ବିଜେପିର ପ୍ରଚାରକୁ ଭଣ୍ଡୁର କରିବାକୁ ଦୀପାଲିଙ୍କ ସମର୍ଥକଙ୍କ ଉଦ୍ୟମ
Key Points
- ଝାରସୁଗୁଡାରେ ମାତିଛି ଦୀପାଲିର ବାଘବାହିନୀ
- ବିଜେପିର ପ୍ରଚାରକୁ ଭଣ୍ଡୁର କରିବାକୁ ଦୀପାଲିଙ୍କ ସମର୍ଥକଙ୍କ ଉଦ୍ୟମ
- ସବୁଠି ଦୀପାଲି ଜାରି କରିଛନ୍ତି ଫତୱା
- ଥାନାରେ ଅଭିଯୋଗ ପରେ ପୋଲିସ ନୀରବଦ୍ରଷ୍ଟା
- ପୋଲିସର କାର୍ଯ୍ୟକୁ ନେଇ ଉଠିଲା ପ୍ରଶ୍ନ
- ନ୍ୟାୟ ମାଗିଲେ ବିଜେପି ମହିଳା ମୋର୍ଚ୍ଚାର ସଦସ୍ୟ
ଝାରସୁଗୁଡା: ପୁଣି ଝାରସୁଗୁଡାରେ ଆତଙ୍କ ଖେଳାଇଛନ୍ତି ଦୀପାଲିଙ୍କ ବାଘ ବାହିନୀ । ନିଜକୁ ବାଘର ଝିଅ ବୋଲି କହି କହି ବୁଲୁଥିବା ଦୀପାଲିଙ୍କ ସମର୍ଥକ ମାନେ ବିରୋଧୀର ପ୍ରଚାରକୁ ଭଣ୍ଡୁର କରୁଛନ୍ତି । ମହିଳା ମାନେ ପ୍ରଚାର କରୁଥିବା ବେଳେ ପୁରୁଷ ମାନେ ଶୋଭାଯାତ୍ରାକୁ ଭଣ୍ଡୁର କରିବା ସହ ଅଶ୍ଳୀଳ ଗାଳି ଗୁଲଜ କରୁଥିବାର ପୁଣି ଆସିଛି ଅଭିଯୋଗ । ବୁଡାପଡା ପରେ ପୁଣିଥରେ ବୁରମାହାଲରେ ଦୀପାଲିଙ୍କ ଗୁଣ୍ଡାବାହିନୀ ବିଜେପିର ପ୍ରଚାରକୁ ଭଣ୍ଡୁର କରିବା ସହ ଅସଭ୍ୟ ଭାଷାରେ ଗାଳି ଗୁଲଜ କରିଥିବାର ଅଭିଯୋଗ ଆଣିଛନ୍ତି ମହିଳାମୋର୍ଚ୍ଚାର ସଦସ୍ୟ ମାନେ । ଆଉ ସେମାନେ ପ୍ରଶ୍ନ କରିଛନ୍ତି ।
ବିଜେଡିର ମହିଳା ସମ୍ମାନର କଥା କେବଳ ଘୋଷଣାରେ ମାକୁ ସମ୍ମାନ ଦେବା କ'ଣ ଏମିତି । ହାରିବା ଭୟରେ ଦୀପାଲିଙ୍କ ନିର୍ଦ୍ଦେଶରେ ତାଙ୍କର ଗୁଣ୍ଡାବାହିନୀ କରୁଛନ୍ତି ଆତଙ୍କ ।
ସେପଟେ ଘଟଣାକୁ ନେଇ ଉତ୍ତେଜନା ଦେଖାଦେଇଥିବା ବେଳେ ଥାନାରେ ପହଁଞ୍ଚିଛି ମାମଲା । ପୋଲିସର ନୀରବତାକୁ ନେଇ ପ୍ରଶ୍ନ ଉଠାଇଛି ଦଳ । କାହିଁକି ପୋଲିସ କାର୍ଯ୍ୟାନୁଷ୍ଠାନ ନେଉନାହିଁ ବୋଲି ସାମ୍ବାଦିକ ସମ୍ମିଳନୀରେ ପ୍ରଶ୍ନ କରିଛି ମହିଳାମୋର୍ଚ୍ଚା ।
📱 Get Argus News App
✨ଝାରସୁଗୁଡାରୁ ବିଜେଡିର ପ୍ରାର୍ଥୀ ହୋଇଥିବା ବିଧାୟିକା ଦୀପାଲି ଦାସ ନିଜକୁ ବାଘର ଝିଅ ବୋଲି କହିବା ସହ ତାଙ୍କ ବାପା ଶହୀଦ ହୋଇଥିବା କଥା କହି ଭୋଟ ମାଗୁଥିବା ବେଳେ ଏହାକୁ କଟାକ୍ଷ କରିଛନ୍ତି ବିଜେପି ପ୍ରାର୍ଥୀ ଟଙ୍କଧର ତ୍ରିପାଠୀ ।
ଅଶାନ୍ତ ହେଉଛି ଝାରସୁଗୁଡା । ଆତଙ୍କ ଖେଳାଉଛନ୍ତି ଦୀପାଲିଙ୍କ ଗୁଣ୍ଡା ବାହିନୀ । ହେଲେ ଥାନାରେ ଅଭିଯୋଗ ପରେ ପୋଲିସ ଚୁପ୍ ହୋଇ ବସିବାକୁ ନେଇ ସାଧାରଣରେ ଉଠିଛି ଅନେକ ପ୍ରଶ୍ନ ।
ଆହୁରି ପଢନ୍ତୁ ଓଡିଶା ଖବର...