କେନ୍ଦ୍ରାପଡ଼ା, ୬/୬ : କେନ୍ଦ୍ରାପଡ଼ା ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ଜଣେ ଯୁବକ ଆତ୍ମହତ୍ୟା ଘଟଣା । ମୃତ ଯୁବକ କେନ୍ଦ୍ରାପଡ଼ା ସହର ବାସୁଳାଇ ଗ୍ରାମର ଭରତ ଦାସଙ୍କ ପୁଅ ଶ୍ରୀଚନ୍ଦନ ଓରଫ କାଳିଆ । ଜିଲ୍ଲାପାଳଙ୍କ କାର୍ଯ୍ୟାଳୟର ପ୍ରଥମ ମହଲାକୁ ଯିବାକୁ ଉଦ୍ଦିଷ୍ଟ ଶିଡ଼ି ରେଲିଂରେ ସେ ବେକରେ ଗାମୁଛା ଲଗାଇ ଆତ୍ମହତ୍ୟା କରିଛନ୍ତି । ଟାଉନ୍ ପୁଲିସ କାଳିଆଙ୍କ ମୃତଦେହ ବ୍ୟବଚ୍ଛେଦ ପାଇଁ କେନ୍ଦ୍ରାପଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଛି । ଟାଉନଥାନାରେ ଅଭିଯୋଗ ସହ ଘଟଣାର କ୍ରାଇମବ୍ରାଞ୍ଚ ତଦନ୍ତ ପାଇଁ ଦାବିକଲେ ମୃତକଙ୍କ ବାପା ଭରତ। 

ପ୍ରତ୍ୟକ୍ଷଦର୍ଶୀ ଓ ସ୍ଥାନୀୟ ଲୋକଙ୍କ କହିବା କଥା, କାଳିଆଙ୍କ ଘର ନିକିରାଇ ଥାନା ଅଧୀନ ଡେରାବିଶ ବ୍ଲକ୍‌ର ବେଣୀପୁର ପଞ୍ଚାୟତ ରାଏତୁଣ୍ଡି ଗାଁରେ । ସେ ତାଙ୍କ ବାପାଙ୍କ ସହ ବାସୁଳାଇ ଗ୍ରାମରେ ଭଡ଼ାରେ ରହୁଥିଲେ । ସେ ଏକ ଜମିଜମା ମାମଲାରେ ବରିଷ୍ଠ ପ୍ରଶାସନିକ ଅଧିକାରୀଙ୍କ କାର୍ଯ୍ୟାଳୟକୁ ବାରମ୍ବାର ଦୌଡ଼ୁଥିଲେ । ଆଜି ମଧ୍ୟ ସେ ଅଧିକାରୀଙ୍କ କାର୍ଯ୍ୟାଳୟକୁ ଆସିଥିଲେ ଓ ନ୍ୟାୟ ନ ପାଇ ନିରାଶ ହୋଇଥିଲେ । ଅପରାହ୍ନ ୩ଟା ପରେ ଅଫିସର  କିଛି କର୍ମଚାରୀ ତାଙ୍କୁ ଷ୍ଟିଲ୍ ବାଡ଼ାରେ ଝୁଲୁଥିବା ଦେଖି ପୁଲିସକୁ ଖବର ଦେଇଥିଲେ । ପରେ ଜିଲ୍ଲାପାଳ ରଘୂରାମ ଆର ଆୟାର  ମଧ୍ୟ ଘଟଣାସ୍ଥଳରେ ପହଞ୍ଚିଥିଲେ। ପୁଲିସ ଏକ ଅପମୃତ୍ୟୁ ମାମଲା ରୁଜୁ କରିଛି । ଜିଲ୍ଲାପାଳ ରଘୁରାମ ଆର୍ ଆୟର କହିଛନ୍ତି ପ୍ରଶାସନିକ ଅଧିକାରୀଙ୍କ ଦୋଷ ଥିଲେ ତାଙ୍କୁ ମଧ୍ୟ ତଦନ୍ତ ପରିସରଭୁକ୍ତ କରାଯିବ। ଏହି ଘଟଣାରେ ତାଙ୍କ ବାପା ଭରତ ଦାସ ରାତିରେ ଥାନାରେ ଏତଲା ଦେଇଛନ୍ତି । ପୁଅ ମୃତ୍ୟୁ ପଛରେ କାହାର ହାତ ରହିଛି, ତା’ର କାରଣ ଉନ୍ମୋଚନ କରାଯାଉ ବୋଲି ସେ ଦାବି କରିଛନ୍ତି। 
ପଢନ୍ତୁ ଏହି ଖବର: କବିସୂର୍ଯ୍ୟନଗର ଥାନାରେ ଥାର୍ଡ ଡିଗ୍ରୀ ପରେ ଦିବ୍ୟାଙ୍ଗ ବ୍ୟକ୍ତିଙ୍କ ମୃତ୍ୟୁ ଅଭିଯୋଗ, ଏସପିଙ୍କ ତନାଘନା

ବିଜେପି ନେତ୍ରୀ ଗୀତାଞ୍ଜଳି ସେଠୀ କହିଛନ୍ତି ଯେ ଯେ ମୃତ ଯୁବକଜଣକ ଏକ ଜମି ବିକ୍ରି କରିବାକୁ ଚାହୁଁଥିଲେ | ଦଳିତ ହୋଇଥିବାରୁ ପ୍ରଶାସନର ଅନୁମତି ଆବଶ୍ୟକ ଥିଲା | ସେ ଏ ବିଷୟରେ ପ୍ରଥମେ ଉପଜିଲ୍ଲାପାଳଙ୍କ ପାଖକୁ ଯାଇଥିଲେ | ସେଠାରୁ ଜିଲ୍ଲାପାଳଙ୍କ ପାଖକୁ ଯିବାକୁ କୁହାଯାଇଥିଲା। ଏଠାକୁ ଆସିବା ପରେ ଆତ୍ମହତ୍ୟା କରିଛନ୍ତି। ପ୍ରଶାସନ ନ ନ୍ୟାୟ ଦେଇ ନ ପାରିବାରୁ ଯୁବକ ଜଣକ ଆତ୍ମହତ୍ୟା କରିବାକୁ ବାଧ୍ୟ ହୋଇଥିବା ଶ୍ରୀମତୀ ସେଠୀ ଅଭିଯୋଗ କରିଛନ୍ତି।