କରିଥିଲେ ।
ରାଜନୈତିକ ଜୀବନରେ ବି ଲୋକଙ୍କ ସବୁ ସମସ୍ୟାର ସମାଧାନ ପାଇଁ ଚିନ୍ତା କରିବା ଏବଂ କରି ଦେଖାଇବା ତାଙ୍କୁ ଓଡିଆଙ୍କ ହୃଦୟରେ ଏକ ସ୍ବତନ୍ତ୍ର ସ୍ଥାନ ଦେଇଛି ।